**موضوع متميز**فطائر السبانخ الشهية.............TOTO
السلام عليكم أخواتي العزيزات امبارح عملت فطائر سبانخ و حبيت اشاركم بطريقتي وأتمنى تعجبكم (زي اللي عن جد معرفتش حالي )الصور بالمرفقات
مقادير العجين:
كيلو طحين
كاسة الا ربع زيت زيتون
ثلاث ملاعق كبيرة سكر
ملعقة صغيرة ملح
ملعقة كبيرة ونصف خميرة فورية
ست ملاعق حليب بودرة أو اربع ملاعق حسب الرغبة
ماء
الطريقة يوضع على الطحين الخميرة والسكر والملح والحليب وتخلط جيدا ثم نضع زيت الزيتون وبنفرك الطحين والزيت بالايدين لما يخطلطو منيح مع بعض بعدين بتصير تحطي مي شوي شوي وتعجني منيح لما تبطل تلتصق بايديكي بتعمليها كرة وحدة وبتحطي عليها كيس وبتخطيها وبتخليها ساعة ونص بعدين بترجعي بتعجنيها وبتتركيها كمان نص ساعة(كلمة بالفصحى وكلمة بالعامية ...الله يعين)
بنيجي لمقادير السبانخ:
أربع ضمم سبانخ لكل ضمة بصلة صغيرة وملعقة سماق صغيرة
يعني أربع بصلات صغار
أربع ملاعق سماق صغيرة
كاسة شاي زيت زيتون
ملح
الطريقة:
بنقطع البصل وبنحطو عليه ملح وبنفركو بالايد شوي يوضع جانبا.
بنفرم السبانخ فرم متوسط لانو بيدوب ونضع عليه شوية ملح وبنقلبو شوي.
بعد تقريبا نص ساعة أو اكثر بنرجع للبصل بنفركو بالايد تاني مرة بنفركو منيح علشان يصير طري وبنحطو على السبانخ وبنفركهم مع بعض بعدين بنمسك بقبضة اليد من الخليط وابنعصرو منيح لما ما يضل مي في وهيك لماتخلص الكمية بعدين بتحطي السماق والملح وزيت الزيتون وبتقلبيهم
بعدين بتقطعي العجين كور صغيرة وبتفردي كل قعة بالنشابة تقريبا على شكل دائرة وبتحطي كمية من الحشوة بالنص وابتاخدي الأطراف بتضميهم على بعض وبعدين الطرف السفلي بتضمي عليهم ...................لما تخلص الكمية بتحطي بصينية الشوي شويت زيت زيتون وبحطي الاقراص ووبتمسحي الأقراص من فوق بمسحة خفيفة من زيت الزيتون وبتشويهمن من فوق ومن تحت وانشاءالله تعجبكن يا بنات قاطعو المنتجات الدنيماركية
رد مع الاستدلال
الروابط المفضلة