السلام عليكم اختى
شكرا لكى على خبزة الكسكاس اللى خاطرى فيها
لكن للاسف الصور مغلقه على الرابط الموجود واللى فى الموضوع نفسه
ياليت تعدى رفع الصور حبيبتى وجزاك الله خير جزاء على ذالك

و فيكي بارك الله حبيبتي

و أسعدني انها نفس الخبيزة اللي خاطرك فيها

أما بالنسبة لمسئلة الصور ... فالصور مازالت موجودة في الموضوع

و توا اني فتحت على الموضوع لقيتهم موجودات الصور

و قمت ببعث الموضوع لأكثر من أخت و قالولي الصور موجودة

معليشي جربي مرة ثانية و خشي على الموضوع

و قوليلي شن يصير معاك

و هذا رابط خبزة الكسكاس

خبزة الكسكاس

و ان نراجي فيك

حتي انا مطلعوليش الصور في الرابط امتاع الخبزة وصراحة حلوة حلوة عندي سوال انا الغاز امتاعي كهرباي نقدر انير الخبيزة فيه يعني معندين نار هي عبارة عن سلك يسخط وخلاص يا ريت الرد وبارك الله فيك

ما شاء الله

يا ريت كل من الأخت النرجس الغالي و ريما الكيلاني الإطلاع على الموضوع مرة أخرى

و لو ما طلعوش الصور يبلغوني

لأنه لتوا أكثر من وحدة يفتح معاها الموضوع و تشوف في االصور واضحات


بالنسبة للحبيبة ريما .... حتى لو الغاز متاعك كهربائي راح تطيب الخبزة على الكسكاس

و بالنسبة للكسكاس مش راح ينحرق زي نار الغاز

لأنه الكهرباء مش راح تحرقه

و اني مجربتها الطريقة لما كنت في بريطانيا

بارك الله فيك علي الرد يعني لو درتها بغاز الكهرباي متتطلعش فيها انقيطات ولا
وبالنسبة لصولا انا طلعن في الرابط بس رباط امتاع الخبزة اصلي لا

كتبت بواسطة ريما الكيلاني

بارك الله فيك علي الرد يعني لو درتها بغاز الكهرباي متتطلعش فيها انقيطات ولا
وبالنسبة لصولا انا طلعن في الرابط بس رباط امتاع الخبزة اصلي لا

ايه يا حبيبة ... راح تطلعلك قنينة بالغاز الكهربائي و النقط راح يطلعولك محمرات و حلوات و مش راح ينحرقو

أما قصة الصور الحق محيرتني