حلم بلسان صديقي وانا مشاركة فيه لقد ازعجني هذا الحلم واردت تفسيره لقد اجتهدت حتي اكمل تفاصيل الحلم مع علمي التام بالتنبيهات فارجو المعذره ............................

إني أنا وإنت ماشين في شارع وكأنو شارع النيل بنتونس بمزاج زي حالنا في الإم أس إن وفجأة إنت قلت ليه ما نقطع بالجهة المقابلة من الشارع وحقيقة الشارع كان مليان عربات وماشة شديد لكن إنت طوالي قطعت وقلت يلاّ نمشي بالجهة التانية وإنت بتجري فقمت أنا مشيت وراك وأنا بقول ليك لكن الشارع ده ما زحمة وتقطعيهو كده ما إمكن تدقشنا عربية ونموت! فقلتي وإنتي بتضحكي ومالو ما كويس وفعلاً قرّب موتر يدقشني لأني كنت مسرع وراك وبعد وصلتي الجهة التانية بديتي تجري سريع وتقولي يلاّ نتسابق وأنا حاولت أجري وراك وأسابقك زي ما قلتي بس إنتي كنت بتجري بسرعة خرافية وأنا قدر ما حاولت أبذل أقصى جهدي أسبقك أو حتى أوازيك ما قدرت وإنت كنت بتضحكي طوالي وأنا مستغرب! وما لقيت طريقة إلا أستعين بعرّاضات في الشارع عشان أزيد بيها سرعة إندفاعي وكنّا بنجري في انحدار بسيط وفعلاً بديت أزيد في سرعتي وبصعوبة قدرت أحاذيك في الجري وقلتي لي ما حاتسبقني لكن بديت أنا أواصل أستعين بالأعمدة البتلاقينا في الجري وأدفع بيها نفسي لقدّام حتى قدرت أخيراً أسبقك لكن بعد جهد جهيد وصحيت من النوم تعبان من كتر الجري...

اود ان اوضح باننا لانعرف اشكال بعض ، تعرفت عليه بالمسنجر ولكننا من بلد واحده وهو شخص متدين وكريم الخلق ومتغرب بقالهو فتره

هداك الله وسترك وسددك للعمل الصالح
أختي قبل أن أجيب عن الرؤيا بودي أن تنتبهي إلى أن المرأة لايجوز لها أن تتعرف على الرجال لا من طريق مسنجر ولا من طريق مباشر وأن الزواج فقط هو الطريق المشروع لها بأن تتحادث مع أجنبي عنها ولا بد من التوبة والإستغفار وأن تتركي هذه العلاقة وأن تدعي الله أن يرزقك الزوج الصالح.

واعلمي أني لن أعبر الرؤيا لأنك خالفت الشروط
بارك الله فيك