أخواتي أنا راجعه السعوديه بعد غيبه طويله الله يسهل علينا وعليكم وودي أشتري أثاث من هنا وودي تشورون علي في الالوان الجديده الدارجه ألان للكنب وكمان لون خشب غرفة النوم أنا عجبتني غرفه عودي محروق غامق هل هو لون جديد وكمان محتاره في الدولاب هل محلات السعوديه تقدر تسويه بنفس لون الغرفه وجودة الخشب الامريكي الله يخليكم عطوني رأيكم وخصوصاً اللي سبق وأشتروا من هنا .
الكنب عجبني واحد زيتي فاتح كاروهات وعليه وسادئد بعضها كاروهات ماونه والبعض زهور حمراء مع زيتي وهو أحمر هادي مو داكن . هاذي القطتين الكبار أما الكرسي فهو كاروهات ملون من كل الالوان السابقه .
أنا أنشغلت فتره مع الدراسه تدرون ومطوله عن الموضه باالله عطوني رأيكم في هذه الاغراض

هلا هياء الله يسهل امركم وترجعون ان شاء الله سالمين غانمين وعقبال البقيه
بالنسبه للون الغرفة روعه وحلو كثير بس يحتاج تنتبهين لهانقاط :
1- انتِ عارفه جو السعودية المغبر خاصه الرياض وماجاورها يعني راح يتعبك هاللون بالتنظيف وازالة الغبار ..الا ان كنتي في الشرقيه او الغربيه اهون كثير ..
2- اذا كانت غرفتك مساحتها صغيرة الأفضل انك تاخذين فاتح جدا ..لأن الغامق راح يعطيها ضيق اكثر اما ان كانت واسعه فإختيارك موفق ..

بالنسبه للدولاب : تأكدي من نفس المحل اللي راح تاخذينها منهم في امريكا هل ممكن يصممون لكم دولاب بالمواصفات اللي تطلبون يمكن يكون اضمن لكم ..
وبصراحه انا اعرف انه هالحين في السعودية مناجر و محلات يصممون لك احسن من الجاهز بالف مره بس ماعرف ان كانت راح تكون مطابقه 100 % او لا لغرفتك !!لكن البنات ان شاء الله يفيدونك ..

بالنسبه للكنب اهم شئ ياهياء تكونين انتِ مرتاحه له والوانه حلوووه كثير وشكلي شايفته وعاجبني كثير بس ماقلتي لأي غرفه راح تختارينه يعني للنساء او للصاله او المجلس ..؟

والله يعيننا وياك

اختي هياء ترجعين بالسلامة ان شاء الله والف مبروك ويارب عقبالي وافتك من هالامريكا....
حبيبتي انا مثلك شفت اشياء هنا ونفسي اشتريها بس زوجي مو عاجبته فكرة اننا نشتري شي من هنا يقول كل شي موجود في السعودية...... وبالذات الرياض احسن المحلات فيها
بس عاد ايش انا مصممة لاني حطيتي عيني على اشياء معينه وعشعشت في مخي تعشيشة عناكب ومي راضية تخرج
علشان كذا حبيت اسئلك عن الشحن هل انتي بتشحنينه معاك او بتشحنينه على ماظن يقولون عن طريق البحر انا مادري بس وحدة قالت لي انه عن طريق البحر...
واذا معاك كم المسموح ( زوجي يقول بس شنطتين، وحدة تقول لي انا اخذ معاي زي ماابي )
واذا شحن ممكن تقولين لي كم يكلف وعن طريق ايش الشحن..
ومعليش على الازعاج...

الله يجزاكم خير أخواتي ديم ومجموعة انسان .
صراحه وسعتوا صدري بردودكم سهل الله عليكم .
بالنسبه للاغراض غاليتي مجموعة انسان احنا راح نشتري اجهزه كهربائيه وغرفة نوم واسره لاولادي وكنب لصالة الحريم وطاولة طعام لان هذي الاشياء هنا أرخص واجمل بكثير على ما نعتقد , وراح نأجر كونتينير لها وتروح عن طريق البحر .
أما بالنسبه للطياره فالعفش المسموح لكل تذكره شنطتين واذا تبغين تشحنين أكثر تدفعين الفرق .
اذا أنتم جايين على بعثه ترى يدفعون لكم راتب شهر زياده للكونتينير اذاعندكم عفش بتأخذونه معكم .أعتقد الكونتينير اللي حجمه 20 قدم ويسع كل أثاثي السابق بكلف1500 دولار
اذا عندك اي سؤال اخر تراني في الخدمه

وفيتي وكفيتي حبيبتي...
الله يعطيك الف عافية..
وزي ماقلتي هنا ارخص... خاصة طاولات الطعااااااااااام شي خيالي ونص قيمة الي في الرياض...
مرة ثانية ياقلبي تسلميييييييييييين والف شكر...

حياك الله اختي هياء ..

ان شاء الله ترجعون بالسلامة ..

لون الغرفة حلو كثير لكن لو مساحتها صغيرة بيعطيك احساس بالضيق زود ...مثل ماقالت ديم

بالنسبة للالوان الدارجة عندنا ..مااقدر افيدك اختي الكريمة ..لأني مااعرفها ونزلتي للسوق قليلة
جدا جدا ..

الاخوات ديم وانسانة ماقصروا ..وان شاء الله يساعدونك بقية الاخوات ..