فطير بالموز**فطير بالتفاح **فطير بالقرفة









السلام عليكم اخواتى فى الله يارب تكونوا كلكم بخير و بصحة جيدة


ان شاء الله النهاردة هنعمل مع بعض فطير خفيف حلو و سريع و بسيط

و هيكون محشى موز و تفاح و قرفة او زى ما انتى بتحبى من الفواكه
و فى ناس بتسميه المطبق لانه فعلا طريقته زى ما تكونى بطبقى تيشرت مثلا ههههههه

المقادير

3 كوب دقيق (بيعمل 6 فطاير صغيرة )

رشة ملح

2 معلقة كبيرة سكر

ماء دافء للعجن حوالى (كوب بس ممكن يزيد او يقل على حسب نوع الدقيق

زيت مع زبدة سايحة لدهن طبقات العجين

الحشو

*قرفة مع سكر

*موز مقطع ترنشات مع رشة قرفة (القرفة هنا اختيارى)

*تفاحة كبيرة مقشرة و متقطعة و هنحطها على النار مع معلقتين سكر

و معلقة قرفة و نقلب لحد المية او الصوص اللى فيها يروح و تكون

زى المربى تقريبا

*و ممكن مكسرات سودانى و زبيب و جوزهند

الطريقة

**هنحط الدقيق مع الملح مع السكر مع الميه و نعجن كويس حوالى 10دقايق لحد مع تكون العجينة مطاطية ملساء و مش بتلزق فى ايدك.

*و هنسبها ترتح 10 دقايق ( ممكن تستغنى عن الخطوة دى)

*هنكور العجين على حسب الحجم اللى انتى عايزاه و نجيب طبق او صنية

مدهونة زيت و نرص كور العجين فيها ويكون كور العجين كمان متغلفة

بالزيت و تتغطى و تسبيها ترتاح نص ساعة

· بعد ما رتاحت هتجيبى السطح اللى هتفردى فيها العجين و تدهنيه زيت عشان تتفرد معاكى بسهوله

· الاول هنفرد كور العجين بسيط بايدينا و بعدين نكمل فردها بالنشابة خفيفة و شفافة

(( انا هنا فردتهاو دهنتها بالزيت و الزبدة و بعدين اخدت الجنب اليمين و تنيته او طبقته و اخدت الجنب الشمال و تنيته و بعدين حطيت الموز مع رشة القرفة











و بعدين تنيت او طبقت جمب و دهنته و بعدين جبت الجمب التانى و طبقته عليه بالشكل ده و دهنت وشه كمان

اما بالنسبة لحشو التفاح و القرفة فاختلاف بسيط فى انه انا هنا فردتها

خالص و بعدين حطيت التفاح فى النص عشان اقفل كل جوانب العجينه

عليه عشان اضمن انه لو فى صوص هيطلع من اثناء طهيه ميطلعش فى الصنيه و يحرقها و يحرق الفطير





و هنا حشوة القرفة مع السكر

** و بعدين اكمل تطبيقه او تنيه و مننساش ندهن بين كل طبقة والتانية عادى لحد ما يبقى بالشكل ده

** هنجيب صنيه و هندهنا زيت بس و هنحطها تسخن على البوتجاز

على نار متوسطة حوالى 3 دقايق و بعدين اهدى النار خالص و احط

الفطير بتاعى و لما يحمر من تحت اقلبه على الناحية التانية لحد

ما يحمر

** و بعدين تغطيه شويه عشان مينشفشى منك

و ممكن لو تحبى تحطى عليه شيرة او شربات يكون بارد طبعا

و الفطير سخن و تغطى علاطول و ممكن ترشى عليه سكر بودة

عند اكله مباشرة او لو مش هتكليه فى وقتهايبقى تحطى عليه سكر بودرة لما يبرد و ممكن متحطيش عليه لا شربات

و لا سكر بودة و يتاكل كده


شوفى بقى الفطير بحشوة الموز ...الله عليه و الموز سايح مع القرفة مممممم











و هنا بحشوة التفاح












ملحقتش اصور اللى بالقرفة لان ابو يحيى قام بالواجب علااااااااطووووووووول ههههههههههه


انا عجبنى الموز جدااااا كان سايح كدا جوا الفطيرة و عامل شغل

و كلتها و هى سخنة من غير شربات و لا سكر

و ابو يحيى عجبته حشوة القرفة بالسكر

و يحيى مازن اعجبو جداااابحشوة التفاح و انا رشيت عليه

سكر بودرة

و ياااارب يعجبكوا انتو كمان وان شاء الله قريب هنزل الفطير الحلوبالكاسترد

فى رعاية الله و حفظه اخواتى

احبكم فى الله

عذرا يا جماعة
المفروض كان انكتب فى قسم المعجنات
بس مش عارفة كان عندى حول ساعتها و لا ايه
هههههههههههههههه
ممكن مشرفاتنا الحلوين ينقلوه و يحدفوه على قسم المعجنات و جزاكم الله كل الخير

هييييييييييييييييييييييييييييييييييييييييييه

لطش لطش لطش

مفيش حد يقرب ,, لطشت فطير الموز والتفاح والقرفة

لطشششششششششششششششششششششششششششششششششششششش

يسلموا يا قمر كثير روعه

يعنى حتى الموضوع بحكيلك نزلى بركنا اى طبق

الان ينقلللللللللللللللللللللللللللللللل على عينى

تسلم الأيادي يا أم يحيى يا سكرة

بسم الله ما شاء الله ولا أجدع فطاطري (:

أنا مستنيه الموضوع يتحول على المعجنات ,, يا خوفي ركن الحلويات يطمعوا فيه هههههههههههههه

أم ماهر تعالي هنا

لطش مين هع هع ,, اللي سبق أكل النبق ^_^

تم النقل احنا بنستنى موضوع خص نص للحلويات مع الاسبوع القادم الحمضيات حتشرف

حبيبتى بيبى انا لطشت بالصوره انت بالهواااااااااااااااااااا ههههههههههههههههههههه راحت عليك يا قمر

ماشاءالله تبارك الله
كل فطيرة أحلى من الثانية
تسلم الأيادي
وصحة وهناء
وبإنتظار فطيرة الكاسترد بشوق

تسلم ايديك يارب
وصفه رائعه ويعطيك العافيه
عليك بالعافيه يارب