السلام عليكم ورحمة الله وبركاته
رأيت منام :
( كنا إحنا و عمتي و بناتها و طالعين في منتزه و كان الجو حلو ومغيم و بعدين جاء أخوي من السفر و كان فرحان و ما أحد شافه قبل ما يجي غيري أنا و جاو على طول عمامي كلهم و تجمعوا عليه و كانوا مستانسين إن أخوي جاء و كلهم فرحانين و حتى تجمعوا عليه ناس ثانين غير عمامي و عيالهم و صار في سيارات كثيرة و ناس كثير و بعدين جاء الليل .. و بعدين قالت عمتي : يلا .. يلا .. حطوا العشاء بسرعة , و بعدين حطوا العشاء و كانت عمتي شوي حزينه و كنا قاعدين على العشاء و سمعت إختي تقول لعمتي : أجيب المكرونه أنا عندي مكرونه , قالت عمتي : إيه جيبي المكرونه العشاء ما يكفي , قلت أنا في خاطري : إيه هذا إنتي ما تحطين عشاء كثير .., ( مع إنه العشاء كثير و يكفي الجميع ) , و بعدين تحول المنتزه إلى غرفه صغيرة و كان العشاء محطوط و لا حد ماكل منه قلت أنا في خاطري : شفيهم ما حد ماكل منه ؟ , و بعدين جات وحده تقرب لنا من بعيد مع بناتها و قلت أنا في خاطري :هذي وش جابها هنا ؟ .. , و بعدين جاوا و جلسوا على العشاء و قاموا ياكلون عشاء شوي .. شوي .. قمت أنا و قمت آكل أكثر منهم و قاموا يطالعون فيني , و بعدين سمعت بنت عمي تتكلم عن بنتها و تقول : هذي بنتني شاريه فستان من المحل الفلاني .. قلت أنا : يوه شلون شريتي فستانها من هذا المحل و هو مسكر ( مقفل ) .., قالت هي : يوه شلون مسكر و أنا شريت منه ... إنتهى الحلم .

وجزاك الله خير
وجعل الله كل ماتقوم به في ميزان حسناتك