انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 5 12345 الأخيرالأخير
عرض النتائج 1 الى 10 من 43

الموضوع: فطاير بالزعتر الأخضر وعلى الطريقة الفلسطينية{{وبالصور من مطبخ sima}}

  1. #1
    sima's صورة
    sima غير متواجد " الطباخة الماهرة" كبار الشخصيات
    تاريخ التسجيل
    Sep 2001
    الموقع
    CANADA
    الردود
    1,489
    الجنس
    امرأة

    ღ#طبق متميز#ღ فطاير بالزعتر الأخضر وعلى الطريقة الفلسطينية{{وبالصور من مطبخ sima}}



    فطاير بالزعتر الأخضر وعلى الطريقة الفلسطينية



    طيف ....وعودالخير....لنلون...هنلي.....والجميع ولا تهونوا ...في فطير بالزعتر الاخضر مشهور في بعض القرى الفلسطينية بأسم فطير بزعتر ما بعرف عنا في طولكرم ستي وأمي الله يديمهم يا رب دائمآ بعملوه ومشهور كثير ...بس ما بعرف اذا في قرى ثانية في فلسطين بعملوها او لاء المهم طعمه رهيب ولا يمل منه يعني امي لما تعمله بتعمل منه 20 فطيره حجمها كبير بيأكل منها ثلاثة ...وحتى كل ما بيجي احد كندا اول شئ بوصي امي تبعتلي منه فطير بزعتر
    والحمدلله الوالدة والوالد راح يجوا عندي زيارة بعد أسبوعين وأول شئ وصيت عليه فطير بزعتر ...حتى أشجعكم تعملوه
    على كل حال خلينا بالفطاير وبلاش كثر حكي ...فعلا معه حق زوجي بحكي كثير


    مقادير العجين:
    4 أكواب طحين
    نصف كوب زيت
    1 م ك خميرة
    1 م ص ملح
    ماء دافئ للعجن

    مقادير الحشوة:
    كيلو زعتر أخضر ورق
    2 بصل ناشف مفروم ناعم
    ملح
    فلفل أسود

    زيت زيتون لفرد العجين

    الطريقة:
    تخمر الخميرة بالطريقة التقلدية ماء دافئ وشوية سكر وتعجن مقادير العجينه حتى تتكون لدينا عجينه متماسكة...ولكن لا نتركها تتخمر بل نبدأ الشغل على طول...نقطع العجين الى اربع قطع ونفرد كل قطعة على شكل دائري كبير وندهن عليها زيت زيتون كامله وهيك كل القطع وتترك ونبدأ بتحضر الحشوه

    طريقة الحشوة:

    نقلب البصل بزيت الزيتون ونتبلها بالملح والفلفل وعندما تذبل البصلة نطفئ النار ونضع عليها الزعتر الأخضر ونقلبهم حتى يذبل الزعتر بعض الشئ
    ننثر الزعتر فوق العجين كامله يعني على وجة العجين كامل وليس بالوسط فقط..
    تقفل أطراف العجين من الجهة اليمين والشمال من العجين ...ثم فوق الاطراف نضع زعتر ايضا نقفل العجين من فوق وتحت فتصبح مربعة ونفردها بالنشابة حتى تصبح مربع كبير وطبعا تضعي زيت زيتون وتفردي ....

    حمي الفرن وحمي الصينية جيدآ ثم أخرجيها من الفرن وضعي الفطيرة.وشويها بالفرن حتى تتحمر من تحت ..ثم إقلبيها حتى تتحمر...وهيك مع باقي العجين وعندما تخرجيها من الفرن غطيها حتى تتطرى الفطائر وما تنشف
    وقدميها مع الشاي وللفطور روعة و رائحة الزعتر بتهفف في البيت
    جربوها وراح تدعولي


    وعلى ضمانتي يا حلوين
    وهاي الصورة عند التقديم



    آخر مرة عدل بواسطة lanloon : 05-03-2005 في 12:46 PM

  2. #2
    تاريخ التسجيل
    Mar 2005
    الردود
    820
    الجنس
    ياي الصورة بتشهي
    جوعتيني ههههههههههه
    اختك في الله
    مجرد فتاة

  3. #3
    تاريخ التسجيل
    Nov 2004
    الموقع
    كولشستر
    الردود
    213
    الجنس
    أنثى
    ياسلاااااااااااااااااااااااااام على هالفطاير الروعه
    تستحق التجربه
    يعطيك الف عافيه

  4. #4
    تاريخ التسجيل
    Apr 2004
    الموقع
    أعمــاق بحـــاري
    الردود
    21,074
    الجنس
    أنثى
    ييييييييييييييييييييي ياسيماااااااااا

    يسلم لييييييي ايديكِ وعينيكِ وغووواليكِ يارب

    الله يذكرك بالشهاده يااااحق
    بتعرفي سمسوووم

    انا غزاويه بس كتيررررررر بحبها هالفطاير وبنعملها
    الله يرحمها ماما كانت تسويها لنا تعلمتها من جاراتنا اهل الضفه

    كانو جيرانا خلايله ومن طول كرم الله يمسيهم بالخير يارب
    يعملوها ونعمل حفله مشتركه وقت عملها
    مثلا وحده تعجبن ووحده تخبز ووحده تلف العجينه بالزعترررررررر
    ييييييييييييييييييييييي الله مااحلاها من ايام ذكرتيني فيها

    فعلا متل ماقلتي صحيح الفطيره بتكون كبيره
    بس لما ينعمل بنسوي كميات خيااااليه
    حتى انا كنت اضحك واقول ياسلام لو اروح للمخبز وابيع له

    بتعرفي محسبوتك كانت تخصص خبيززز
    اقعد قدام الفرن اخبززززززز واكللللللللللل
    في ناس بسموه زعتر بلاط صح؟

    الله يخلي لك اهلك وعائلتك يارب ويوصل لك ياهم باسلامه

    بتعرفي لسه الاسبوع الفات بقول لاختي الكبيره
    مش ناويه تحطي بعينك ملح وتسوي لنا زعتر اخضر فطاير
    قالت لي والله ناسيه الطريقه مش متاكده منها مضبوط
    قمت اتصل بام صديقتي من الضفه لقيتها مسافره للاردن زياره

    بس الله يسسسسسسسسسسسسسسسسسسسسسلم لي قلبها حبيبتي سيما ام محمد

    بتقرأ افكاااااااااااري
    ماقصرت حطت لنا المقاديروالطريقه 100% وبالصور كمان


    بس مشاءالله صور شهيه ورائعه والشكل فعلا مررررررررررتب يسلمو ايديكِ

    يختي مين ئدهم والله مدلعااااااااهم للكنديييييييين


    بعطيك الللللللللللللف عافيه ويخليه داير عامر بالخير يارب

    دوشتك بكتر الحكي صح
    آخر مرة عدل بواسطة طيـــف : 04-03-2005 في 05:37 PM

    إن الساعة الأكثر ظلمة هي الساعة التي تسبق شروق الشمس

    اذا ان اعجبكِ موضوع لي فلا تقل لي شكراً و لكن أدعي:
    اللهم اغفر له ولوالديه ما تقدم من ذنبهم و ما تأخر..
    وقِهم عذاب القبر وعذاب النار .. و ادخلهم الفردوس الاعلى مع
    الانبياء و الشهداء و الصالحين...واجعل دعائهم مستجاب بالدنيا والآخره اللهم اجمعين


  5. #5
    تاريخ التسجيل
    Sep 2003
    الموقع
    فلسطينيه بالغربه
    الردود
    5,572
    الجنس
    امرأة
    يا عيني عليكِ يا سموسمومه والله انك بنت حلال مصفى لسه من قبل شي ساعتين<<قبل ما افتح النت فتحت الفريزو شفت كيس الزعتر الاخضر( جابتلي ياه اخت صاحيتي من الاردن و لهلأ ما عملته) و حكيت بعمله و بصوره و بفرجيه للبنات
    بس اتفاجأت انك عملتيه يا عمييييييييي معدله لييييييييييش الحكي بالله

    لا و شكلهم بشهي .... يتذكر لما امي و ستي الله يرحمها كانوا يعملوا كانت ريحته بتشهييييييييييييييييييييييي

    ااااخ على ايام زمان

    هلأ ام حكم بتطل براسها من الباب و بتشم الريحه و بتجي تمسي عليكم
    تتذكري زمان يا ام حكم لما كنا نعمل قراص و كانت حليمه و احسان يجوا ياكلوا


    طيووووووووووووووفه روحي اعمليها انت و ام حكم


    سنسن ايش رايك؟؟؟؟؟؟

  6. #6
    تاريخ التسجيل
    Aug 2003
    الموقع
    السعودية
    الردود
    3,968
    الجنس
    أنثى
    ما شاء الله عليك يا سمسومة تسلم لينا هالديات يارب


    وشكلها مررررة لذيذ

    أسأل سؤال:


    ممكن نحشيها بشيء غير الزعتر؟؟

  7. #7
    تاريخ التسجيل
    Jan 2002
    الموقع
    فلسطينية في امريكا
    الردود
    1,692
    الجنس
    أنثى
    يا عيني يا سيما شو هاد شي بشهي الله يسلم هل ديات
    احنا بنحكيلوا فطير زعتر مشلتت
    فعلا شي بفتح النفس هيني جاي زورك كلها قركة كعب ساعتين زمان
    بس احنا اول ما تطلع من الفرن ببليلوها شوية مي وبلفوهم مممممممممممممم

    لبلبة في ناس بتحشيها حلبة ومرة جربنة جبنة النابلسية كان طيب
    وكمان ممكن ما تحشيها و تخبزيها ورشي سكر وكليها بس جد طيبة بالزعتر جربيها
    ورح تعجبك

  8. #8
    تاريخ التسجيل
    Nov 2003
    الموقع
    في مكان ما...على سطح كوكب
    الردود
    51,980
    الجنس
    امرأة
    التدوينات
    184
    التكريم
    • (القاب)
      • صاحبة همسة متميزة
      • ضياء الفيض
      • درة صيفنا إبداع 1432هـ
      • متألقة صيفنا إبداع 1431 هـ
      • نبض وعطاء
      • درة مطبخ لك
      • ناصحة متألقة
    (أوسمة)
    sima
    ربنا يسعدك....
    والله ورجعتينا لأيام الضفة ..
    بتعرفي لو الفتاةالطويلة تشوف الصورة اكيد را ح تاكلها

    تسلم الأيادي اللي عملت واللي صورت..

    طريقتك نفس طريقتي بس لو جربتي البصل الأخضر بيكون الطعم أفضل..
    وصحتين وعافية ..
    على فكرة اولادي بيقولوا ليش بتعملي صغير ..
    تيتا الله يرحمها كانت بتعمله كثير كبير...
    ما بيعرفوش انا في عصر السرعة والاختصار لكل شيْ

    طيوف .. ولك شو زعتر بلاط..
    زعتر البلاط يشرب مع الشاي .. او لوحدة وبينفع للمغص وله اسم تاني زعيتمان..

    بالإنتظـــــــــار



  9. #9
    تاريخ التسجيل
    Nov 2004
    الموقع
    فلسطينية في الكويت
    الردود
    2,184
    الجنس
    أنثى
    بس شووو الريحة صدقوني واصلة نخاشيشي من قد ما بحب هالاكلة

    لك يسلموا يا سيما يا معدلة

    انا بسويها مثلثة ما بعرف اسوي المربعة ام الحجم الكبير


    تعقيب كتبت بواسطة lanloon
    لا و شكلهم بشهي .... يتذكر لما امي و ستي الله يرحمها كانوا يعملوا كانت ريحته بتشهييييييييييييييييييييييي

    ااااخ على ايام زمان

    هلأ ام حكم بتطل براسها من الباب و بتشم الريحه و بتجي تمسي عليكم
    تتذكري زمان يا ام حكم لما كنا نعمل قراص و كانت حليمه و احسان يجوا ياكلوا


    طيووووووووووووووفه روحي اعمليها انت و ام حكم


    آآآه يا حبيبتي قلبتي عليا المواجع

    معقول الايام الحلوة تتنسى

    الله يرحم امي وستك ويخلي لكِ امك يا رب

    الله يذكرهم بالخير حليمة وإحسان ولمياء ومختار

    الله يجازي اللي كان السبب وفرقنا عن بعض


    *
    *

    همسة الى

    طيوف عن جد هيك يوم بسويها لكِ وبتيجي عندي زيارة وبتآكلي لما تقولي بس


    يسعد لي اياكم يا رب جميعا

  10. #10
    رندوش's صورة
    رندوش غير متواجد كبار الشخصيات "نبض وعطاء " "شيف درجة أولى"
    تاريخ التسجيل
    Aug 2002
    الموقع
    في بيتي كافيه خيري و شري
    الردود
    11,782
    الجنس
    امرأة
    ولك تؤبريني على هالفطاير
    sima

    تسلم الايادي شفت الزعتر في السوق قلت شو بدي في الغلبه

    بس لعيونك بعملها أنا بعمل أقراص الزعتر و بيكونو بيشهو بس أنتي
    ما قدرت أعبر عن فرحتي بالطريقه يمكن اسمها مزحلق عندنا هههههههههه
    يعني بنزحلق العجين من الدرج
    تسلمي

مواضيع مشابهه

  1. ** موضوع متميز ** فطاير مختلفة الحشو وحدة وحدة وبالصور ... من مطبخ الاء
    بواسطة ماما الاء في المعجنات والسندويشات والفطائر والخبز
    الردود: 94
    اخر موضوع: 23-04-2010, 10:24 PM
  2. الردود: 14
    اخر موضوع: 17-09-2006, 06:38 AM
  3. {}{}طبق رهيب خطوة خطوة وبالصور من مطبخ sima{}{}
    بواسطة sima في الأطباق الرئيسة
    الردود: 52
    اخر موضوع: 20-04-2006, 10:23 AM
  4. خبزالتوست ولكن بالطحين الأسمر وبالصور من مطبخ {{Sima}}
    بواسطة sima في المعجنات والسندويشات والفطائر والخبز
    الردود: 17
    اخر موضوع: 09-04-2005, 08:56 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ