السلام عليكم
أرجووووووكم اللي يقدر يكتب لي كلمات يذكرني و أكون له شاااااكرة
و جزاكم الله خيرا

مرحبا فيك اختي

اذا كنتي تقصدي قصيدة يذكرني رحيلة الشاعر خالد والمنشد سمير البشري

فابشري راح انزلها بأذن الله لكن اصبري علي شوي بس


لك احترامي وتقديري

بعد سمر الجدايل وأنتخت بالقذله الهله
تبي مني عروسٍ للقصيد أزريت لغويها
ويوم أني لقيت إلها الخلود وجيت باصله
تناحرك الكلام اللي فهقها دون مغليها
خضع لك راس مسبوق القصايد وانحنى كله
وأنا بك شاعر الدنيا ومشغلها وماليها
يذكرني رحيلك مجلسٍ باقي على حله
مداهيل الرجال اللي تنومسنا مواطيها
هنا سليت سيفٍ يوفي الثارين من سله
هنا علقت رمحٍ يطعن الجوزاء ويطفيها
هنا بينت مصحفك الكريم ودلنا دله
معه نبدأ مواعيد الكلام ونتهي فيها
هنا ساقيت غصنٍ من غلاء كنا تحت ظله
نسولف بالغنى يابايع الدنيا وشاريها
هنا كان الرجال جبال ماتقبل خنى الزله
عمايمها سحابٍ وابله باقي مواضيها
رجالٍ لو تشوف الماء غدر ما شربته لله
نبت عشب الرضى ياسيدي باول مغازيها
هل التوحيد وكنوز العلوم ونصرة المله
رجالٍ يضحك التاريخ لولها وتاليها
هنا ماضيك ورياض الخليل اللي رعى خله
شربنا عذبها مدري لعبنا في مغانيها
هنا تخنقني العبره وأنا أكتب يارسول الله
على قبرك نسيت الناس حاقدها وحانيها
وابو قبر يتيه من الفخر بالبيد ودجله
على حسدٍ تبين من سمايمها وصاليها
ويهناك الوفاء قبرٍ يضمك في ثراء تله
مدامه بين فردوس الجنان وبين منشيها
وأنا لا من ذكرت فراقك اللي في يدي غله
نسيت أن الليالي شيبتني من بلاويها
على بعد الزمان اللي يعقد الحبل ويحله
ليا مني ذكرتك طاحت الدمعة وراعيها
سلام الله ماهز الصبا نسرينه وفله
على الطفل اليتيم اللي عطا الدنيا معانيها

مراحب اختي وينك عسى ماشر
انا انتظرت ردك علي وماشفتك
ونزلت الأنشوده واتمنى من كل قلبي انك تقرينها وانتي في اتم الصحه والعافيه

تحياتي لك

السلام عليكم
حبيبتي صوت الأنين ألف ألف ألف شكر
و أعتذر حبيبتي على التأخر في الرد لأني كنت مسافرةو رجعت قبل يومين
الله يبارك فيك و أكرر اعتذاري