*وصفة مبتكرة *♥♥خبز البرجر (Burger buns) وصفة سهلة وسريعة....
ملاحظة : عند تقطيع العجينة راعي ان تقطعيها صغيرة لانو بعد ما تخمر راح تكبر ويتضاعف حجمها.
هلا بالغوالي
اليوم عملت خبز البرجر ولانها وصفة سهلة حبيت اشاركم فيها وان شاء الله تعجبكم
المقادير
ربع كوب زبدة او اربع معالق كبيرة زبدة يفضل غير مملحة
كوب حليب كامل الدسم
ثلثين كوب ماء
اربع اكواب طحين _ ممكن تزيدي _
معلقتين كبار سكر
معلقة كبيرة ونصف ملح
اربع معالق كبار ممسوحة خميرة جافة او مغلف صغير خميرة جافة
طريقة العمل
على النار تذوبي الزبدة مع الحليب
وبتخلطي جميع المقادير الناشفة
وبتبدأي بالعجن بالسوائل لغاية ما تتشكل لك عجينة طرية وملساء.
تتركيها ترتاح نصف ساعة او اقل
ومن ثم تشكليها على شكل دوائر او اسطوانات
تتركيها ترتاح قليلا
والى الفرن الحامي الحرارة 200 الوقت 10 دقائق لخمسة عشر دقيقة
والنتيجة خبزات حلوين ومرتبين .......... تفضلوا
عن جد كتير عجبتني هاي العجينة وطعمها كتير طيب واولادي حبوها لانها طرية وفي نفس الوقت هشة وما بتاخد وقت .
اتمنى انها تنال رضاكم
ودمتم في رعاية الرحمن..
رد مع الاستدلال
كتبت بواسطة ام عبدالمعز
الروابط المفضلة