انا فعلا لسه مجبتش القماش وكانوا بيقترحوا عليه اجيب قماش الاوبيسون للصالون بس حسيت انوا تقليدى والوانه محدودة وانا عايزة اخلى الالوان تعملى الوان حلوة فى البراقع وغالبا هخليه بنفس الوان الشقة الفاتحة
و أنا معك فى كده لان بصراحة الأوبيسون شكله محفوظ و تشعرى أما تدخلى اى منزل بيه الطقم ابيسون بشعر انى شفته كتير و محفوظ للعين مش تجديد و لا شىء مميز
ممكن تختارى أقمشة جميلة و مناسبة للصالونات بعيد عن شكل الأبيسون .. و فى كمان حرير صينى نازل بيه شغل ورورد أو رسومات بارزة بتكون مخصوصة للكراسى و الكنب و بتكون نفس فكرة الأوبيسون بس شكل جديد لو نزلتى الايام حتلاقيها غير طبعا الأقمشة العادية بيها اولوان و خامات كتير حلوة للصالونات
معلش كنت عايزة اطلب منك ترشحيلى لون لدهان غرفة النوم على حسب الوصف اللى وصفتوا حتى لو مالوش علاقة بلون السيراميك
السيراميك عندك لونه حبيبتى محايد أى لون حتختاريه حيكون متناسق مع السيراميك
عموما على لون البنى لغرفة النوم كما ذكرتى بصراحة اللون المشمشى الفاتح بيكون جميل و حيبرز غرفة النوم و يظهر جمال الخشب ( حقيقى أنا بفضله لانه لون دافى كتير )
كمان التفاحى لو بتحبى الألوان الهادية
و كذلك السيمون الفاتح من الألوان الجميلة
الروابط المفضلة