اهلين بالحبيبات
ماشاء الله ياكيتي افتحتي الملف الرابع بالصحة عالجميع يارب
اليومين اللي فاتوا كان النت مقطوع عندي ولما خشيت ماشاء الله القيت الملف التالت امسكر وملحقتش نقراه خسارة
لولوبسم الله ماشاء الله عليك وحتى اني بنهد مع البنات لحوشكم خلاص معاش فيها
بالله ربي يبارك فيك اشرحيلي عالسريع كيف اديري في قوالب الدجاج بعجينة الباف
شكلهم مش في قوالب ولكن امشكلتيهم بايديك صح والا غلط

انسيت بنقول على فطوري لولو سلامتها دهبتلي شيرتي بالشي اللي منزلاته
اليوم درت شربة حوت وقريعة محشية وبوريك بعجينة البف طروف حشيتهم بالسلك والجبنة وطروف بالكيما
ودرت بيتسة والحلو غريبتنا الزمنية ولله الحمد

تضحكو عليا كان انقوللكم ان معش ياكلو العويلة عندي في شئ سلامتهم والله
لين متحشمة غدوة معزمة عند خالة زوجي والله لين تحشمت من كتر ماتسئل فيا شن ياكلو الصغار قلتلها مااتعبيش روحك حاجة وحدة وياسر !!

اليوم فطوري كان سلاطة زبادي وسلاطة طماطم وسلاطة عربية وبيتزا على عدد الاشخاص يعني والله الصونية تحشم ورز بالخلطة وبس

حوشنا وراء نادي الترسانة بالزبط
هي كان فالحات تعالوووو
بس طبعا كل وحدة تجيب معاها صايبتها خخخخخ

التائبة يا حلو اكيد شفتي الخبيزات نزلتهم جري
بالنسبة للدقيق نستعمل حاليا في العادي جدا
اللي هو باكو ابيض عليه سنبلة صفراء
ربي يخليلك عويلتك وتشكلي ليهم ليه ليه

ام تدليل عطيك الصحة ما شاء الله عليك
هو الجو خلاص راه معاش متاع ماكلة
اعزميني معاك غذوة خاطري في حد يطيب ليا واني مادة رجليا ههههه

ام يسمينةةةةةةة
اسكتي يا بنتي مش درت طريقة البسبوسة باليااااااغورت من غير تبديله بحليب هع هع هع
اهوني شوفيها قدامك المحشية مكسراااات
جت تحففففففففففففة
يخليك ليا يا رب
وصحة عليكم الفطور المفتخر

عطيني السلامة نسيت يسمينة سالتني على قوارب الباف
شيرتي مذهوبة رسمي
فردت العجينة وقصيتها مستطيلات
وحطيت شوية حشو النص وشديت الاطراف من الجناب
بس في طريفات تنحو ماهو مفروض لصقتهم بالدحي بس راحت من بالي
المرة الجاية ان شاء الله تجي احسن

ياسلام الحمد لله اللي عجباتك
ومتنسيش انها من ايديات لولو يعني تبي والا متبيش بتطلع قنينة
سلمها الحبوبة ام لسان عسل
ام تدليل معليشي متغششيش روحك المهم صحتهم باهية
وصيورهم يكبروا وياكلوا وربي يخليك ليهم

هههههه سلمها لولو فهمت الطريقة تمام الله يبارك فيك
والله الا ضحكتيني عطيك السلامة بنعتت حوشكم

السلام عليكم

صحه فطوركم يابنات

ماما الاء
ماشاء الله
انشاء الله صفره دايمه

وكل عام وانتم بخير

باهي يا لولو درتي بسبوسات الدنيا كلها الابسبوستي
اهئ اهئ اهئ
صحتين حبيبة وان شاء وبيك يمشي ويجي بالسلامة وربي يحفظهولك

السلام عليكم مشكوره يا عسل انتى بس نفس الطريقه الا هيا دقيق وملح ومايه بالله يا لوله لو ترديها اتوريهنا الله يحفطك هههه الحوش اعرفته من مره اوصفتيلى وين ينباع الجيلا تين على العموم مش بعيده عليك انى فى طر يق الشط ههههه تو انجيك جرى وتى روحك يا حبيبه ههههه واحده ما صد قت