السلام عليكم ازيكم يابنات؟
وحشتونى الكام يوم اللى فاتو النهاردة هاقدملكم بسكوت انا عن نفسى باموت فيه
والوصغة دى من ماما الله يبارك لها كانت تعمله كتير فى الشتا مع كوبايه لبن دافى كده بقى وايييييييييييييه ههههههههههههههههههههههه
المهم نبتدى الكلام مع اهداء خاص لام مرمر وليلو وام عبد المعز
المقادير : 2 ونص كوب دقيق
كوب سكر
كوب زيت
بيضتين
ملعقة بيكنج بودر
ملعقة كبيرة ينسون (حبوب)
ذرة ملح

الطريقة:
اولا نضيف كل المكونات الجافة ونقلبها مع بعض

نضيف البيضتين اولا

بعد ان نخلط البيض نضيف الزيت ونقلب جيدا
(ملحوظة: العجينه خشنة)
وده شكل العجينة نهائيا

ونسيبها ترتاح نصف ساعة
ممكن التقطيع بماكينة البسكويت لكن الناس الرايقة اللى زيى ممكن تعمله بالشكل ده

طبعا نسيب فراغات لان حجمه بيكبر تقريبا بنسبه 10-20% ومفيش داعى لدهن الصوانى لان العجينة فى تركيبها زيت كافى
الفرن طبعا يكون سابق التجهيز على درجة 180
نضعه فى الفرن لمدة 12- 15 دقيقة
وده شكله النهائى
والف هنا

معلش ياجماعة انا باين صغرت اخر صورة بدل ما اخليها اكبر من الباقى ومش عارفة اعدلها

اولي


يسلموووو أيديها
ربي يعطيها الصحه وطول العمر
ويعينك علي برها
حبي لك

شكرا كتير بنت فرج ادم , واضح ان الدنيا عندك نهار زى عندى دلوقتى
عموما دا رد جميل ومشجع ومبسوطة ان ردك هو الاول, لحد ما الباقى يصحو من النوم بقى

ياهلا بالقمر

الف شكر علي الاهداء سعيدة جدا به

وانت كمان وحشتينا

ومستنين كل يوم وصفاتك الحلوة

ربنا يعطي الوالدة الصحة والعافية

ويسلمو ايديها وايديك

اكيد بسكويت طيب وشهي

ياريت تكتبي اسمك عالصور وتعيدي نكبير الصورة الاخيرة

هل تودين المشاركة به في معجنات تدخل في مكوناتها البهارات والحبوب

بما انه يحتوي علي اليانسون

ادخلي علي هذا الرابط واضيفي موضوعك

: مســـــــــــــ ( معـجنات تدخل في مكوناتها البـهارات ) ــــابقة ...تم إضافة البذور

ما شاء الله

بسكويت شهي واكيد لذيذ

تسلم الاايادي الحلوة

و ربي عطي الوالدة الصحة والعافية.

استعيني بالموضوع الذي وضعته لك ام مرمر في الموضوع السابق.

الله يخليلك الوالدة ويطول بعمرها غاليتي
بسكوت مشهي ومشاركة جميلة بوركتِ
وننتظر المزيد من ابداعك

ما شاء الله

بسكويت شهي

و الله يعطيكي العافية

و يسلمولي الناس الرايقة , ما في أحلى منهم بالتأكيد

( كيف عاملة قراص البسكويت ؟؟؟ شكلهن متل قرص الفلافل )

و الله يخليلك الوالدة

و يطول عمرها

و تكسبي رضاها

و دمتي غاليتي بود

ام عبد المعز , Moon and stars ام مرمر وليلو شكرا كتير على كامكم الظريف وربنا يستجيب منكم الدعاء لوالدتى
ايثار الشام انا مبسوطة بوجودك جداااااااا بس معقول ما بتعرفيها ههههههههههههههههههههههههه اى حاجتين مدورين واحدة اصغر من واحدة واعمليهم بيها بس هما اصغر كتير من اقراص الفلافل ( وعلى فكرة عندنا بمصر الفلافل مش مجوفة من النص زى عندكم) عموما الدايرة الصغيرة دى واحد من قماع تزيين الجاتوه والكبيره هى الجزء اللى بيدخل فى الكيس اللى بتتركب فيه الاقماع لكن لو ممكن تحبيهم اكبر فى الحجم ممكن تعمليهم بفنجان قهوة وربنا يروق بالك دايما

ما شاء الله

تسلم ايديك