بارك الله فيك اخوي
رأيتني وكأني في الحلم متزوجه وكنت بروح مع زوجي لبيتهم وكان هو ينتظرني في السيارة بس كانت السيارة برى البيت (ما كان مدخلنها داخل ) وانا كنت متضايقة انه ما دخلها داخل وبعدين تذكرت اني نسيت الموبايل داخل الغرفة بس قلت ما عليه المرة الياية لما بزور اهلي باخذه. ركبت السيارة وكنت في المقعد الامامي وقلت له المرة الجاية دخل السيارة قال ان شاء الله بس اخته قالت مش ضروري قلت لها انتي نفسج السيارة تدخل لج ليش انا لا ؟قالت انا في بيت اهلي (صحيح هي متزوجه وساكنه مع اهلها) ولما وصلنا البيت كانت البوابة مسكرة فنزلت تفتح الباب (وكنت انا في المقعد الخلفي ما ادري كيف رجعت ) ولما نزلت كانت تاخذ من شجره وتقول لنا حد يبى حميض ومع اني داخل السيارة بس كنت اقلدها يوم تبى تقطف من الشجرة ويوم فتحت ايدي حصلت داخلها (صحيح هي تقول حميض بس انا كنت اشوف فاصوليا) وبعدين ما فتحت الباب قلت لاخوها خلاص نروح فندق (بس عشان اخليها تفتح الباب ) فحرك السيارة ورحنا بعدين قلت له انا امزح ما نريد الفندق وكنت افكر كيف تزوجنا وانا ما اتذكر العرس ولا اي تفاصيل خاصة بالعرس بعدين مرينا على أرض مش مبنايه (كأنها ارض اختي الخاصة ) وكان فيها سور واحد وكان يبى يسوق بسرعه قلت له شوي شوي لا تسرع (لاني خايفة يستوي شي واحنا تونا متزوجين ) ولما نزلنا كانوا هنا اختي واولادها وجدتي .

هذا الي في الحلم سبق وخطبني مرتين بس احنا ما وافقنا .

لم يتبين لي تعبير واضح في الرؤيا..

وتذكري أن من أتاك من ترضين دينه وخلقه فلا ترديه وذلك لأن رسولك صلى الله عليه وسلم أوصاك بهذه لوصية..
كما أن من لا ترضين خلقه ودينه فلا تتزوجيه حتى ولو أخو صديقتك...