السلام عليكم
خبز صحي 100%
بدكمش صحي بلاش
قبل ما ابلش بدي احكي انه الجدله بتكون اسهل واجمل مع الطحين العادي الابيض والعجين العادي اما بالنسبه لطحين القمح الجدله بتكون صعبه وبدها شغل وطولة بال لانه العجين بمزع مع الشد يمكن من الالياف الموجوده في طحين القمح يمكن
المقادير
2 كاس طحين ابيض
1 كاس طحين قمح
1 كاس شوفان
1 ملعقه كبيره بذور الكتان
1 ملعقه كبيره بذور التشيا
1 ملعقه كبيره بذور القريش
1 ملعقه كبيره خميره
2 ملعقه كبيره عسل طبيعي 100% بدل السكر
ملح حسب الحاجه
ثلث كاس زيت زيتون
3 ملاعق كبار دبس الخروب بدون سكر
الطريقه
اعجني المكونات مع ماء دافي جيداً اتركيها تتخمر
افردي العجينه على ورق الخبز بكون اسهل
قطعيها بهالشكل وادهنيها دهنة زيت على شان الخطوط ما يلصقوا ببعض
ابدي الثني مثل الصوره دخلي خط من داخل خط
لتخلصي كل الخطوط
لاحظت انه في فراغات بين الجدلات ارجعت عملت جدله في بين كل جدلتين
وتركتها تتخمر وخبزتها
وكما ذكرت الجدله بالعجين العادي اسهل
الف صحه
ادعوا لنا
الروابط المفضلة