صباح الخيرات
احنا لسه فى المكسيك مش عايزه ارجع منها
فاهيتا اللحمه المكسيكى ((Skirt Steak Fajitas)) شدتنى لان طريقتها مختلفه واللحمه بتكون اطرى كتير عن طريقتنا

مكونات التتبيله
4 م زيت
2 م خل احمر
2 م صويا صوص
2م ورشيستر
2 م بابريكا
1 م كمون
1/2 م ثوم بودره
1/2 م زعتر
ملح وفلفل
1 ليمونه معصوره
شريحة واحده لحمه ستيك فى حدود كيلو

اجمع البودر الاول

وعليهم السوائل
واضع بهم اللحمه من غير تقطيع تتبل ساعتين

واحضر المقلايه واسخنه جدا واضع اللحمه تشوى

واسيبها تبرد او تهدى من حرارتها

مكونات الفاهيتا
3 م زيت
بصله شرائح
2 فص توم مدقوق
فلفل ملون اخضر واحمر شرائح
انا زودت 2 طماطم مكعبات
ملح وفلفل

الطريقه
اولا بعد ما بتهدى اللحمه اقطعها شرائح

بتكون اللحمه مستويه من بره و1/2 نيه من جوه
وكدا لما بضعها فى نص الخليط ما بتاخد وقت وبتفضل طريه اهم حاجه انى ما اسيبهاش على نار هاديه او على النار كتير لانى لو سيتها على النار كتير بتنزل مايتها كلها وبتكون صعب فى الاكل
المهم قطعتها شرائح
المفروض اكمل خطواتى فى نفس المقلايه اللى شويت فيها اللحمه لكن علشان اللحمه بتاعتى كانت كبيره فحروقت المقلايه
غيرت المقلايه وحطيت الزيت والبصل والتوم تقلبتين وعليهم الفلفل الملون والطماطم وبقايا تتبيلة اللحمه وشرائح اللحمه على نار عاليه واظبط الملح والفلفل والدنيا تستوى وبالف الف هنا

يا صباح الجمال قوليلى اعمل ايه معاكى
جوووعتينى كتير شكل السندوتش بيشهى
والله خلاص زهقت من الرجيم
هبطله من كتر ما تعبت من المناظر الحلوة
برنسس انا جياااااالك جررررررررررى افتحى الباب
تسلم الايادى يا قمر

الله الله الله انا اول رد يعني الفاهيتا من نصيبي

مشكورة يابرنسس الفاهيتا من اديك طالعة روعة واووووووووووووووووووووووو

يسلمو

تسلم الايادي يابرنسس
شكلها مشهي ومغري وبيجووووووع

ومش فاضية اعلق ولا اشكر ..وووووو...
أصلي مشغولة بالاكل

اعمل ايه بمحشي الكرمب ؟؟
اخليه لبكره او للعشى

لانه بصراحه موقادره اقاوم الفاهيتا
تسلم ايدك يا برنسس حاجه تجنن من طعامتها

ممممم
تجننن ما شاااء الله
تسلم ايدك يارب

مشاء الله و لاقوه الا بالله يعطيك العافيه برنسس
تسلم الآيادى
انا مش طماعه انا منتظرة سندوتشين بس ابعتيهم بسرعه

هههه برنسيسه انتي لسه في المكسيك حبيبتي
طب تفضلي زورينا احنا على الحدود ههه
تسلم ايديكي برنسيسه فاهيتا برنسيسيه من ايادي ما نعدمها
الف شكر والله يعطيكي الف عافيه

برنسيسه فرصه للتوضيح للاخوات وانتي كنت طلبتي مني من فتره ترجمة اسماء قطع اللحم البقر
اخواتي skirt steak تؤخذ من منطقه من البقره اسمها plate وشوفوا صورتها للتوضيح من wikipedia
من مميزاتها انها لها طعم قوي ومميز ولكنها تعتبر من اقسى انواع القطع واقسى منطقه في البقره اليافها طويله
ولذلك تستخدم اكتر شي في عمل الفاهيتا وطريقة طهيها تكون بسرعه جدا (ما تطول على النار كتير ) وتكون اما على الغرل شوي او القلي البان سيرز

اممممممممممممم فاهيتا شهية

وشكلها مغري جدااااااااااااااا

تسلم يدك برنسس على الجولات الرائعة و الاطباق الحلوة
من امريكا اللاتينية

في انتظار باقي الدول