صباح الخير
اذيكم يابنات
انا مش عارفه هل دقيق القمح الكامل هو الدقيق الاسمر ولا ايه
لانى عاوزة اعمل عيش فينو ينفع للدايت ومش عارفه اجيب اى نوع دقيق
وربنا يجازيكم كل خير

السلام عليكم ورحمة الله

حياك الله ياسمينا

الدقيق الكامل هو الدقيق يطحن فيه حبة القمح بكاملها و ولا يستخلص منه النخالة او الردة باي نسبة كانت يعني حبة كاملة مائة بالمائة

هناك من يطلق على دقيق القمح الكامل الدقيق الاسمر.

في هذا الرابط ستجدين معلومات عن الدقيق و كمان الماركات اللي متواجدة في مصر من طرف الغالية شخبط ربي يجازيها كل خير
و يرجعا بيناتها قريبا

http://www.lakii.com/vb/a-25/a-572675/

ما شاء الله
موني كفت ووفت

ربنا يجازيكم كل خير

انا يابنات هاقولكم ايلى فهمته وتقولى لى صح ولا لا

الدقيق الابيض يسمى بالمصرى الفينو او زيرو او درجة اولى
وهو منخول كتير ومستخرجين منه جنين القمح والردة
وعلى حسب نسبة الاستخلاص بنستخدمه اما للمعجنات او الكيك

الدقيق الاسمر
يباع فى السوبر ماركت فى اكياس ورقيه باسم دقيق القمح الكامل او دقيق اسمر او دقيق الريجيم
وهو نفسه يباع فى الارياف او مخابز الافران البلدى ايلى بيعملوا العيش المدعم وبيكون رخيص جدا
لانهم بيخدوا القمح من الارض يطحنوه بكل مشتملاته بيخرجوا نسبة رده بسيطة بس منه

نيجى لانواع الخبز عندنا هنا
الخبز السن - معمول من دقيق اسمر او ابيض ورده بنسبة 2 الى 1
الخبز البلدى - نوعين
اسمر هو المدعم من الدقيق الاسمر خالص وبيفردوه على ردة
ابيض معمول من الدقيق الابيض وبيفردوه على رده بردو

الخبز الشامى - دقيق ابيض وبيفردوه على دقيق ابيض بردو

عيش جاد ومحلات الفول والطعميه- دقيق ابيض عليه نسبه بسيطة من دقيق الذرة عشان هو قاسى شويه
يستحمل يتعمل سندوتشات

وبس
هو ده خلاصه بحثى فى موضوع العيش
لو فى حاجه غلط ياريت تقولوهالى