السلام عليكم ورحمة الله وبركاته

اخواتي في الله
انا هنا هتكلم عن غرفة محدش منابيستغني عنها
غرفة الطعام او السفرة
انا هنا هتكلم عن تجديد غرفة كئيبة اللون والشكل
وهنحولها لغرفة كلها حيوية وجمال
طبعا كلنا عارفين ان العين هي اللي بتاكل الاول طبعا
وطبعا معناها ان العين كل مااتبهرت بالمكان كل ماالواحد
نفسه اتفتحت واشتهي للاكل فلازم ان تكون جميلة ورائعةلانها ايضا غرفة العزومات والضيوف
انا هتكلم معاكم زي ماقولت هنحول غرفة كئيبة
غير مليئة بالحيوية وهنحلوها لغرفة السعادة والجمال مليئة بالحيوية غرفة من الاخر تفتح النفس ههههههههه

انا هوريكم غرفة قديمة مكتملة اه بس مش
فيها الحيوية ولا بتشد حد ولا حتي احب اني اعزم حد فيها




الصورة هنا كئيبة الوانها مطفية مش متناسقة ولامبهجة
ولا تسري ولاتفرح القلوب ولاتفتح النفس ولاتشهي الواحد للاكل
تعالو بقي نتكلم ع التغير اللي هنعمله للغرفة ديه
انا من رائي بلاقي ان هناك نوعين من التغيير


النوع الاول المكلف وبيكون فيه تغيير شامل
والنوع الثاني اللي مش مكلف وبسيط وبيعمل تغيير

بصو احنا هنتكلم علي نوع نوع ان شاء الله


النوع الاول المكلف

انا هنا بتكلم علي نوع بيكلف وليه برضو نوعيين
! نوع مكلف تكلفة بسيطة
!! نوع مكلف تكلفة عالية


! النوع المكلف تكلفة بسيطة بيشمل تغيرات في الالوان الوان الحوائط والوان القماش ولكن العفش زي ماهو وده بيعمل تغير جميل اوي للغرفة بتكاليف مش عالية وده من وجهة نظري


!! النوع المكلف تكلفة عالية وفيه تغيير الشكل كله والالوان والاثاث الغرفة كمان بيتغير كله وفيه تغير للموديل نفسه احيانا



النوع الثاني الغير مكلف
وهو اضافات بعض اللمسات اللي بتعمل جو من البهجة والسعادة في النفس مع ثبات الاثاث والالوان وعدم تغيرها زي الزهور والشموع المفارش والساعات والبراويز وغيرها بلمسات وتكلفة قليلة بتزيد البهجة والجمال


كده انا اتكلمت كلام شامل
تعالو بقي نتكلم علي نقطة نقطة

يتبع

الالوان وتغيرها(بياض حائط او الاثاث او فرش)

تغير اللوان واختيار الالوان المناسبة والمتوافقة مع الموضة
بتعمل شكل جميل وتغير لشكل الغرفة
المهم اختيار وتناسق الالوان فلازم كل شئ بالغرفة يتناسق مع بعضه سواء لون الحائط او لون الاثاث او لون
فرش ومفارش السفرة وكراسيها كمان لابد التناسق في كل الاكسسوارات والديكورات المختارة في غرفة الطعام
فبما اننا بنكلم علي تغير الغرفة السابقة الكئيبة انا بري ان اللون الابيض لون رائع ملئ بالجمال والروعة
ده من وجهة نظري وحتي اللون البني ايضا ولكن اختياره لابد بطريقة مظبوطة لتتناسق مع باقي مكونات وديكورات الغرفة




هنا تغير لون الحائط ليتناسق مع اللون الابيض وتغيرت الالوان المحيطة للتتناسق بالوان رقيقة رائعة




انظروا للون الابيض ازاي بيدي وسع للغرف وكمان لون بيوحي بالسعادة والبهجة
هنا هتلاقو ان لون الحائط تغير ليناسب مع اللون الابيض بتاع الاثاث فتداخل اللون مع اللون الاثاث واعطونا لون وشكل رائع متناسق ماشاء الله



وانظروا بقي هنا معي لروعة اللون الابيض والتناسق مع لون الحائط والستائر وباقي الديكورات ليعطونا هذه الرقة والجمال

ده بالنسبة للون الابيض طيب ماتيجو نتكلم علي لون للاثااث لون اخر
هنا تناسق اللون جيدا وتناسق اللون مع الحائط والحائط اختارنا له لون سجادة قريبه منه ولم ننسي اللون الابيض لم نتخله عنه ايضا هنا وانظروا الي السقف وتقاربه مع فرش الكرسي والارضية (السيراميك)




تكلمنا علي تناسق الالوان واهميتها وروعتها لتخرج من ايدينا غرفة
رائعة متناسقة جميلة



الاثاث نفسه

هنا كان المفروض اتكلم قبل الالوان بس كتير مننا بيجهز الشقة والحوائط قبل مايشتري الاثاث وانا هتعامل علي هذا الاساس بس احنا هنا بنكلم ع التجديد يعني عندنا شقة وبنغير شكلها
فتعالو بقي زي مااتكلمنا علي التناسق في الالوان لازم برضو
نناسق في اختيار الاثاث مع بعضها بما اننا هنا بنكلم علي غرفة واحدة فلازم ننسق في اختيار الاماكن اللي
هنحط مكونات الغرفة فيها

ومش كده وبس لازم من اختيار الموديل المناسب
والموديل المحبب لدينا سواء مودرن او كلاسيكي او فيرفوجيه (وهو التناسق بين الماضي والحاضر)
ووضع كل قطعة سواء السفرة نفسها وكراسيها او النيش او البوفيه كلا في مكانه المناسب

فيرفوجيه












يتبع

الاضاءة



وهي يااما طبيعية بواسطة الفتحات سواء شبابيك او بلوكنات

اوصناعية وحدات نجف متعلق او ع الحائط

واخري صناعيةبواسطة الشموع






الاضاءة الطبيعية

وجود السفرة في مكان بيه بلكونات او غرفة بيها شبابيك
بتجعل الغرف ليها روح اخري وجمال
وطبعا قبل الجمال طبعا الفائدة من وجود الهواء وتغير الجو بهذه الغرفة بواسطة هذه فتحات التهوية
المهم ان وجود الشبابيك او البلكونة بيعمل جو اخر من الجمال للغرفة كما يعمل علي اضاءة طبيعية رائعة
انظروا الي هذه الصور


















الاضاءة الصناعية الوحدات

وطبعا تشمل النجف سواء علي الحوائط او متعلق فوق السفرة وهذه بعض الصور
ولابد من التنسيق ولابد اختيار انواع النجف حسب
نوع وموديل الاثاث
























او اضاءة غير مباشرة بطريقة رائعة جدا





يتبع

الشموع



من النوع الغير مكلف ومن الاضاءات الصناعية البسيطة

وبيعمل جو رائع من الرومانسية والجمال والبهجة علي العيون

والشموع يختلف تواجدها في هذه الغرفة
ممكن وضعه ع السفرة نفسها ممكن وضعها ع النيش
كما انها توجد ع الحائط احيانا او فوق الدفاية الديكورية في بعض غرف السفرة
والاشكال الشموع تختلف منها القصير ومنها الطويل































الستائر

مش كل غرف السفرة بيستخدم بيها ستائر كما نري اليوم كما نلاحظ ان اليوم هناك انواع كئيرة جدا من انواع واشكال للستائر
فلابد من التناسق في استخدام الستائر مع موديل ولون الاثاث والحائط
وكلما كانت الستائر رقيقة بسيطة كلما زادت من جمال الغرفة واعطت شكل جميل رقيق وكلما كانت فاتحة اللون كلما زادت من بهجة وانارة الغرفة



























السجاد

لابد من تناسق واختيار سجاد متناسب
هنا وفي هذه الايام ليس الكثير مننا بقي يستخدم السجاد تحت السفرة او طاولة الطعام
البعض بقي يستغني عنه لاستخدام السيراميك والرخام الفخم اللذ لا يحتاج لوجود السجاد ولكننا هنا هنتكلم علي السجاد المستخدم
لابد اختيار مقاس مناسب للسجاد بحيث تكون تحت السفرة والكراسي وكمان تكون اكبر بقليل من اخر طرف لرجل الكرسي وهو مفرود بعيد عن السفرة
اكيد فهمتو قصدي
وهنا هوريكم مجموة حلوة من السجاد ووجود بعضها اسفل السفرة

























يتبع

الزهور

للزهور اهمية شديدة جدا في غرفة السفرة
وبالوانها الجذابة الرائعة تجعل من الغرفة شكل جديد
وكلما كانت الزهور رقيقة متناسقة الالوان كلما اعطيت للغرفة لون جديد لون يوحي بالسعادة ويوحي بيوم جديد رائع مش مهم بنظري استخدام زهور طبيعية او صناعية
المهم كل اللي يراها يراها طبيعية جديدة وكلما اهتمتي بالزهور الصناعية للايحاء انها طبيعية تعطيكي
وتعطي الغرفة شكل جميل جذاب رائع

انظروا التداخل بين الشموع والزهور بشكل رائع متناسق














المرايات



وجود المرايات في غرفة السفرة
يعكس الصورة ويزيد من مساحة الغرفة ويعطيها مساحة اكبر

بعض الديكورات الزائدة

مثل الدفاية وهي من الديكورات الشائعة
وتعطي شكل جديد ورائع
او استخدام البراويز والصور

او استخدام الساعات الجميلة







يتبع

مفارش السفرة

برضو من الحاجات اللي بقت مش ضرورية اليوم ولكن
ممكن بها تعديل شكل السفرة وتحويلها من شكل سئ الي شكل جديد ورائع
وعليك اختيار الشكل المناسب والرقيق للطاولة
لانها فعلا بتدي ايحاء جديد وشكل رائع وجو جميل للغرفة















مناديل السفرة

تتنوع اشكال والوان وتناسق وترتيب وطرق لف مناديل السفرة مما تعطي شكل جديد ايضا للسفرة وتزيد من جمالها وهي من الاشيا الغير مكلفة البسيطة
فلتغير السفرة لابد من تغير كل نقطة سابقة
وتغير المناديل انا من رائ ان تغير شكل المناديل يوميا او اسبوعيا شكل جديد يزيد من جمال ويعطي تغيير لشكل السفرة واهي شئ غير مكلف وبسيط

اكسسوارات السفرة

من الاشياء اللتي تعطي للسفرة شكل جديد
وشكل رائع وجميل ويمكن صنع هذه الاكسسورات بالبيت وبايديكي
او استخدام بعض من الخواتم والخرز الغير مستخدم
وبرضو هي اشياء بسيطة التكليف غير مكلفة كتير وبها
تتغير شكل السفرة

يتبع

اطقم السفرة

لابد من التنسيق والرقي في استخدام اطقم السفرة
بها يتم ناكل وهي اول ماتشوفها العين قبل الاكل
فكلما كان الطقم نظيف شكله شيك كلما زاد من طمائنية الشخص وجعل شهيته مفتوحة

















اهم واخر شء هنا وهي

ترتيب السفرة وتناسقها


وهذه النقطة تلعب دور كبير جدا وهي نقطة غير مكلفة خالص
فلابد من ترتيب السفرة بشكل جميل هذا الترتيب يعمل علي تجديد شكل السفرة واعطائها شكل جميل

وهي تشمل كل من النقاط الاخيرة السابقة
بداية من مفرش السفرة الي استخدام الاطباق والفضيات(الادوات المعدنية)

ترتيب القطع من اليمين إلى اليسار ومن اليسار إلى اليمين في اتجاه الصحن.



يوضع سكين الأكل إلى اليمين الصحن وسلاحها للداخل

توضع ملعقة الشوربة إلى يمين السكين متجهة إلى أعلى.

توضع الشوك إلى يسار الصحن.

إذا كانت أصناف لا تحتاج لسكين لذلك توضع شوكة الأكل محل السكين.

عند تقديم السمك كطبق أساسي يجب وضع شوكة وسكين السمك بدلاً من العادية.


أدوات الغرف بجانب الصحن الخاص ,وتستعمل شوكة كبيرة وملعقة لغرف السلطة والخضروات واللحوم المقطعة.

فوق كل طبق منديل مترتب وفي داخله قطعة من الخبز


اتمني ان ينال موضوعي اعجابكم ان شاء الله

ماااااشااااااااء الله حبيبتي منين مووضع رائع وكامل متكامل
بارك الله فيكي وجزاكي كل خير بالفعل مووضع جديد ومميزز
شكرا جزيلا لكي

منمون ...........ماشاء الله عليكي
موضوع تحفه بجد

كتبت بواسطة nnnnn_nora

ماااااشااااااااء الله حبيبتي منين مووضع رائع وكامل متكامل
بارك الله فيكي وجزاكي كل خير بالفعل مووضع جديد ومميزز
شكرا جزيلا لكي

متشكرة حببتي نور بارك الله فيكي
ماتحرمش منك ولا من كلامك
لابنا يجازيكي كل خير يارب