السلام عليكم
اختي الغالية بارحه جربت طريقة خبز عربي طلعت طيبة كتير وحبيت اكتبها لكم ان شاء الله تعجبكم
المقادير:
-4 اكواب طحين
-ملعقة ك ملح
- 2 ملعقة أكل سكر
-50غ خميرة
- ماء دافئ للعجين حسب احتياج العجينة
(( اذا بدك ضعي رشة حبة البركة مع العجينة))
الطريقة:

1- تخلط جميع المقادير السابقة في كاسة مع إضافة الماء تدريجياً حتى تصبح عجينة متماسكة وطرية وقابلة للتشكيل
2- تترك العجينة لمدة30 دقيقة حتى يتضاعف حجمها ..ثم تقطع إلى كور بحجم حبة البرتقال ثم
3- ترق العجينة وتترك وتغطى بقطعة قماش لمدة 2/1 ساعة حتى تختمر ...ثم تخبز في فرن حار بدون ان يشقر لونها...
تخرج بسرعة من الفرن ونغطها...
بعد ان تبرد العجينة توضع في اكياس ونضها في المجمدة...



طريقة تانية:
نفس الطريقة الاولى بس بتختلف شوي

الطريقة:

1. تخلط جميع المقادير السابقة في كاسة مع إضافة الماء تدريجياً حتى تصبح عجينة متماسكة وطرية وقابلة للتشكيل .
2. تترك العجينة لمدة 30دقيقة او حتى يتضاعف حجم العجينة ثم تقطع إلى كور بحجم حبة البرتقال ثم تترك وتغطى بقطعة قماش لمدة 2/1 ساعة حتى تختمر
3. ترق العجينة ثم تخبز في فرن حار....

وصحتين وعوافي على قلبك
وتحياتي

تسلمي اختي سارة

اكيد ساجربها يوم السبت يالاجازة بعني وبخبرك

يسلموا ايديك عزيتك

طيب جربها بسسسسسسسسسرعه وردلي جواب
انا في انتظارك على نار حتى اعرف شو صار معك
لاتنسي تبعتلي كم خبزة

ماظبط الخبز ظلت العجينة لازقة ببعضها يعني ما نفشت
ويابسة يمكن الفرن مو منيح

يلا بنعمله فتوش

لك تحياتي

والله عجيب ليش ما ظبط معك
بس مافهمت يعني العجينة صارت لينة كتير؟؟

وبعدين شو نوع الخميرة هل هي جافة ام مكعب ؟؟

بجوز صار السكر كتير...لان اذا السكر كتير العجينة ماراح تنفش؟

او بجوز الفرن هادا اول شي

لاء عزيزتي بعتقد الفرن هو السبب لان حتى البيتزا العجينة تبعها ما بتستوي تحت الخلطة

لكن الفرن هو السبب
100% هو الفرن

لكن شلون بتعملي كيك بهادا الفرن؟؟؟

اذا بقلك ما بتصدقي الكيك بطلع بيجنن ماعدا البيتزا والخبز ماعم تظبط

منشان البيتزا لا تحطي كتير عليها حشو لازم تكون طبقة خيفية من اللحم على الوجه
ومنشان كمان الخبز خاف ما عم تختمر كويس اذا بدك تختمر العجينة بسرعة حمي الفرن شوي صغيرة ولفي العجينة وحطيها بالفرن وشوفي بسرعه رح تختمر معك هي بس اذا كمية العجينة قليلة او حطيها بمكان دافي....... جربي وشوفي ان شاء الله بنجح معك

انشاء الله بعمل بنصيحتك ومنشان البيتزا انا مابحطلها لحمة بس خضراوات

بس يمكن بكثر من الصلصة منشان هيك ما بتستوي

على كل الاحوال يسلموا ايديك