السلام عليكم ورحمة الله
ازيكو ياحلوين ؟؟؟؟ انا بقى باعمل زى ما الاخوات فى ركن المغتربات قالولى وباشغل نفسى فى حاجات مفيدة منها تعلم انواع جديدة من الطبخ دى اول مشاركة ليا فى الكن ده قبل كده كانت مشاركاتى دايما فى ركن الجمال والاناقة والعناية بال................. ايام ماكان فى شعر بقى هههههههههههههههههه معلش الجواز له احكام
المهم
حبيت انقل لكم وصفة خبز الموز وده بقى الفطر الرسمى فى استراليا- البلد اللى انا عايشة فيها دلوقتى- بجد انا اول اما دقته ادمنته وقررت اتعلم اعمله عشان التكاليف يعنى والنتيجة الحمد لله طلعت روعه
هابطل رغى بقى واديكو الوصفة
المقادير: 2 موزة كبيره مهروسة ناعم جدا
2 موزة كبيرة مقطعه شرائح رفيعه جدا
1 كوب دقيق
2 بيضة
1 كوب سكر
ملعقة صغيرة بيكنج باودر
ملعقتين كريمة او لبن ( حسب الرغبة)
ذرة ملح
الطريقة:

1. نسخن الفرن على 180 درجة قبل البدء
2. نحضر قالب خبز مرشوش بزيت سبراى ومبطن برشة دقيق
3. نخلط الموز الناعم جداااا مع البيض واللبن او الكريمة حتى تمام التجانس
4. نضيف السكر ثم الدقيق والبيكنج باودر والملح والتقليب المستمر
5. حين يتجانس الخليط تماما نضيف قطع الموز المقطعه رفيعه جدا (يمكن استبدالها بعين جمل مكسرة او زبيب) نقلب تقليبتين
6. نصب الخليط فى قالب الخبز ثم نضعه بالفرن
7. مده الخبز 40 دقيقة تقريبا او اختبريه بالسكين حتى تمام النضج

[

اتركيه 10 دقائق حتى يبرد ثم يقطع مثل شرائح التوست ويقدم مع الزبدة

لا تنسونى بالدعاء انا وابنى

هلا انابيلا

حياك الله في ركن المعجنات

ان شاء الله تفيدين و تستفيدين

خبز الموز رااائع و خصوصا مع البرد

تسلم الايادي الحلوة
يا ريت نشوف الخطوات المصورة من يديك.

ربنا يسر امورك و يبارك فيك انت وولدك

تسلمى moon and stars هاعمله تانى واصوره خطوة خطوة عشان خاطر عيونك
ميرسى على الدعاء

تسلمي انابيل

في انتظار وصفاتك الجميلة

وخصوصا الوصفات الكندية مادام انك ملمة بيها

اسعدك الرحمان

ومنورة من جديد

بارك الله فيك .....شكله خطير

إن شاء الله أعمله ,,

شكرا لمرورك العلم وقايتى وانتظرينى بالصور خطوة خطوة غدا ان شاء الله

يسلمو ايديك انابيل

وان شاء الله انشوف الخطوات المصورة من ايديك

وربنا يحفظك انت وابنك ويباركلك فيه

علي فكرة انا قدمت خبز الموز من قبل

لحظة اجيبلك الرابط

تفضلي

http://www.lakii.com/vb/a-69/a-685108/#post10840379

حلوه اوي يسلمو