انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 4 1234 الأخيرالأخير
عرض النتائج 1 الى 10 من 36

** وصفه مبتكره**البيتزا نجحت معايا الحمد لله فى بوتاجازى الكبير

(المعجنات والسندويشات والفطائر والخبز - منتديات لكِ النسائية - الأرشيف)
...
  1. #1
    شمس السما's صورة
    شمس السما غير متواجد النجم الفضي
    تاريخ التسجيل
    Aug 2006
    الردود
    1,557
    الجنس
    امرأة

    Wmop ** وصفه مبتكره**البيتزا نجحت معايا الحمد لله فى بوتاجازى الكبير



    انا عملت مواضيع قبل كدة عشان استفسر عن البيتزا بتخرب منى ليه
    كانت دايما تطلع مكتومة او شبه معجنة لما بسويها
    وكمان كانت معايا مشكلة مع فرنى
    عشان بوتاجازى 5 شعلة والفرن كبير والنار تحت صاجة فى قاع الفرن
    والحرارة بتتوزع فيه بصعوبة مش زى الأفران الصغيرة
    والأخوات فى المنتدى ماقصروا فى النصايح جزاهن الله خيرا

    بس لما الأخت نبعة الريحان عملت موضوعها عن البيتزا
    وكان الشيف اللى علمهالها موصيها ان الفرن تبقى سخنة جداً قبل وأثناء طبخ البيتزا
    قلت خلاص اجرب من جديد

    وكانت النتيجة الحمد لله
    البيتزا طلعت رقيقة وفى نفس الوقت طرية وهشة وخفيفة
    عشان غيرت طريقة خبزى ليها
    لإنى كنت باتبع وصفات الناس ومش براعى نظام فرنى

    الكل بيحطها ع الرف الوسطانى على حرارة 180 او 200
    انا حطيت شبكة الفرن فى اول رف من تحت
    وبولع الفرن من اول ما ابتدى افرد العجين واحط الحشوة على اعلى حرارة
    ولما احط البيتزا اقلل الحرارة على 200
    15 او20 دقيقة واطلعها وتبقى تمام

    بس خلوا بالكم من الفتحة اللى فى قاع الفرن اللى بنولع الفرن منها
    عشان الصينية لو جات فوقها بتحمص العجينة من تحت
    يعنى الصينية لو اتحطت فوقها ماتخلوهاش تطول


    المقادير
    ***

    العجين
    تكفى صينيتين وسط
    2ونص كوب دقيق
    قطعة خميرة صغيرة
    ملعقة صغيرة سكر
    ملعقة صغيرة ملح
    3 او 4 ملاعق كبيرة زيت
    ماء حسب نوع الدقيق ممكن كباية او اقل او اكتر
    انا كل مرة لما بكون جايبة الدقيق جديد باستخدم ميا بكمية مختلفة



    الإضافات
    جبنة موتزاريلا
    صلصة
    فلفل اخضر شرايح - طماطم شرايح - زيتون حلقات
    واى حاجة من اللحوم او السى فود زى ماتحبوا تحطوا عليها


    الصلصة
    بعملها كمية واشيلها فى الفريزر
    زيها زى الصلصة اللى بعملها للمكرونة بس زيادة عليها الزعتر

    2كيلو طماطم
    بصلة متوسطة
    كام فص ثوم مفرومين
    زيت
    ملح - كمون - فلفل اسود - سكر - زعتر

    جوزى جابلى صلصة بيتزا من هاينز
    ابرز حاجتين حسيتهم فيها السكر والزعتر
    عشان كدة كترت السكر فى الصلصة دى


    الطريقة
    ***

    الصلصة
    بحمر البصلة فى الزيت لما تبقى لونها بنى
    اضيف عليها الثوم المفروم واقلبه حاجة بسيطة
    وبعدها اضيف عصير الطماطم المصفى
    واضيف سكر كتير
    واضيف التوابل والزعتر
    واسيبها تتسبك
    بعد ماتتقل بضربها فى الخلاط عشان تبقى ناعمة زى المعلبة
    بحطها فى قوالب واشيلها فى الفريزر واطلع منها حسب الحاجة


    العجين
    بحط السكر على الخميرة واقلبهم لغاية ما الخميرة تبقى سايلة
    بحط الملح ع الدقيق المنخول واقلبهم سوا
    بحط الزيت عليهم واقلبهم وادعك الدقيق بين ايديا
    بحط الخميرة المتقلبة مع السكر عليهم واقلبهم سوا
    بحط الميا حبة حبة واعجن
    بعجن كتير يمكن نص ساعة
    لما تبقى العجينة خلاص تمام ومش بتلزق فى الإيد
    بزودها شوية ميا واعجن واخليها طرية وبتلزق حاجة بسيطة جدا فى الإيد
    احطها فى وعاء عميق مدهون زيت خفيف
    اسيبها تخمر فى مكان دافى
    فى العادة انا بعجنها قبل ما انام واليوم اللى بعده بخبزها


    التجهيز
    بدهن الصينيتين زيت
    واغمس ايدى فى الدقيق وانفضها عشان العجينة بتكون ملزقة شوية واقطع نص العجين وافردها فى الصينية
    طبعا بتلم منى شوية عشان الزيت بس مش مهم
    وللعلم المقدار ده البيتزا بتبقى رفيعة
    بس بتطلع طرية وهشة
    بحط الصلصة وبعدها الموتزاريلا
    وبعدها باقى الإضافات
    وممكن احط شوية موتزاريلا تانى ع الوش
    احطها على اول رف من تحت على حرارة 200 لمدة 15 او20 دقيقة بس
    وبالهنا والشفا


    باعتذر الصور مش واضحة قوى عشان بنتى ماكانتش سايبانى



    آخر مرة عدل بواسطة moon and stars : 11-09-2011 في 09:34 AM السبب: وضع الشعار

  2. #2
    ♥ نبعة الريحان♥'s صورة
    ♥ نبعة الريحان♥ غير متواجد سيدة حكيمة -زهرة ربيعية - النجم الذهبي
    تاريخ التسجيل
    May 2009
    الموقع
    العراق الحبيب مقيمة في المانيا اعيش مع احـــــــــــــبـــــ T S H ـــــائي
    الردود
    6,804
    الجنس
    امرأة





    يا فرحتي بيتزا من الصبح يم يم يمي يم والله فعر عاشت ايدج ام جوجو تخبل روعه بمعنى الكلمة الف عافية عليكم وصحة ما شاء الله فنانة ربنا يحفظ لج جوجو ويرزقك ببنين وبنات اللهم امين

  3. #3
    jihane maroc's صورة
    jihane maroc غير متواجد زهرة لا تنسى
    تاريخ التسجيل
    Jun 2009
    الموقع
    بريطانيا مدينة الضباب uk
    الردود
    7,474
    الجنس
    أنثى
    بيتزا حلوة وشهية أمممممم
    تسلم إيدك
    ألف صحة وهنى على قلوبكم



  4. #4
    شمس السما's صورة
    شمس السما غير متواجد النجم الفضي
    تاريخ التسجيل
    Aug 2006
    الردود
    1,557
    الجنس
    امرأة
    نبوعة
    تسلمى وربنا يحفظلك سعودى وحمودى
    جزاك الله خيرا على موضوعك اللى خلانى اغير طريقة خبزى

    جيهان
    تسلمى حبيبتى
    ربنا يباركلك فى انوس

  5. #5
    jojo100 غير متواجد عضو
    تاريخ التسجيل
    Sep 2008
    الموقع
    جدة
    الردود
    99
    الجنس
    أنثى
    شهيتينا ماشالله شكلها حلو تسلم ايدك

  6. #6
    شمس السما's صورة
    شمس السما غير متواجد النجم الفضي
    تاريخ التسجيل
    Aug 2006
    الردود
    1,557
    الجنس
    امرأة
    جوجو يسلم مرورك

  7. #7
    أم فئ's صورة
    أم فئ غير متواجد عضو نادر
    تاريخ التسجيل
    Jun 2004
    الموقع
    المملكة العربية السعودية
    الردود
    23,185
    الجنس
    أنثى
    تسلم ايدك حبيبتي

    ويعطيك الف عاااافية

  8. #8
    تاريخ التسجيل
    Sep 2011
    الردود
    87
    الجنس
    أنثى

  9. #9
    شمس السما's صورة
    شمس السما غير متواجد النجم الفضي
    تاريخ التسجيل
    Aug 2006
    الردود
    1,557
    الجنس
    امرأة
    ام فئ
    مريومة
    يسلم مروركم

  10. #10
    omyassineee's صورة
    omyassineee غير متواجد مساعدة مشرفة الأزياء
    تاريخ التسجيل
    Oct 2010
    الموقع
    اغادير بالمغرب الحبيب
    الردود
    3,203
    الجنس
    امرأة
    التكريم
    (أوسمة)
    شكلها يشهي.مشكوورة




مواضيع مشابهه

  1. ღوصفه مبتكرهღالبيتزا من مطبخ بيرو بالصور (عجينة رائعة)
    بواسطة أحلى بيرو في المعجنات والسندويشات والفطائر والخبز
    الردود: 161
    اخر موضوع: 31-10-2011, 08:57 PM
  2. *وصفه مبتكره*غدانا مع الحلى حياكم الله
    بواسطة أم فئ في الأطباق الرئيسة
    الردود: 30
    اخر موضوع: 30-12-2010, 01:24 PM
  3. *وصفه مبتكره*قهوة مريوم وصلت كل وحدة تاخذ فنجان تفضلوا حياكم ...
    بواسطة مريوم سياكل في المقبلات والسلطات والشوربات والمشروبات
    الردود: 47
    اخر موضوع: 21-06-2010, 11:02 PM
  4. ღღوصفه مبتكرهღღالبيتزا من مطبخي طريقه ايطاليه شوفي بنفسك
    بواسطة oum mossab في المعجنات والسندويشات والفطائر والخبز
    الردود: 32
    اخر موضوع: 19-04-2010, 11:09 AM
  5. ღღوصفه مبتكرهღღمن اليوم البيتزا مش ايطاليه البيتزا مصراتيّه وبــــــــــس
    بواسطة مصراتيه اصليه في المعجنات والسندويشات والفطائر والخبز
    الردود: 63
    اخر موضوع: 13-03-2010, 01:33 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ | جمالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96