اخواتى الحبيبات
وحشتونى كتتتتتتتتتتير
انهارده باذن الرحمن سوف ننهى النون الساكنه واحكمها
هناخد اخر حكمين اللى هوما الاقلاب والاخفاء
بس قبل ما ناخدهم نفتكر الاظهار والادغام
احنا قولنا ان الاظهار ليه حروف اللى هى
( أ , هـ , ع ,ح , غ , خ )
بس هقولكم حكملها لكى اكون وصلت المعلومه زى ما تلقتها من معلمتى جزاها الله خير عنى ان حكم الاظهار يسمى
اظهار حلقى بغنه ناقصه
يعنى ايه حلقى وغنه ناقصه دى
انا اقولك الحلقى دى يعنى بخرج من الحلق اصل حروف الاظهار حروف حلقيه بتخرج من الحلق
اما غنه ناقصه دى الغنه هو صوت بظهر مع نون بيطلع من الخيشوف لان النون مخرجها الخيشوم طب دى الغنه ناقصه ليه لان الغنه هنا فى النون بس
نجى للادغام وحروفه اللى هيه
( ي , ر , م , ل , و , ن )
والدغام زى ما احنا قولنا هو ادخال حرف ساكن ( النون الساكنه) فى حرف متحرك ( حروف كلمه يرملون) وبيصبحوا كلمه واحده
ده بقى ليه 3 احكام
الاول ادغام ناقص بغنه اكما ما يكون (بيجى مع حروف ي , و واطلق عليه ناقص لان حروفه غير مشدده)
التانى ادغام كامل بغنه اكمل ما يكون ( بيجى معه حروف ن , م واطلق عليه كامل لان حروفه مشددين والغنه لان م , ن فيهم اساسا عنه لان مخرجهم الخيشوم)
التالت ادغام كامل بدون غنه ( وبيجى مع حروف ل, ر واطلق كامل لانهم مشددين وبدون غنه لهم ليس فيهم صوت لان مخرجهم مش الخيشوم
بس لازم نعرف ان لكل قاعده شواذ
وهنا فى كلمات لاتدخل فى حكم الادغام رغم وجود نون ساكنه مع حروفها وهما
(بنيان _ صنوان _ قنوان _ دنيا )
طب دول شواذ ليه لان الادغام لا ياتى فى كلمه واحده وياتى فى كلمتين متتالين
وده حكمه اظهار مطلق
للاقلاب
هو قلب النون الساكنه الى ميم
والاقلاب ليه حرف واحد وهو (ب)
بس على فكره الميم دى لتجى فوق النون او مع التنوين بس خلى بالكم لان فى ميم صغيره تانيه بتجى فوق الكلام ودى ليها حكم تانى
الاخفاء
دى بقى سهل جدا ليه لانه مزيج من الاظهار والادغام نظهر الغنه او الصوت من الخيشوم المصحبوب مع النون وندخله فى الحروف الاخرى اللى هى جميع الحروف ما عاد
( حروف الاظهار والادغام والباء)
المره القادمه ان شاء الله هنطبق عملى على احكام النون من خلال القران الكريم
وارجوا الله ان اكون وصلت جزء من المعلومه كما تلقتها من معلمتى لافيد بيها اخواتى الحبيبات
استودعكم الله
الجزء الاخير من ساعدونى اتعلم القران بالتجويد
رد مع الاستدلال
كتبت بواسطة همسات_77
الروابط المفضلة