بنات انا وحدة من الناس بموت في الاكل الايطالي و خصوصا المعجنات -- حبيت اليوم افرجيكم وصفة سترمبولي الدجاج بالبروكلي .. سهلة كتير و طعمها روعة ...
المقادير :
عجينة بيتزا
صدر دجاج مسلوق بفلفل اسود وملح و ورق غار
بصل شرايح مقلي حتى صار لونه ذهبي
بروكلي مسلوق على البخار و متبل بملح و فلفل اسود
جبنة موزاريلا
صلصة خردل ديجوان ( اختياري )
شرايح ثوم رفيعة
بيضة مخفوقة
الخطوات :
افردي العجينة و ضعيها في صينية الفرن
ضعي صلصة الخردل افرديها بس ابعدي عن الاطراف ثم اضيفي الدجاج المسلوق
اضيفي البصل و البروكلي و الثوم و الجبنة على الدجاج
لفيها و ادهني الوجه بمخفوق البيض وبسكين قطعي الوجه بشكل خفيف متل الصورة يمكن اضافة السمسم الابيض على الوجه ايضا
اخبزيها مدة 20- 30 دقيقة في فرن متوسط او حتى تنضج العجينة
بعد ما تنضج طلعيها من الفرن و اتركيها ترتاح مدة 10 دقائق
قطعيها و قدميها مع الصلصة المفضة ( متل صلصة البندورة بالريحان او صلصة البستو )
الصلصة الباينة عبارة عن صوص بندورة : بندورة مطحونة من غير بذور و ثوم مفروم ناعم و ريحان مقروم ناعم و زيت زيتون وملح و فلفل
قلبي البصل و الثوم بزيت الزيتون بعدين اضيفي البندورة و المعصورة من غير بذور و خليها حتى تتطبخ منيح و اضيفي الريحان و تبليها بالملح و الفلفل
و بالهنا و الشفا ... ان شاء الله تحبوها
الروابط المفضلة