وعودة لاركان المطبخ
ولكن التسمين بالذات

العجينة
5 اكواب طحين
ربع كوب زيت
3 ملاعق كبيرة حليب بودرة
نص علبة لبن رايب
2 ملعقة كبيرة سكر
2 ملعقة كبيرة خميرة
1 كبيرة ملح
2 ملعقة كبيرة خل أبيض
ماء دافي حسب الحاجة

في الخلاط باحط كوب طحين مع اللبن والزيت والحليب والسكر والخميرة وكوب من الماء والخل وزززززززززززز
لمدة ثم اتوقف واعود من تاني
في وعاء كبير باحط بقية الطحين وفوقهم الملح
وارجع اسكب المزيج من الخلاط واعجن جيدا
طبعا بتحتاج لزيادة الماء حتى نحصل على عجينة لينة وحلوة
نتركها ترتاح وتختمر ثم اعيد عجنها واتركها تختمر مرة ثانية

في وقت تخمرها بنكون غسلنا السبانخ وفرمناه
وفرمنا البصل الأخضر
ونحضر الحشوة
سبانخ – بصل اخضر مع الملح ونتركه لدقائق ثم نعصره للتخلص من الماء فيه
وبعدها
بنضيف سماق حامض ولو احتجنا بنضيف عصرة ليمون – زيت زيتون- ملح
رشة فلفل أبيض – وطبعا الشطة الحمرا (حسب الرغبة)

نقطع العجين دوائر ونتركه يرتاح
ثم نرقه باليد ونشكله حسب الرغبة
و و

نتركه يرتاح ربع ساعة قبل الخبز


وشوفوا هيك ما شاء الله اللون بيجنن وبدون أي مسح للوجه والسبب اللبن والحليب

وهون عملت معجنات باللحمة المعصجة مع اللبن

قبل الفـرن

وبعد الفرن
عم ياخذو استراحة ع الشبك لحتى يبردو شوية


وهون اصابع باللبنة مع النعناع الناشف والشطة الغزاوية






وهون عملت بحشوة البطاطا مع جبنة المثلثات

وصحتين وعافية

ومخصوص لعيون مشرفات التسمين

وخروج مؤقت

ايش
كنا في جرة وطلعنا لبره

ومخصوص لعيون مشرفات التسمين

طيب بقية المشرفات مالهن نصيب بشي

تسلم الايادي يا نغومة

ماشاء الله روعة تسلم يداتك

اخدته نيابة ع مشرفات التسمييييييين
و جزيل الشكر للقمر
بارك الله فيك و سلم ايديك يا قمر

يسلمو دياتك حبيبتي شو نقول فرخ البط عوام
الف صحه عليكم المعجنات الرائعه

ما شاء الله روعة. بس سؤالي ايش فائدة الخل الأبيض . وكيف رح تختمر بدون خميرة

الاخت مونامور

لاحظت ان نغومة نسيت كتابة مقدار الخميرة فتم اضافته باللون الاحمر

شاكرة لك نيابة عنها ملاحظتك الدقيقة

باركك الله

يا سلام اخدت منه نصيبي
تسلم دياتك نغومه ما شاء الله عليك
معجنات اكيد طيبه حبيبتي
بارك الله فيك

يسلموا ايديك معجنات روعة