السلام عليكم ورحمه الله وبركاته

اخواتي الغاليات في منتدانا الرائع

كنت عايزة استفسر عن العجانه كينود شيف
هيه جاتني هديه
ايطالية الصنع
هل نوعها جيد لاني اعرف ان ليها انواع كتيره بس بصراحه مابفهم فيهم
كمان سعتها 4,6

الان لما احب اعجن ماهي اعلى كميه دقيق تستحملها

كمان كم المده الي اعجن فيها
اسمع ناس تقول عشر دقايق
وناس ربع ساعه وتلت ساعه

يعني زي الخبز والبيتزا
كم بتاخد وقت فالعجن
وعلى اي سرعه

ولو عندكم اي ملاحظات او نصائح بخصوصها اتمنى تفيدوني


وشكرااااااااااااااااااااااااااا
ليكم جميعا

أهلا بيكى حبيبتى
العجانه كينوود الشيف اللى سعتها 4.6 لتر موديل
Kenwood Km 416
عندى و جميله جداااااااااا و عمليه كمان
و بتاخد أقصى كميه للدقيق كيلو واحد
و بيبقى مكتوب كمان فى الكتالوج بتاعها
و بتريحك جدااااااااااااا يعنى ما بتحسيش خالص بالعجين بصراحه
أنا عندى منها الالمانى و على فكره هيا عمليه أكتر كمان من الكبيره
لان الكبيره اللى هيا Kenwood KM 010 , Kenwood 020
دى بيتكون صحيح 1500 وات و بتاخد تقريبا كيلو و نصف دقيق و سعتها 6 لتر
بس بصراحه هيا تنفع لمحل مش لبيت
يعنى احنا فى البيت بنعمل كميات صغيره
و كمان الكبيره بتكون سعتها 6 لتر يعنى لو جيتى تعملى كميه صغيره هتلاقيهم بقوا تحت فى أرضية العجانه و المضرب ما يعرفش يضربهم علشان قليلين أوى
على فكره أنا ما إشتريتش العجانه دى إلا بعد ما درست الأنواع كلها كويس جدا و شفت ميزة كل نوع فيهم
و بحثت على الإنترنت كتيييييييير
و رحت كل المحلات بألمانيا لحد ما قررت و إشتريت
Kenwood Km 416
و بصراحه مريحانى جدا و رائعه فوق الوصف

بالنسبه بقى للعجن بيها
بالنسبه للمعجنات أنا بعجن على السرعه البطيئه الأول و بعدين ابدأ اسرع شويه شويه لحد ما توصل للملمس اللى إنتى محتاجاه
يعنى لو بتعجنى بحليب مثلا تضيفى الحليب شويه شويه اثناء العجن لحد ما تصل العجينه للطرواه و تسيب خالص جدران العجانه و تلمسيها بإيدك علشان تحسيها اكتر
لو لقيتيها محتاجه حليب تضيفى كمان شويه و هكذا
و بالنسبه للتورت مثلا و الجاتوهات بتضربى البيض بالمضرب اللى موجود فيها لمدة 5 أو 6 دقايق لحد ما يبقى مارجرين و بعدين تزودى الإضافات عادى بس تقللى خالص السرعه و إنتى بتضيفى الدقيق

يارب أكون أفدتك حبيبتى
و أى سؤال انا موجوده يا عسل

ربنا يوفقك يا قمر وتتهني بيها

تسلمي أخت في الله استفدت جدا من المعلومات