السلام عليكم ورحمة الله وبركاته خواتى الغاليات..
كلنا نحتاج لمنزل يكون مريح ومناسب من حيث عدد الغرف والاثاث..وكل واحد ما راح يبنى الا الشىء اللى هو محتاج له..
وانا ابغيكم اليوم تعطونى ارائكم قبل ما ابدا بتنفيذ الملاحق..
شو الشىء اللى عملتيه واستفدتى منه؟؟
شو الشىء اللى عملتيه وطلع ما له لازم؟
شو الاخطاء اللى ارتكبتوها في البناء؟
المهم تعطونى رايكم..
لانى ممكن استفيد من اي فكره...
نوع المطبخ؟
اخطاء المغسله؟
هل عملت مكان خارجى لغسيل الاطباق؟
هل نفذت مكان واسع التهويه للقلى؟؟
هل وهل وهل...


الله لا يحرمنى منكم خواتى الغاليات..انتظر ردودكم ومشاركاتكم...

الظاهر انى وانتى في الهم سوي لكن بقولك عن النصائح التى قدمت الى بالنسبة للمطبخ :

سطح دواليب المطبخ لا تعملينهم رخام ...سويهم جرانيت والافضل على الاطلاق هو الجرانيت الصناعي ...بس غالى شوى ....لان الرخام لو انسكب عليه شيء يتشربه وأحيانا يتشقق اذا حطيتى عليه شيء حار ...اما الجرانيت لا ...بالاضافه ان فيه اشكال والوان اما الرخام محدوده الوانه ..
بالنسبة للدواليب نفسهم الخشب مايعمر كثير ويحتاج الى حرص ...بالأضافه الى انه يجمع الحشرات ...الاحسن الالمونيوم ...لكن مشكلة الالمونيوم اذا بغيتى تسوين اشكال على الابواب ماينفع فيه ...انا شو عملت سويت الدواليب كلها المونيوم والابواب بس خشب ..

الافضل فى ابواب الملاحق انك تعملينهم الالمونيوم مش خشب عشان ماتاثر فيهم الرطوبة ....

هذا الى عندى حاليا واذا تذكرت بزيد ان شاء الله ...

عزيزتى ام يوسف

انا عملت الملاحق بشكل فله

وفيها غرفه واسعه للمعيشه مجلس - غرفه العاب -حمام مع كاونتر للمغاسل- غرفه خادمه مع حمام -غرفه للغسيل والاندرى-مخزن استور-مطبخ

عمل الارضيه جرانيت-والابواب المونيوم مع زجاج اخترت اللون الابيض
عملت الشبابيك والابواب عريضه فلذك عطانى نور فى المكان ومنظر الحوش كله مكشوف فى الملاحق- بالنسبه للستائر عملت الستائر الى تطوى لفوقواخترت النعوع الى جاى علىجلد
لون اوفوايت كثير عملى ومريح - بالنسبه للستور عملت فيه ارفف بالطول العرض ومن النوع الالمونيوم الى توضع فى المكاتب عملى جدا -بالنسبه للمطبخ عملت الدواليب المنيوم ورفعتهم بقواعد عن الارضيه والاسطح رخام بس مثل ما قالت الاخت ام غانم جربى الرخام اذا عندج فكره افضل عنه لان اى ليمون بيترك اثر على الرخام مايروح ابد باب المطبخ الى يطل على الصاله عملته مربعات خشب مفرغه وفيها مربعات زجاج اما الباب الى يطل على الحوش فهو زجاج مع اطار المونيوم ابيض - بالنسبه للمغسله فيه مغاسل كبيره الحجم تتحط فى المطاعم
فيها حوضين كبيرين ركبى وحده ماراح تندمين رائعه جدا والبتغاز فيه ايضا نوع يستخدم فى المطاعم(هفى اديوتى)روعه وعملى وممكن يكون الاكل فيه حار باستمرار -وممكن للكيك والفطاير اتركبين غاز خاص بها النوع ايضا عملى ورائع ويتثبت فى الدولاب
الشفاط او المروحه فيه نوع ايضا كبيره وعمليه ماتترك اى روائح فى المطبخ
لاتنسين اتسوين حامل للقصدير (الالمونيوم- واورق البلاستيك) تخلين انجار ايثبته لك اما فى
الجدار او يعمل له مكان فى سطح الدواليب الرخام او الجرانيت 00 هذا ما خططتله عندى
والان افكر اعمله 000

بالنسبه للفريزر خذى النوع الى يجى على شكل دولاب به سدات وايد مريح

نجى عند كاونتر الشوى والقلى يعمل على شكل حرف L مرتفع له اسطح رخام
تحتهم دواليب المونيوم وفوق بتغاز مربع صغير عملى للقلى لاتنسين مكان للشوايه

تتثبت فى الكاونتر ولها درج ممكن تحريكه للتنظيف بالنسبه للتنور اذا كانت عايلتج اتحب السمك المشوى فيه نوع احجار تتحمل الحراره وتحتفظ بالحراره غير عن الحجر الاردنى ممكن تعملى منها التنور وتخليه بمستوى الشوايه يعنى مرتفع وانت واقفه تضعين السمك او القوزى 0000

فى طرف الكاونتر عارفه ياام يوسف الاحواض الى توضع للشور عملناه حوض لغسيل الاوانى
مع سطح رخام للتقطيع وارفف للصحون بالنسبه للماء عاملين صنبور ماء عادى واخر
عرفتى البيب الى يستخدم فى الحمامات عزالله ويجهج استخدمناه بجانب المغسله للتنضيف
لان بيبخ ماء قوى

ملاحضه بالنسبه لغرفه الاندرى اعملى الادراج والدواليب من الالمونيوم
وماتنسين تعملين كرسى لرفع الغسالات لحمايتها من الرطوبه بجانب مغسله للغسيل اليدوى

ممكن ايفيدك موضوع ران لان وايد عملى وانا امطبقتنه بالبيت

ومن تجاربى حمام الشغالع احرصى على ان يكون خارج غرفتها حتى تراقبين نظافه الحمام لان معظمهم ايكسلون اينظفون حماماتهم وكل يوم بيكون عندج صيانه وروائح غير نظيف
لان لما رتبنا ان اتكون غرفتها داخل فله الخدمات عملت الحمام خارج الغرفه وثلاث شغالات اتناوبو على الحمام لازال نظيف الحمد لله 0000
هذا وسلامتج ياام يوسف وعلى فكره وايد ناس زارونى عشان اخذ افكار للملاحق
لانها بصراحه ما امدح بيتى عمليه وفخمه بنفس الوقت بس غلطنا بشى واحد ما ربطناها بالفله والان ندرس موضوع ربطها بالفله ( الله يسعد ابو محمد ويرجعه لى سالم غانم باذنه تعالى
والله يريحه مثل ما ريحنى والله انى ميته خوف من ها الطيارات يارب ايعود سالم ادعيلى يام يوسف)
واى حاجه ياام يوسف انا مستعده حتى اذا بغيتى خارطه فله الملاحق بس قولى وراح ابعثها لج
واذا بتزورينى بالبيت يحصلى الشرف

يعطيكم العافية اخواتي ...معلومات مفيدة .

تسلمي يا رنين ..
شايفه يا ام يوسف رنين حطت لك كل التفاصيل من واقع تجربة فعلية لذا لاتترددي في أن تأخذي منها ما يناسب امكانياتكم المادية والمساحة العامة عندكم ..

لكن يا رنين طالما إن الملحق منفصل عن الفيلا ما تخافي لا الشغالة تنحاااااااااااااااااش ؟؟
والله يرجع لك أبو محمد بالسلامة ..

ران :
اهم ما بالموضوع....
كيف نحافظ على الشغاله علشان ما تنحاش

صج ...اشلون ماتنحاش ؟!؟!؟!؟!؟!؟!؟!؟

وينكم خواتى؟؟

ران الف شكر على دعواتك الله يجزيك كل خير يبارك لك فى اسرتك

اما بالنسبه للشغاله انا مطمئنه لانى عدلت فامنت
وهى مسلمه ودينه ونعاملها كواحده من الاسره لذا لن تهرب
وهم اخوانا فى الدين والانسانيه وعيال ناس بس الحاجه رمتهم على الغربه

العزيزه ام يوسف
مدام المهم فى الموضوع كيف الشغاله ما تهرب يرجى تغير عنوانه الى اسباب هروب الشغالات
وليس تجربتك اختى حتى نكون على بينه لانى بصراحه صدقت الموضوع
وكتبت لج عن تجربتى الخاصه بدون زياده اى حرف اخر كان هدفىالمساعده للجميع
00000 امزح