السلام عليكم خواتي أريد مساعدة إن شاء الله أخوية بعرس شهر ثلاثة والكل معزوم بس المهم وكلني أنا في ترتيب غرفة واني انقلها من غرفة عزابي إلى غرفة معار يس ، الغرفة تتكون من صالة وغرفة نوم وحمام وغرفة ملابس وأنا ما اعرف شو أحطي واو استخدم يعني بنسبة للصبغ أحطي ورق جدران أو اصبغ أحسن وشو الألوان المناسبة وأريد اعرف بنسبة لطقم الجلوس اخذ طقم وإلا تركيب يعني اركب الكراسي على بعض كرسيين مع كرسي واحد طويل ما اعرف محتارة الستاير شيفون وارقنزا وما اعرف إذا اسويلهن ديكورات ساعدوني وأتمنى إذا حد ساعدني يخبرني عن محلات اوكيه أتعامل معاها أنا من الإمارات وهو عاطني مبلغ 20000 درهم فساعدوني

وعليكم السلام ورحمة الله وبركاته
اهلا بك اخيتى معنا
ان شاء الله لى رجعة لموضوعك

وعليكم السلام ورحمة الله وبركاته
اول الف مبروك زواج اخوك الله يوفقه يارب ويسعدهم في ظل رضا الرحمن
طيب الاثاث موجود واللي بتجيبين اثاث جديد؟؟
وقصدي بالاثاث يعني غرفة النوم السرير والدواليب والتسريحه(المزينه)والطاولات الجانبيه؟
فلو كان الاثاث هذا موجود مسبقا فهذا راح يخفف علينا الضغط المادي
يعني المبلغ راح يكفي مررة


عندي لك فكرة
وش رايك نعتمد صورة لغرفة نوم معينه تعجبك وعليها نعتمد الامور الباقيه؟
يعني مثلا راح اخيرك تختاري وحدة من هالغرف:
انا اميل للاولى كغرفة عرسان والخيار لك





وعليها راح نعتمد لون البويه اللي راح تنصبغ
لانها يصمد اكثر من الورق وانظف وافضل
وبعد البويه الستائر والمفارش و الكنب اللي راح ينحط بالصاله وغيره
بس الحين لازم تكونين عارفه المحلات الكويسه واسعارها معقولة لكل شئ نبيه هنا من اللي ذكرتهم
وبعدها الصاله لانها هي الجلسه راح تكون وفيها التلفزيون وطاولة خدمه كبيرة بس راح اترك الشرح لحد ماتختاري الغرفه.
يالله ردي علي بسرعه عشان اشوف كل اللي تحتاجينه عشان تطبقين مثلها.
وبعدين نختار اغراض الحمام(اكرمكم الله)
مع العلم:اذا كان السرير والاثاث موجود ياريت تقولي لي لونه ايش؟
ولو تصورينه يكون احسن وتحطينه هنا عشان اشتغل معاك على نور وتلقين نتائج رووعه..
يالله انتظرك..

بانتظار ردك على اسئلة الاخت عسل لنستطيع المساعدة

شكراً لشذى العطر وعسل الجنة على المرور والمساعدة اخواتي واسفة على التاخير لاني كنت في بيت اهل زوجي في الويكند المهم غرفة النوم موجوده وهي تقريبا مثل هذه الغرفة بس من دون الاعمدو اللي جدام ونفس اللون طبعا الكبت في غرفة الملابس وطبعا نحن اتفقنا مع الخزائن المبتكرة لعمل غرفة الملابي كبت كامل بس احب انوه انه اخوية دكتور وعنده مكتب في الغرفة وطبعا ممنوع نلعب بالمكتب والمكتب كله كتب واوراق واغراض يعني مش مرتب واريد اضيف عليه بعض الاشياء علشان اغير شكله بالمناسبة مايريد يغير المكتب ولا شي فيه والمكتب بنفس لون غرفة النوم والحمتم بيج وبني واتمنى اني كفيت

يالله نقول بسم الله
بالنسبه للبويه
اقترح هاللون راح يعطي فخامه وابراز للون الاثاث وكل الديكورات اللي راح نحطها


البويه:انتهت
ديكورات غرفة النوم: راح نحتاج لهالغرفه بما ان التسريحه(المزينه)راح تصير مع الدواليب بغرفة الملابس فاكيد ماراح نستغني عن المرايه فشوفي المرايه بالصورة الاولى اللي راح نختار بويتها وتحتها طاولة ابيك تشوفين وحدة مثلها بالضبط مو بالشكل قصدي بالورد والشمعدانات اللي عليها لانها قمة في الروعه والفخامه
وين تحطينها طال عمرك؟؟طبعا ماراح نحطها جنب السرير مثل ماهي محطوطة بالغرفه..
شفتي اول ماتدخلين للغرفه مو على يمينك او يسارك الجدار مفاتيح الاضاءة ؟ ايوة ابيك تثبتي فيها المرايه مع طاولتها بهالمكان وفيها الاكسسوارات كلها
نصيحه خاصه:كثري من الشموع الكبيرة في كل رف ..
الجدران الفاضيه:راح نحط فيها 3 رفوف جنب بعض بنفس الابعاد والرف الاوسط يصير تحت مو بمستواهم هالرفوفو تصير صغيرة وتحطي عليها اطار صور بكل رف وشمعه محطوطة بوعاء زجاجي فيه مويه طبعا الوعاء صغير مثل الكاس وفي كل رف راح نستخدم السلاسل الكريستال ونطيحها من الرفوف تصير متدليه
اذا صارت عندك زاويه فاضيه جنب الستارة وباينه حطي فيها شجرة اصطناعيه مو كبيرة مررة وسط لان الاخضر مع لون الغرفه هذا رووووعه.
الستارة:
هذي الستارة بكل تفاصيلها
بس اللون الاخضر ممكن تخليه اللون الخمري احلى واكثر رونق اما اللون اللي فوق هو نفسه ماتغيرينه



المفرش:احسن مفرش سرير للعرايس
اللون السكري او الابيض
بس مانخليه ساده لاااااا
افرشي المفرش عادي
وبعدين طال عمرك راح يكون عندنا وشاح مستطيل مو عريض من الاورجانزا عند اقرب خياط تسوينه يكون لونه خمري ويطرزه لك كله بالذهبي والاطراف يحط فيها هدب
وبعدين تحطين هالوشاح تحت المخدات على طول .
ديكور تاج السرير: هذا افضل من اللوحة اللي فوق السرير صارت قديمه ومالها طعم
راح نستخدم هالتاج يثبته لك محل الستائر وتختارين لون قريب ومحايد للون الغرفه وينسجم معها ويبرزها
وماراح نستخدم نفس اللي الكل طاحوا فيها
لا
عندي فكرة روعه
جيبي مرايه وسط مو كبيرة ولا صغيرة
ووديها لاقرب رسام او خطاط
وخليه يرسم لك عليها نقوش بالالوان الشرقيه الهنديه اللي هي(الذهبي.الاحمر.البنفسجي.الاخضر)
وخليها يشخبط فيها بالمرايه كلها بالنص والاطراف وكل شئ
وبعدين تثبتين هالستارة والمرايه تصير بالنص

شفتي فكرة الستارة؟ ونفس التعليق بعد
.............
نهاية السرير:بما ان فيه جلسه يعني ماراح نحتاج لكنبه بالغرفة هذي فايش نحط بنهاية السرير؟؟
شوفي عندي فكرة في فكرتين يعني اثنين في واحد وهي(انك تجيبي صندوق خشبي قريب من لون الاثاث وتحطيه بنهاية السرير وتتفردي فوق الصندوق قماش اورجانزا باللون الذهبي وعند الخياط خليه يحط لك هدب بنهايات القماش من الطرفين وامسكي القماش من النص وثبتيه بشمعدان لشمعه كبيرة
او وعاء زجاجي فيه مويه وتطفو فيه شموع على شكل ورود وترمي مع الشموع ورد منثور)(طيب بتقولين كيف فكرة في فكرتين؟؟)(انا اقول لك)(انه العروس او اخوك لما يبون يحطون شئ عندهم الصندوق ممكن تحط سجادتها فيهم او تحتفظ بفستان زواجها بالفستان او ....الخ)
..............
طيب وش بقى الحين اظن غرفة النوم انتهينا منها
.................................الجلسه........... .....................
شوفي عندي صورتين لجلستين اختاري وحدة منهم


وراح نطبقها بالضبط ماراح ننقص شئ بس راح نزيد ليش؟لان البويه غامقه فايش نزيد لحل هالمشكله؟
راح نزيد اللوحات ذات الاطارت الصغيرة الفاتحه ونزيد اكسسوارات بسيطه مثل فرش وشح بسيط لونه ذهبي او سكري على الكنبه
وبس
الصورة الثانيه راح نحط قطعه دائريه لونها سكري فوق القطعه الحمراء ولوحة بالجدار فاتحه كثير
......................الحمام...................... ....
الحمام اكرمك الله هذا يصير غرفة نوم بالاكسسوارات
والحين باعرض لك كذا مجموعه
وماننسى الفوط المزينه بالكلفه والتطريز وغيره
واشكال الصابون الغريبه و...الخ
خليكي مع الصور
هنا راح تنفع مع الحمام اذا حطيتي شجيرة صغيرة صناعيه باحد الزوايا

بالنسبه لستارة الحمام ماانصحك فيها ضررها اكثر من منفعتها كثير تشيل جراثيم وفطريات فمالها داعي
شوفي الفخامه هنا

هذي لو تلقين مثلها وااااااااااااو مرررة تنفع بس ماتنسين الشجرة الصغيرة لان الاخضر مع درجات البني والبيج واغلب الالوان قمة في الرونق

شفتي هذي اللي فوق روووعه حتى الفوط والورد وكل شئ رووعه معاها
اذا كان الحمام اعزكم الله كبير حطي باحد الزوايا الفاضيه طاولة مو كبيرة بس وسط ولها رفوف وفوقها شلال صغيييييييييييييييييييييير على الكهرباء وشوفي صوت المويه مع صدى الحمام
كانك بمغاره





.................المكتب.................
بما ان اخوك مايبيك تغيرينه انا اقترح تحطينه بالجلسه ماعاد له لازم بغرفة النوم وراح يصير شكله غلط كثير
كل اللي تسوين فيه غيري طقم المكتب اللي فيه يعني حامل الاوراق وسكين الظروف وحاملة الاقلام وبرف المكتب حطي زرعه صناعيه اوراق خضراء (هذا اذا كان بغرفة النوم)اذا كان بالجلسه بما انها حمراء(حطي فازة صغيرة فيها ورود صناعيه حمراء)وحطي مصباح مكتب على طرف المكتب ولونها ابيض او سكري
................................
واذا قصرت في شئ قولي لي لاني كتبت لـ3 غرف مرة وحدة وماادري وش قصرت فيه وابشري بالخير...

جزاها الله الاخت عسل قامت بالافادة
اى استفسار لما وضحته عسل الرجاء ابلاغنا به
بالتوفيق

شكرا جزيلا وفيتي وكفيتي حتجت شي اكيد برجع لاخواتي في المنتدى