السلام عليكم
انا بجد فى حيره فى موضوع مهم جدا بالنسبة ليه
الموضوع هو انى كنت اعرف بنت و كنت ناوى اتقدملها بس بعد فتره مش كبيره لحد ما اكون جاهز و المهم ان اتقدملها عريس و اهلها وافقوا عليه
و خطبها المهم لما خطبها طبعا انا قطعت علاقتى بيها علشان كده غلط المهم انا لما عرفت انها مش مرتاحه معاه صليت صلاه استخاره مرات كتير و كل مره كنت بنام و انا متوضى و كنت بستخير فى انى افضل مستنيها و فى خير ليه انى استناها ولا لا
المهم هى لما اتخطبت انا معرفتش و كنت حلمت انها اتخطبت و بعد كده عرفت ان الحلم اتحقق فعلا
المهم فى مره من المرات اللى صليت فيها حلمت انه اتصلت بيه و قالتلى تعالى ضرورى و انا اصلا شغال فى محافظه غير المحافظه اللى هى فيها بس انا منها اصلا و برجع كل خميس و جمعه المهم الحلم انها اتصلت بيه و قالتلى تعالى ضرورى و كانت فى النادى و ده المكان اللى انا بشوفها فيه علشان هى بتروح هناك مع اهلها و طبعا علطول بشوفها من بعيد لبعيد المهم فى الحلم انها اتصلت بيه و قالتلى تعالى دلوقتى حالا المهم انا سافرت و روحت لاقيتها فى النادى و كانت مع ابن اختها الصغير و روحت اكلمها قالتلى مش هينفع علشان محدش يشوفنا و طلعت بره و هى طلعت بره و قعدنا فى حديقه كبيره جدا و كنا بليل بس المكان كان منور جامد بكشافات و الحديقه كانت فيها سهول و انا و هى كنا قاعديين كل واحد فينا على سهل عالى جنب بعض و كنا مبسوطين و المهم و احنا قاعدين فى حاجه وقعت منها و كنت هنزل اجيبها لاقيت بابايا معدى و هو اللى جاب الحاجه اللى وقعت و طلع ادهالها و هى فرحت اوى و فى اخر الحلم قالتلى انا هروح بقى علشان اتاخرت و سلمت عليها و روحت و انا مكنتش زعلان انها روحت فى الحلم كان عادى كأنها مروحه بيتها عادى و لما صحيت كنت حاسس انى كنت معاها بجد و كنت مرتاح جدا
و مره تانيه حلمت انها عندنا فى البيت وواحده من قرايبنا بتكلمنى و بتقولى انا هدخل اشوفها و اقولك راى فيها و قريبتى دى اسمها أمال مع انى مش بشوفها من زمان جدا ولا اعرف عنها حاجه و هى مرات خالى
و حلمت حلم تانى انى لابس خاتم من اللى بيبقى عليه اشكال و اتكسر منى الشكل اللى عليه اتكسر و بقى عامل زى الدبله بالضبط
اتمنى ان حد يجاوبنى و يقولى منعى الحلم ده ايه و انه بعد استخاره و كنت نايم و انا متوضى و كمان ان هى مع خطيبها فى مشاكل و خلافات علطول يعنى هى مش مرتاحه معاه بس اهلها متمسكين بيه
المفروض معنى الأحلام دى انى استناها ولا معلقش نفسى بيها
اتمنى الرد سريعا و شكرا

الركن مخصص للأسئلة الشرعية فقط..