مرحبا خواتي

فديتك انا ابي منكم طلب صغيرووون اذا ممكن تساعدوني

ابي اعرف اسماء اماكن تبيع مفارش للاسره تكون حلوه وسعرها بعد حلو في الخبر أو الدمام لاني بصراحه دخت وانا ادور في حلوين بس اسعارهم نااااااااااااار ...

ياليت اذا تعرفون اسماء اماكن تخبروني وياليت تذكرون لي اسم السوق او الشارع اللي فيه المحل لاني بصراحه من البحرين بس دوم اتسوق من السعوديه

أهلاً بك أختى العزيزة

و للأسف ليس عندى أى معلومات قد تفيدك ولكن أخواتنا بالخبر والدمام أن شاء الله يفيدونك

و أسمحى أعدل العنوان حتى يكون واضح للاخوات

و أهلاً بك عزيزتى

هلا بك حبيبتي..
انا من اهل الدمام وان شاء الله افيدك.((بصراحه امي مو انا ههههههه))
انا ماعرف في هالسوالف بس نزلت ركض لامي وهي طبعا _وبلافخر_فهرس اسواق تخصص مواعين وماجستيرديكور..
هذي احسن الاماكن والمحلات بحسب موسوعة ماميييي:
1 ـ في الدمام شارع الكورنيش محلات اخر فرصه تبيع مفارش حلوه واسعارها رخيصه وتكد معك(يعني غسيل وكوي).
2 ـ في الدمام سوق الحب فيه كثيييييير محلات تبيع النوع الغالي والرخيص لكن يطغى عليه الرخيص لانه سوق شعبي شوي.
3 ـ في الخبر شارع السويكت فيه محلات الهاشمي قريب مسجد السويكت.
هذي احسن المحلات وان شاء الله تعجبك.. واي خدمه على عيني وراسي_الله لايخلينا من الوالده_ هههههههههههههه

تحياتي لك وحيا الله اهل البحرين..

مرحبا
تسلمن اختي بوسي .. كفاية ردك علي

الغاليه شموخ الضعف

تسلمين يا وخيتي وتسلم لي الوالدة ربي يخليها لك يارب سلمي عليها وشكريها نيابه عني ...
بصراحة انا دليت تقريبا كل الاماكن اللي قلتيها بس شارع الحب ذا ما عرفه بس ان شاء الله بسأل وبشوف

هلا والله فيك اختي.. ابد والله حق وواجب ماسوينا شي..
والحمد لله انك عرفتيهم.. بس اهاااااا باقي سوق الحب قصدك!! موشارع الحب..
هذا سلمك الله اشهر سوق في الدمام، واحيانا يسمونه ((سوق الدمام))، وهو سوق مفتوح يبيع كل شي.. مثلا ملابس مفروشات اقمشه حلويات ((بسطات الحنه والديرم وذي السوالف)) وهو كبير حيل .. اذا ماعرفتيه كلش علميني وانا اختك واوصف لك ياه من البحرييييييييييين الين اول محل للشراشف فيه.. تامرين امر يالغاليه..
تحياتي لك..

وسع وسع أنا جيت..

هلا حبيبتي الخفاقه..

شوفي عيوني.... كلام الغاليه شموخ صح..

وأنا أنصحك بسوق الحب...

وهو أما أمارة الدمام.... الشارع المقابل لها على طول تكون بداية السوق....

أنتِ أدخلي من البدايه هلاص....

بعدين بعد يمكن ثلاث أو أربع محلات راح تلاقين دخله يميييييييييين....(زقاق...نافذ)

أدخليها .... بتلاقين محلين حقت مفراش ...تهببببببببببل... وأسعارها رووووعه ..لا تفوتك...

وإذا أشتريتي أدعي لي...

وبعدين سوق الحب ... هذا أقدم سوق في المنطقه...وفيه كللل شئ ...

اشياء شعبيه وحديثه... بالنسبه لي أحبه مره..

وحافظته زي راحة يدي... وأعرفه محل محل.... وأحب أقضي منهم كللل شئ إلا الأقمشه....

أن شاء الله أكون أفدتك..والله ييسر أمرك...

تسلمين يا الغاليه شموخ الضعف

تراني كني عرفته هالسوق نحن انسميه سوق الحريم والله سوق الحريم واحد ثاني ؟؟

فديتج اختي محبة القرأن

تسلمين لي والله .... وشوفتج مهووووسه زيي في التسوق والاسواق

ويييييييييه ياربي انا وين الله قطني عندكم؟؟ انا شحليلتي عاقله ماحب الاسواق والوروره..
ماحب الا سوق الراشد والجمعه وفؤادسنتر والدانه والسويكت والمجمع النسائي والواحه وبنده والكورنيش..

بس هذول
عالعموم هذي اوخيتك محبة القران كفت ووفت ماشاء الله عليها زين ماتروح معك للسوق مره وحده
والسوق ذا يتهيألي يسمونه احيانا سوق الحريم مع انه في رجال

تحياتي لكم..

هلا خقاقه

عاد سبحان الله قبل امس توني شاريه مفارش تجنن لغرفتي الجديده..

فيه في الدمام محلات على الشارع التجاري في اعتقد اسم الحي مخطط 8 الا كانهم غيروه..

المهم في هالشارع تلقين محلات مفارش روعه منها الدريويش وبعد على يساره محلات تجنن شريت من واحد منهم مفارش عنابيه تجنن هي عنابي وفيها ورد ستان ومخمل حلوه مره عطت شكل للغرفه وسعرها رخيص الواحد ب 120..

فيه حق شخص وحق شخصين

يا هلا بك يا الخفاقة وبأهل البحرين
شوفي حبيبتي بالإضافة للي ذكروه الأخوات عندك محلين على
كورنيش عنك وإنتِ طالعة من الدمام يبيعوا مفارش روعة
أسعارهم تترواوح من 300 وأكثر لكنهم يستاهلوا
اسم المحلين مفروشات أحمد مفروشات الناصر

أرجو أن أكون قد أفدتك