و الله مشكورة كتير على هالموضوع , و الله يسلم إيديكي
بصراحة : أنا بعرف فقط بعض الشغلات يلي إنت كاتبتيهن
و أكيد استفدت من الشغلات التانية
مثلآ : أنا بستخدم لعجينة البيتزا : عجينة العشر دقايق , و هيي فعلآ روعة
و لكنها بتتأثر بنوع الطحين المستعمل
يعني : أكيد نوعية الطحين بتأثر بالعجينة
الطحين السوري , ما تركت نوع طحين ما جربته , و ما عجبني
و لكن لقيت الطحين الكويتي جدآ ممتاز , و عجبني جدآ
طبعآ هالطحين ما في منه بسورية , و لكن بيجيني من السعودية بالجملة
و لكن الطحين يلي ذكرتيه لسه ما بعرفه بصراحة
كمان بعرف : شغلة خبز العجينة لحالها شي عشر دقايق , و بعدين
منطالعها من الفرن , و بنحطعليها الحشوة متل ما بدنا , و بنرجعها عالفرن
و بعرف , كمان تثقيب العجينة من المنتصف بالشوكة
و بالنسبة للحشوة : بحب كتر الحشوة على وجه اليتزا , بلاقيها أطيب , و لكن بنسقها بشكل جميل
( متل ما شفتي بموضوعي )
و في شغلة : الفطر المستعمل : بحب إقليه بمقلاية عالنار , مع شوية زيت مازولا , مع التقليب طبعآ , بهالحالة , بيطلع أطرى , و أطيب بعد نضوج البيتزا
و بالنسبة للصينية , بدهن قعرها بشوية زيت مازولا , و الحمد لله ما بتلزق البيتزا أبدآ
و بالنسبة لزيت الزيتون , أنا بعرف إنه ممتاز لقرمشة كل أنواع اللحوم , و حتى السمك , و هلأ اعرفت إنه بيقرمش العجين كمان
مشكوورة مرة تانية عالموضوع الرائع
أكيد استفدت منه
الله يجزيكي الخير , و يسعد قلبك
و يعطيكي العافية
الروابط المفضلة