السلام عليكم
أتمنى المساعدة من أخواتي الليبيات أريد ديكور جلسة عربية موديل جديد
ولوك عصري
أتمنى منكن المساعدة ضروري وبشكل عاجل
ولكن منى فائق التقدير
ودعوة بظهر الغيب

و عليكم السلام و رحمة الله و بركاته
اهلا بيكى أسيل
ان شاء الله الاخوات من ليبيا يفيدوكى
موفقة

السلام عليكم ممكن تشوفي محلات خشب الورد في النوفليين بعد الاشارة الضوئية الهاني يجيك المحل على اليسار (المحل راقي جدا وحاجاثه تحفة)
كذلك المحلات في رآس حسن عندها حاجات تهبل
وديري دورة على محلات قرقارش فوق قرب السياحية لكن الميزانية ممكن تنضرب وننصحك ديري مقارنة في الشغل بين المحلات اللي عجباتك في التشطيب لان الشكل مرات يغرك وهذا عن تجربة
واذا كان عندك تصميم في خاطرك ندلك على محل يخدم حسب الطلب فقط والتسليم بعد يومين (خدمت عنده كنبة حرف L وطلعت روعة ......هدية لاخوي في زواجه)

مشكورة أختي بنت فرناج على الرد والإهتمام وربي ينولك إلي في بالك
وأتمنى تفاعل اكثر من أخواتي الليبيات
ومشكورة على مرورك
سلام

عليك وعلى جامع الصقع تلقي فيه طلبك
وفيه العملي العادي وقيه الراقي وكل واحد حسب ذوقه
ميزة جامع الصقع فيه منافسة فتقدري تستفيدي منها في السعر يعني اللي بتخيطيه في قرقارش ب400 ممكن توصليه في جامع الصقع بسعر اقل منه بهلبة

ولو متبيش التلخبيط وتبي محل طول تمشيله عليك وعلي محلات ميزران مش قصدي شارع ميزران في لا قصدي هكي اسم المحل وفي منه فروع
وسعره المتر ب350 او 450 دينار حسب الطلب
ويارب انكون فدتك بشي