انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 2 12 الأخيرالأخير
عرض النتائج 1 الى 10 من 20

لقراقيش المصريه بالعجوه لو عملتيها مره مش حتبطلي تعمليها ولا حتبطلي تدعيلي

(المعجنات والسندويشات والفطائر والخبز - منتديات لكِ النسائية - الأرشيف)
...
  1. #1
    contesa's صورة
    contesa غير متواجد عضو نشيط
    تاريخ التسجيل
    Jul 2006
    الموقع
    مصر-الاسكندريه
    الردود
    137
    الجنس
    امرأة

    exclusive لقراقيش المصريه بالعجوه لو عملتيها مره مش حتبطلي تعمليها ولا حتبطلي تدعيلي

    1]
    النهارده عملت القراقيش المصري وقلت اجربها فطلعت رووووووووووووعه واكتر من روعه فقلت لازم حبايبي اللي بحبهم يفرحوا معايا ويقرقشوا

    اولا مقاديرها اللي حكتبها ده بتعمل 3 صواني كبار لو انتي عايزه اقل ممكن تعملي نص الكميه بنص المقادير اللي هيا

    1 كيلو دقيق
    1 ملعقه ملح صغيره
    1 ملعقه كبيره خميره فوريه +1 ملعقه كبيره سكر
    2 او 3 ملعقه كبيره سمسم حسب الذوق
    2 ملعقه كبيره شمر او ينسون او الاتنين برضه حسب الذوق
    1 كوب لبن دافي او مايه دافيه للعجن بس الاحسن لبن طبعا
    نص كيلو مفرومه + 1 ملعقه قرفه
    كوب ونص زيت سخن حامي

    الطريقه بقى نبتدي بسم الله
    اولا ده الشمر حنحطه في طاسه صغيره على نار هاديه شويه صغيرين خالص وحنطحنه طحن خشن ونحطه على الدقيق في الخطوه اللي جايه


    حنجيب صينيه كبييييييره او حله ونحط فيها كيلو الدقيق ونفرفره بايدينا شويه ونرش فوقه السمسم والشمر والينسون ومعلقه الملح


    وبعدين نجيب الزيت الحامي نكون مسخنينه في كنكه مثلا او كسروله وبعد ما خلطنا الدقيق نعمل حفره في النص ونحط فيها الزيت وحنلاحظ انه حيفور مع الدقيق


    ولو تاخدي بالك انا عملت فتحات من جنب الحفره علشان الزيت ينزل لبقيه الخليط


    وحنقلب بالمعلقه الخشب او اي معلقه بس علشان نخلط الزيت مع الدقيق لان الزيت سخن وبعد كده حنضيف عليهم الخميره لــــــــكــــــــــــن خدي بالك ... الخميره حتعمليها كالاتي علشان تنجح معاكي
    حتحطي في كوبايه معلقه الخميره وعليها معلقه السكر وتخلطيهم بالمعلقه كويس جداا على الناشف الاول وبعدين تحطي فوقهم شويه لبن دافي وتغطيهم وبعد 5 دقايق حتلاقيها خمرت وبقى زي الفل زي الصوره كده علشان كده اول حاجه تعمليها الخميره وتغطيها وسيبيها تخمر لحد ما تعملي خليط الدقيق اللي فات ده


    وبعد ما حطيتي الخميره حتقلبي كله بايديكي وتفركيهم بين ايديكي كويس وتفلفليهم كده لحد ما كله يختلط ببعضه والدقيق يشرب الزيت والخميره زي الصوره كده


    وبعد كده حتجيبي لبن او مايه -اللي موجود- وتحطي شويه بسيطه في شويه بسيطه وانتي بتعجني بايديكي لحد ما تلاقيها بدأت تلم معاكي وتبقى كوره متماسكه وتلاقيها خلت الصينيه اللي انتي بتعملي فيها فله شمعه منوره زي الصوره كده


    وعلشان تعرفي العجينه اتظبطت ولا لأ حتاخدي حته من العجينه وتبططيها بين ايديكي ولو لقتيها اتفردت معاكي يبقى كده مظبوط


    وحتسيبي العجينه شويه ترتاح لحد ما تفصصي العجوه
    انا بجيب عجوه سايبه وبفصصها انا وبفرمها واحط عليها قرفه وسمسم لاني مره جبت المفرومه جاهزه لقيت اللي انا بفرمها اطعم بكتيييييييييييييييييير
    وادي العجوه والبذر بعد ما فصصتها ويا داخل ما بين العجوه وبذرتها ما ينوبك الا حلاوتها



    وهنا بعد ما فرمتها وحطيت عليها القرفه وللاسف السمسم خلص لاني حطيته كله على العجينه لكن انا قبل كده كنت بحط على برضه


    ونرجع للعجينه تاني وحنقسمها على اربعه علشان نعرف نحشيها


    يــــــــــــــتـــــــــــــــــــبــــــــــــــ ــع
    ]
    asmaabhr أعجبه هذا.

  2. #2
    contesa's صورة
    contesa غير متواجد عضو نشيط
    تاريخ التسجيل
    Jul 2006
    الموقع
    مصر-الاسكندريه
    الردود
    137
    الجنس
    امرأة
    []
    حناخد اول كره عجين ونفردها طويل لكن نصيحه ليكي لو فردتيها على الرخامه حتلم معاكي تاني وحتتعبك فأحسن حاجه تمسكيها بين ايديكي وتفرديها وتمسكيها زي الارنب كده وتفردي بايدك التانيه زي الصوره كده


    ولما تطوليها حتحطيها على الرخامه وتبرميها برمه خفيفه كده وتبططيها براحه كف ايدك


    وبعدين تجيبي العجوه وتبرميها برضه وتحطيها في نص العجين بس يستحسن وانتي بتفردي العجين تكون الحروف ارفع من وسط العجينه علشان لما تلفيها تبقى كلها سماكه واحده


    وبعدين حتتني اول حرف على زي الصوره كده


    وبعدين حتلفيها كمان لفه على الطرف التاني علشان تقفليها


    وبعد ما تقفليها حتلاقي الخط اللي تحت ده ممكن يفتح تاني معاكي


    فحتبرميها وتلفيها لفه خفيفه بايديكي كده لحد ما تلاقي الخط ده اختفي شويه زي الصوره كده


    وبعدين حتخلي الخط ده لتحت وتبططيها بايديكي زي ما بططتيها اول مره علشان تحشيها وبالسكينه حتقطعيها بالورب بميله خفيفه كده


    وبعدين حترصيها في الصينيه وخلي فيه فرق بسيط بيهم علشان التخمير ميخليهومش لازقين في بعض وده صورتهم قبل التخمير


    وده صورتهم بسم الله ما شاء الله بعد التخمير



    وعلى الفرن حنكون مسخنينه على حراره حوالي من 220 ل 240 حسب فرنك وعلى الرف السلك اللي وسط الفرن وتحطي الصواني وحتسيبيهم من تلت لنص ساعه حسب فرنك اذا كان حامي او لأ وحتعرفي انها استوت لما تلاقي وشها بدأ يصفر مش يحمر لان لو احمر معناه ان قعر القرقوشه بقى فحمه فأول ما تلاقيها اصفرت من فوق امسكي واحده واقلبيها حتلاقي قعرها استوي واضغطي عليها حتلاقيها مسكت نفسها ومش طريه يبقى تطفي على طول وتسيبيها في الفرن
    وهنا بعد ما استوت وخدي بالك القعر بقى مستوى ازاي


    وهنا القرقوشه من جوا ما شاء الله هشه وجميييييييييله اما عن الطعم بقى فرااااااااائع



    والف هنا وشفا ومعلش طولت عليكم بس انا كده بحب اشرح بالتفصيييييييييل الممل علشان ساعات اقل غلطه بتبوظ كل حاجه




    ]

  3. #3
    ام عبدالمعز's صورة
    ام عبدالمعز غير متواجد كبار الشخصيات
    تاريخ التسجيل
    Sep 2009
    الموقع
    ليبية وكل فخر ---- الامارات
    الردود
    11,623
    الجنس
    امرأة
    التكريم
    • (القاب)
      • درة صيفنا إبداع 1432هـ
      • ذوق راقي
      • متميزة ركن الحلويات
      • مبدعة صيفنا إبداع1431هـ
    (أوسمة)
    يسلمو ايديك اختي واهلا بك معانا

    بس ياريت تكتبي اسمك عالصور حفاظا علي حقوقك

    بانتظار التعديل



    اللهم لك الحمد حتى ترضى ولك الحمد إذا رضيت ولك الحمد بعد الرضا ولك الحمد علي كل حال




  4. #4
    moon and stars's صورة
    moon and stars غير متواجد كبار الشخصيات
    تاريخ التسجيل
    May 2007
    الردود
    14,492
    الجنس
    امرأة
    التكريم
    • (القاب)
      • متألقة ركن المعجنات
      • درة صيفنا إبداع 1432هـ
      • متألقة صيفنا إبداع 1431 هـ
      • زهرة العطاء في ركن المعجنات
      • مترجمة متميزه
      • أميرة البرتقال|لغوية بارعة
      • الذوق الراقي
      • ضياء القرآن
      • ضياء مناهل النور
    (أوسمة)
    قراقيش ولا اشهى

    تسلم الايادي الحلوة كونتيسا

    واهلا وسهلا بك

    يا ريت تكتبي اسمك على الصور
    او تنزليها على موقع المنتدى لحفظ حقوقك






  5. #5
    غزاوية شاطرة's صورة
    غزاوية شاطرة غير متواجد عضو نشيط
    تاريخ التسجيل
    Apr 2011
    الموقع
    فلسطين -غزة
    الردود
    354
    الجنس
    امرأة
    ماشاء الله
    تسلم ايديكى شكلها زاكية كتير
    مش برضو اسمها (المنين )انا بسمع عنها فى مصر واكلتها من المخبز جميلة جدا
    صحة وعافية على قلوبكم

  6. #6
    noony suger's صورة
    noony suger غير متواجد النجم الفضي
    تاريخ التسجيل
    May 2009
    الموقع
    ليبيا
    الردود
    1,097
    الجنس
    امرأة
    تسلم ايديك روووووووووووووووووعة

  7. #7
    ام كوجي's صورة
    ام كوجي غير متواجد كبار الشخصيات
    تاريخ التسجيل
    Mar 2008
    الموقع
    عراق - الانبار
    الردود
    3,097
    الجنس
    امرأة
    تسلم الايادي
    [/IMG]

  8. #8
    **ام البنات **'s صورة
    **ام البنات ** غير متواجد كبار الشخصيات
    تاريخ التسجيل
    Sep 2005
    الموقع
    **لـــ مع أحبائي ــك**
    الردود
    25,621
    الجنس
    امرأة
    التكريم
    • (القاب)
      • فنانة المعجنات
      • درة صيفنا إبداع 1431هـ
      • نبض وعطاء
      • طاهية متألقة
      • المشرفة المثالية لشهر جمادى الثانية
    (أوسمة)

  9. #9
    (( ام ماهر ))'s صورة
    (( ام ماهر )) غير متواجد كبار الشخصيات
    تاريخ التسجيل
    Jun 2006
    الموقع
    الاردن
    الردود
    16,989
    الجنس
    امرأة
    التكريم
    • (القاب)
      • طاهيه متألقه
      • متميزة التطبيقات
      • مُبدعة صيف 1430هـ
      • الذوق الراقي
    (أوسمة)
    تسلم الايادي كونتيسا

    رووووووووووووووووعه

    صحة و عافية

  10. #10
    arch-AYA's صورة
    arch-AYA غير متواجد النجم البرونزي
    تاريخ التسجيل
    Jan 2008
    الموقع
    اليوم في سوريا وغدا الله أعلم
    الردود
    623
    الجنس
    أنثى
    يميميميميميييييييييييييييي كتييير بتشهي
    ما بعرف يمكن ما عندي كل هالمقادير
    بس هلأ رايحة أخلط شوية يانسون وأعجن عجينة واخبزها من كتر ما شهيتيني ههه

مواضيع مشابهه

  1. بسكوت عجيب بالعجوه روعههههههههههه.
    بواسطة سيده من الجنوب في الحلويات والكب كيك والكيك وحلويات العيد
    الردود: 14
    اخر موضوع: 01-02-2012, 03:39 PM
  2. ღღتطبيق احترافي ღღمشاركتي في موضوع التطبيقات تطبيقي لقراقيش بالتمر لتغريد
    بواسطة amani1 في المعجنات والسندويشات والفطائر والخبز
    الردود: 19
    اخر موضوع: 07-11-2010, 05:25 AM
  3. وانتى بتطبخى اعملى المبسوس بالعجوه لذييييييييييييييذ ومغذى
    بواسطة ام احمد ومصطفى في المعجنات والسندويشات والفطائر والخبز
    الردود: 8
    اخر موضوع: 19-04-2007, 02:33 PM
  4. اعطينا البرامج الي عملتيها مع أطفالك في هذا الصيف!!
    بواسطة البشرى في الأمومة والطفولة
    الردود: 20
    اخر موضوع: 02-09-2004, 02:23 PM
  5. الدرس الثالث: ...البوريك بالعجوه ..........
    بواسطة ام وديمه في الحلويات والكب كيك والكيك وحلويات العيد
    الردود: 3
    اخر موضوع: 17-10-2001, 11:00 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ | جمالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96