** وصفة مبتكرة **المعروك السوري لمطبخ رمضان
السلام عليكم ورمضان كريم
المعروك هو نوع من الخبز الحلو المذاق المحشو بحشوات مختلفة او سادة يياع في رمضان في المخابز السورية ويعتبر من اهم التقاليد الرمضانية عندنا
وبما انه غير متوفر في بلاد الغربة فقررت اعمله بنفسي صديقتي اعطتني الوصفة وانا عدلت عليها شوي وها ي بين يديكن
جربوه كتييير شهي
المعروكنصف كوب حليب دافئ
1|4 كوب لبن زبادي
كأس ماء فاتر
كيس خميرة فورية او ملعقتين كبار
1 م ص ملح
1 م ص بيكينغ صودا
نصف كأس سكر الى كوب سكر حسب رغبتك
1|4 كوب زيت او نصف قالب زبدة
1 بيضة
خمس كوب دقيق لكل الاستعمالات حسب نوع الدقيق تبعك ضيفي طحين
يانسون وشمرا حسب الرغبة ممكن الاستغناء عنه
للدهن والتلميع
صفار بيضة مع قليل من الحليب
الطريقة
في وعاء اضيفي نصف كوب حليب الى الخميرة و السكر
اتركيه حوالي عشر دقائق حتى تتفاعل الخميرة
في وعاء اخر اضيفي البيكنغ صودا مع اللبن وربع كوب دقيق و الملح
اضيفي خليط الخميرة الى خليط اللبن
ثم اضيفي الماء و البيضة والزيت او الزبدة
ثم اضيفي الدقيق شيئا فشيئا حتى تحصلي على عجينة طرية و متجانسة
اعجنيها حوالي عشر دقائق العجينة بتلزق نوعا ما بس بعد ما تخمر بتشتغلي فيها عادي
ضعي العجينة في وعاء مذهون واتركيها تختمر بين ساعة و ساعة نصف
رشي السطح دقيق
شكلي العجينة كما تحبين واحشيها باحد الحشوات التالية
تمر مطحون
زبيب وجوز هند وقليل من ماء الزهر
شوكولا
جبنة موزريلا
او اتركيها سادة
ادهنيها بخليط التلميع ورشيها بالسمسم
واتركيه عشر دقايق تخمر شوي واخبزيها بفرن 180 درجة لعشرين دقيقة او ليحمر اللون
بس تطلع من الفرن فيكي تدهنيها بشوي قطر او زيت او تركيها ناشفة براحتك غطيها شوي بقماش لتبقى طرية من السطح والسادة رشي عليها سكر بودرة
اترككم مع الصور :
العجين بعد التخمير صورتها عند اخر لحظة كنت رح اشتغل فيها واتذكرت التصوير
هون حشيتها بمعجون التمر
كنت عم جرب لفة جديدة ( انا مو شاطرة باللفات لا تعيبو ) بعد ما قطعتها لفيتها على بعض بالتبادل
بس اللفة التقليدية هيه اما مدورة ومسكرة او الصورة يلي بعد هي بتشوفو
هي احدى اللفات التقليدية بتجي محشية تمر نعملها قضيب طويل ونحشيه تمر ونقصه كما بالصورة ومنلفه على بعض بيصير متل الوردة
وهي الوجبة الاولى يلي طلعت من الفرن حطيتهم بالبايركس لاني بدي صينية الفرن للوجبة التانية
هي الطريقة التانية باللف متل الكرة بس شوي مسطحة اكتر
وهي صورة لجزء من المجموعة شي محشي تمر وشي شوكولا وشي سادة
اتمنى انو يكون عجبكم بالهنا والعافية
أدعو لسوريا واهلها بالفرج والنصر
رد مع الاستدلال
كتبت بواسطة MUM
الروابط المفضلة