انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 3 123 الأخيرالأخير
عرض النتائج 1 الى 10 من 30

الموضوع: فطائر القرفة و الشيكولاته ***لذيذة جدا و اخر شياكة

  1. #1
    تاريخ التسجيل
    Jun 2011
    الموقع
    يا رب احفظ مصر
    الردود
    1,226
    الجنس
    أنثى
    التكريم
    (أوسمة)

    L31 فطائر القرفة و الشيكولاته ***لذيذة جدا و اخر شياكة




    وحشتونى اوى اوى اوى حبايب قلبى اخواتى فى الله فى منتدى لك الغالى على قلبى
    رجعتلكم بعد غياب فترة طويلة بموضوع يا رب يعجبكم و ينول رضاكم


    دى فطيرة القرفة الصغيرة :



    و دى نفس الفطيرة بس على كبير :


    و دى كمان


    اما عن العشق الكبير فطائر بالشيكولاته :مممممممم






    بسم الله نبتدى المقادير
    اى عجينة انتى بترتاحى فيها بس انا هنا بعمل عجينتى المفضلة و مكوناتها كالتالى :-

    3 كوب دقيق
    3 معالق كبيرة سكر
    نص معلقة صغيرة ملح
    حوالى كوب ماء او لبن دافئ
    بيضة واحدةو رشة فانيليا للعجينة +بيضة مع فانيليا لدهان الوجه
    قطعة خميرة فى حجم الليمونه او معلقة كبيرة خميرة
    ربع كوب زيت +معلقة كبيرة ممسوحة سمن او زبد
    2 معلقة لبن بودرة او 2 معلقة زبادى (اختيارى بس وجودها بيعطى طرواة اكتر للعجينة)
    الحشو (هنا هيكون زيت او زبدة + قرفة (لفطائر القرفة + شيكولاته قطع لفطائر الشيكولاتة)
    الطريقة
    *هندوب الاول الخميرة فى شويه ميه من الكوب مع شوية سكر
    *هنعجن المقادير عادى جدا و تعجنى لمدة 10 او 15 دقيقة و يا ريت و انتى بتعجنى متحطيش الميه او اللبن كلها مرة واحدة لان فى انواع دقيق مختلفة فى احتياجها للماءالمهم اننا نحصل على عجينة مطاطية لا تلتصق بالايدى و لا بالاناء
    * و بعدين نسبها تخمر ساعة و بعدين نتبدى نشكلها كالاتى .....


    ** هتاخدى العجينة و تقسميها الى كور صغيرة بالشكل ده و بالحجم اللى انتى تفضليه



    انا قسمت العجين نصفين نص لفطيرة القرفة الكبيرة و النصف الاخر لفطائر الشيكولاته
    و فطيرة القرفة الصغيرة انا كنت عملاها قبل كدا من فتره لوحدها

    اولا : فطيرة الشيكولاته :
    زى اما اتفقنا هنكور العجينة و نحط الاول جواها قطعة شيكولاته و نقفل عليها كويس





    و بعدين هنجيب قطعة عجينة و هنفردها مستطيل سميك قليلا و نقطع شرائط من العجين طويلة شوية و الى حدا ما متساوية




    ** بعد خلصنا حشو كرات العجين بالشيكولاته نبتدى نلفى الشريط حواليها بالشكل ده و نقفلها كويس من تحت عشان يعطينى الشكل ده ( شكل حرف x ) بس بطريقةشيك و ظريفة



    و لما اخلصهم و الف كل الكور بالشرايط اسيبهم يرتاحو من ربع لنص ساعة
    و بعدين ادهن الوش صفار بيض مع معلقتين لبن و ارش سمسم على الوجه
    و ادخلهم فرن ساخن متوسط الحرارة على الرف اللى فى النص و لما يحمر الوجه



    اخرجها و اغطيها فورا بقماشة او فوطة عشان تفضل طرية
    و طبعا اسيبها تبرد شوية و افتحيها بقى و شوفى الشيكولاتة السايحة ممممممم





    ولادى ما استنوش لما تبرد ...فورا بدأ الهجوووووووم ..
    شيكولاته يا اخواتى شيكولااااااتة

    فاصل و نوااااااااصل


  2. #2
    تاريخ التسجيل
    Jun 2011
    الموقع
    يا رب احفظ مصر
    الردود
    1,226
    الجنس
    أنثى
    التكريم
    (أوسمة)
    ثانيا : فطائر القرفة اللذيذة
    ** انا هنا فردت كور العجين بالشكل ده و رشيت معلقة سكر و رشة قرفة
    و بعدين لفتيها رول بالشكل ده





    ** بعد كدا فتحت حرفين الرول و اسيب النص سليم



    ** اخد اول طرف من حرف الرول و الفه لفتين للخلف و الطرف التانى المقابل له الفه برده لفتين للخلف



    و بعدين اوصلهم و الزقهم فى بعض كدا ( يا رب تكون وصلت)
    ********************

    ** اعمل نفس الحكاية مع الحرف التانى من الرول و بعدين اجيب حرفين الرول بعد ما لفيتهم و خلصتهم الزقهم فى بعض بالشكل ده و يعطينى شكل زى ورق الشجر( يا رب اكون قدرت اوصل الفكرة )





    و دى واحدةتانية



    ** و بعدين نرصهم بالشكل اللى يعجبك فى صنية مدهونة او الافضل على ورق زبدة عشان ماتلزقشى





    ** و تسبيها ترتاح من ربع الى نص ساعة و تدهن بصفار البيض و اللبن لما تيجى تدخليها الفرن الساخن على درجة حرارة متوسطة فى الرف


    اللى فى النص و لما تستوى و تحمر تغطيها شوية









    و دى كمان


    **و لو عايزة تعملى ليها صوص زى صوص السينامون رول ماشى مش عايزة عاااااادى جدا انا مش عملت ليها اى صوص و كلتها كدا كانت تحفففففففة بجد رهيبة و الله

  3. #3
    تاريخ التسجيل
    Jun 2011
    الموقع
    يا رب احفظ مصر
    الردود
    1,226
    الجنس
    أنثى
    التكريم
    (أوسمة)
    *كان فاضل بقى حته عجينة صغننة اسيبها يعنى ...لا طبعا قووووووووم ايييييييه عملت الشكلين دول



    فردت العجينة رشيت قرفة و سكر و لفيتها روول و قطعت حرف الرول نصين بالسكين بالشكل ده




    و بعدين جيبت على حرف الرول التانى قسمته نصين بس اطول شوية


    بالشكل ده و كل نص قسمته نصين تانى و بعدين لفيت كل شريط بالشكل ده
    حولين نفسه شريط مرة للامام و شريط و مرة للخلف بالشكل ده و الحرف الاخر م الرول( الفتحة الصغيرة ) رجعيت الطرفين لورا حاجة بسيطة بالشكل ده









    و بعد كدا ننقلها فى صنية مدهونة زيت بس خلى بالك لما تيجى تنقليها هتتفكش خفيف و ارجعى تانى ظبطيها فى الصنية

    على فكرة لما نقلتها الصنية نزلت الحرفين الاخرين لتحت شوية
    و دا شكله لما استوى .. شكلها جميل جدا و شيك و جديدة





    ها...ايه رايكو ...يااااااااااااارب يكون موضوعى عجبكم


    و بالله عليكم ماتنسوش تدعو لاختكم ام يحيى دعوة حلوة



    فى رعاية الله و حفظه اخواتى فى الله


    احبكم فى الله



  4. #4
    تاريخ التسجيل
    Dec 2014
    الردود
    27
    الجنس
    أنثى
    جزاك الله الف خير على كل ما تقدمه لهذا المنتدى

  5. #5
    تاريخ التسجيل
    Jun 2005
    الموقع
    شاااااام العزه والكرامه
    الردود
    1,560
    الجنس
    امرأة
    التكريم
    (أوسمة)
    رووعه

    Sent from my GT-N7100 using منتديات لكي mobile app

  6. #6
    تاريخ التسجيل
    Nov 2003
    الموقع
    في مكان ما...على سطح كوكب
    الردود
    51,980
    الجنس
    امرأة
    التدوينات
    184
    التكريم
    • (القاب)
      • صاحبة همسة متميزة
      • ضياء الفيض
      • درة صيفنا إبداع 1432هـ
      • متألقة صيفنا إبداع 1431 هـ
      • نبض وعطاء
      • درة مطبخ لك
      • ناصحة متألقة
    (أوسمة)
    هو الفاضي بيعمل قاضي

    وطبعا نحنا المستفيدين من فضاوتك واعمالك الفنية الرائعة والشهية

    تسلم الايادي يا عسل
    وصحة وعوافي

    بالإنتظـــــــــار



  7. #7
    تاريخ التسجيل
    Jun 2011
    الموقع
    يا رب احفظ مصر
    الردود
    1,226
    الجنس
    أنثى
    التكريم
    (أوسمة)
    تعقيب كتبت بواسطة رهوفة الحلوة عرض الرد
    جزاك الله الف خير على كل ما تقدمه لهذا المنتدى
    جزانا و اياكم حبيبتى
    نورتينى و شرفتينى يا قمر
    تعقيب كتبت بواسطة نورالشام عرض الرد
    رووعه

    Sent from my GT-N7100 using منتديات لكي mobile app
    اشكرك حبيبتى على ذوئك

  8. #8
    تاريخ التسجيل
    Jun 2011
    الموقع
    يا رب احفظ مصر
    الردود
    1,226
    الجنس
    أنثى
    التكريم
    (أوسمة)
    تعقيب كتبت بواسطة وعود الخير عرض الرد
    هو الفاضي بيعمل قاضي

    وطبعا نحنا المستفيدين من فضاوتك واعمالك الفنية الرائعة والشهية

    تسلم الايادي يا عسل
    وصحة وعوافي
    حبيبة قلبى و ست الكل ام عدى
    وحشانى حبيبتى و الله و اشتقت ليكى و لطلتك و الكلامك الجميل
    ان كان على الفضى فربى اللى اعلم و انا بصراحة بستغل نوم يحيى و مازن و ااشتغل قاضى هههههههههه
    لانهم بيجننونى و عايزين يشتغلو معايا فى العجين
    نورتينى حبيبتى و شرفتينى

  9. #9
    تاريخ التسجيل
    Aug 2010
    الموقع
    السويس-مصر
    الردود
    9,474
    الجنس
    أنثى
    التكريم
    • (القاب)
      • نور الخيمة
      • المُحِبَّة لكتابِ الله
      • المتقنة لكتاب الله
      • متألقة ركن المعجنات
      • ضياء القرآن
      • ذاكرة سياحية مميزة
      • الوصيفة الثانية
      • باحثة متألقة
    (أوسمة)
    ما شاء الله

    تسلم ايدك غاليتى
    يارب فك أسر زوجى
    تالله ما الدعوات تهزم بالأذى أبداً وفي التاريخ بر يميني
    ضع في يدي القيد ألهب أضلعي بالسوط ضع عنقي على السكين
    لن تستطيع حصار فكري ساعة أو كبح إيماني ورد يقيني
    فالنور في قلبي وقلبي في يدي ربي وربي حافظي ومعيني




  10. #10
    تاريخ التسجيل
    Aug 2007
    الموقع
    U S A
    الردود
    276
    الجنس
    أنثى
    بسم الله ماشاء الله ايه الجمال ده يا ام يحي تسلم ايدك يا حبيبتي وحشتيني ووحشتني وصفاتك
    ريحتها وصلت لنيويورك ياقمر والشكل إبداع تسلم ايدك وعنيكي ياحبيبتي وألف هنا وصحه عليكم ياقمر

مواضيع مشابهه

  1. فطائر البصل الأخضر الصينية scallion pancake وحشوة القرفة لمسابقة معجنات وبهارات
    بواسطة moon and stars في المعجنات والسندويشات والفطائر والخبز
    الردود: 16
    اخر موضوع: 08-10-2012, 07:05 PM
  2. صيفنا إبداع: كيكة هشة و لذيذة بالتفاح و القرفة يم يم يم من مطبخي
    بواسطة ~*¤ نورة ¤*~ في الحلويات والكب كيك والكيك وحلويات العيد
    الردود: 58
    اخر موضوع: 17-10-2010, 10:29 PM
  3. فطائر القرفة
    بواسطة جودي4 في الحلويات والكب كيك والكيك وحلويات العيد
    الردود: 2
    اخر موضوع: 23-10-2008, 09:42 AM
  4. ********فطائر رمضانية لذيذة من مطبخي ********
    بواسطة الاميرة جنان في المعجنات والسندويشات والفطائر والخبز
    الردود: 28
    اخر موضوع: 08-10-2007, 08:07 AM
  5. فطائر لذيذة من مطبخي
    بواسطة طيف من قمر في المعجنات والسندويشات والفطائر والخبز
    الردود: 11
    اخر موضوع: 24-03-2007, 08:46 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ