** وصفة مبتكرة ** بيتسا علم ليبيا الحرة المحشوة بالخير كله
اخواتي الحبيبات في عموم الوطن العربي
اخواتي الحبيبات في ليبيا الحرة الموحدة
كنت غايبة من زمن
سجلت بالمنتدي ولهيت عنه
سامحوني
ودارت دنيا وجت دنيا
وصار اللي صار بليبيا
اليوم جيت ندور علي خواتي الليبيات بعد ضعنا من بعض في خضم الاحداث ان شاءالله يدخلن ويشوفني ويكرمني بالاطمئنان عليهن
ربي يفرج عالجميع في بلاد العرب اوطاني
جايبتلكم بيتسا
منطول الشرح
عجينة بيتزا عادية
فردتها اول طبقة في طاجين بعد دهنه
فردت عليهاصلصة بيتزا
حصيت هليها جبن برميدجانو مبشور
ورشيت زيتون اسود مقطع
ورشة زعتر اخضر
ولفة زيت زيتون
وملح
وغطيتها بطبقة من العجينة المفرودة مسبقا
دهنت الاحواف بالبيض ولصقت الاطراف جيدا
الغرض ماكان البيتزا
بقدر ماكان علمي تاج راسي وراس كل ليبية حرة
طبعا بديت التزيين
شرائح طماطم وبابريكا مطحونة للون الاحمر
ويتون اسود وحبة بركة للون الاسود
ورق معدنوس للون الاخضر
وقصيت من العجينة هلال ونجمة
شنو رايكن
راني كملت البتزا ودموعي علي خدي
ادعو لبلادي جزاكم الله كل خير
رد مع الاستدلال
كتبت بواسطة ام عبید الله
الروابط المفضلة