السلام عليكم و رحمة الله وبركاته

ازيكم يا بناااااااااااااااات
النهاردة انا جربت اعمل حواوشي صحي سعراته قليلة و دهونه كمان قليلة او شبه معدومة

ياللا نبتدي باسم الله


المقادير:
فنجان شاي دقيق اسمر
فنجان قهوة دقيق ابيض
ملعقة كبيرة زبادي اكسترا لايت
ملعقة صغيرة سكر
ملعقة كبيرة خميرة جافة
ربع كوب ماء دافئ
ملعقة صغيرة زيت زيتون لدهن الصينية
ذرة ملح
و اكيد اللحم المفروم المبهر ببهارات الحواوشي ( انا باشتريها اكياس توابل من السوبر ماركت احطها علي اللحمة و بس )



نبدأ بقي
اول حاجة ربع كوب الماء الدافي و ملعقة صغيرة سكر و الخميرة و نسيبها تخمر
و بعدين نحط الدقيق الاسمر و ملعقة الزبادي و نص الدقيق الابيض و لو احتاجت دقيق ابيض نضيف الباقي اثناء العجن
و ذرة الملح




نعجن العجينة و نسيبها تخمر



هنا بعد ما خمرت



نرش شوية دقيق اسمر علي الرخامة و نفردها بالايد بالراحة لو لقيتيها بتلزق و لا يهمك عادي و لا تضيفي دقيق زيادة اتعاملي معاها برقة





ماحدش يرد و الا هاعضها

حطي اللحمة فيها و اقفليها عليها و اضغطي براحة ايدك برقة حتي تتساوي و يبقي شكله حلو زي كده



ادهي الصينية بملعقة صغيرة زيت زيتون بالفرشاة و انقلي الحواوشي فيها و ادهني وشه بباقي الزيت اللي في الفرشاة
و دخليها الفرن و تابعيها


و هنا بعد ما خرج يا رووووووووووووحي علي الريحة جامدة جدااااااااا


و اول طبق لاول رد ههههههههههههههههههه


عملت جنبها سلطة زبادي بالخيار و الزعتر
و طبق خضار مقطع لاني زهقت من طبق السلطة العادي
و ده كان غدايا الرائع الصحي اليوم


يا رب يعجبكم

أول رد حجز مكان

تانى رد بعد حجز الطبق خخخخخخخخ
يم يم يم ... يا روحى يا روحى ... يا آه يا آه إيه الإفتكاسات دى كلها يا بنت يا بيرو ... تسلم الأيادي يا عيوني ... أيوة كده
لأم صلاح هتنعنش أركان الصحة والأطباق الصحية خخخخخخخخخ
هألطش الطبق وأتغدى بيه كله يوسسسسسسسسسع

باسم الله ماشاء الله كثير بتشهي
ان شاء الله اعملها اخر الاسبوع ده
بموت في اي حاجة فيها كفتة
تسلم ايدك

تسلم ايدك بيرو شكلها تحفة جدا وكمان صحية

تسلم إيدك حبيبتي شكلو بيشهي والاحلى سعراته قليل جاري التطبيق قريباً إن شاء الله بس ماني عارفه فين ألاقي بهاراته

ماشاء الله
حلو وسهل وصحى كمان
بالعافيه حبيبتى

الصورة الاخييييرة بتجنننن
هاتي معاك صحن منها على الفريق ولا حعضك
ويسلمووووا ايديك يااارب

يسلموووو يديك الحلوة
طبق صحى لذييييذ