السلام عليكم ورحمه الله وبركاته
ازيكم حبيبات قلبى و الله وحشتونى جدا جدا جدا
معلش طولت الغيبه عليكم كان عندى ظروف كتير ومنها وفاه والدى من 4 شهور ( ادعوله بالمغفره والرحمه هو الوالده واموات المسلمين )
وده اول موضوع بعد الغيبه
ان شاء الله يعجبكم

كنت عملت فبل كده صامون كان روعه وكنت اخدت طريقته من اخت لينا فى الله بارك الله فيها وكان فيه بيض

والمره دى هاعمله بس بدون بيض
وكمان هش وجميل جدا ورائع والعجينه دى باعمل بيها البيتزا رهيبه وكمان جميع المعجنات الحادق والحلو

نبدأ بسم الله

اولا الخبز ده رائع للسحور وكمان افطار الايام العاديه وافطار الاولاد وساندوتشات الاولاد
و كمان العجينه دى ممكن تعملى بيها انواع معجنات حادق وحلو وممكن تحشيها بايه من الجبن والمربات
و الشاورما والطعميه و البرجر وبرجر الفراخ كله روعه وكمان بيتزا روعه

المقادير

5 كوب دقيق الخاص بالمعجنات +م\ص بكنج بودر +2م\ك سكر 2م\ك زبادى (روب)
ربع كوب زيت والافضل زيت زيتون +م\ص ملح + قطعه خميره قد البندقه مدعوكه فى ربع كوب ماء دافىء
او ممكن م\ك خميره جافه
كوب حليب دافىء ( ممكن استبدال نصه بالماء )
نضع المقادير كلها ماعد الملح وكوب الحليب ونخلط دقيقتين وثم نضع الملح والحليب ونعجن جيدا والافضل ايضا العجانه اسهل واسرع مده 10 دقائق حتى تتكون عجينه طريه وملساء
ونغطيها ونتركها ساعتين تتخمر

ثم نقطعها على حسب احتياجك ليها خبز او بيتزا الحجم المناسب احنا هانقطعها كور صفيره حجم الليمون 50 جرام و كمان قطع اكبر 70 جرام للخبز الطويل شويه وكمان هانعمل منه قطعتين خبز صغير سهل للاطفال
و كمان حجم اقل لوردات نحشيها بالمربى او الشكولاته
على فكره انا هنا عامله كمان بالقيق الاسمر يعنى عامله نص الكميه الى فوق جبن كوب ونص دقيق اسمر وكوب ابيض ونص باقى كميه المقادير وبيطلع جميل جدا غير انه مفيد
نرجع تانى بعد التقطيع نغطيهم ونتركهم نص ساعه يرتاحوا

ده الخبز اللى عملناه بالدقيق الاسمر

ده بع التخمير

هنا بدانا نلف الخبز

ده بعد التخمير مده ساعه ونص

ندخله فرن حار مده من 7 ال 12 دقيقه تبقى على راس الفرن مهم خدى بالك غيرى الصوانى ممكن يتحمر من تحت قوى يعنى خليك جنب الفرن

ان شاء الله بعد ماتعملوا الخبز ده مش هاتشتروا من بره ابدا

دول بيتزيتين لموضوع قديم لى من نفس العجينه

ما شاء الله تبارك الرحمن

وصفة ولا اروع بصراحة الصور بتحكي عن نجاح الخبر حبيبتي

ربنا يبارك فيك وما يحرمنا جديدك المتميز دوما يا غالية

وبصراحة مقادير سهلة و النتيجة مذهلة

كما عودتينا سائلة .... فن وذوق ووصفات تستاهل منا التطبيق و نحن متاكدين من نجاحها 100%

ربنا يرحم والدي والدك ويغفر لهم ويجمعنا معهم في جنات النعيم و يفرحك باولادك و يتقبل طاعاتك في هذه الايام المباركة

ما شاء الله الله اكبر رااااااااااائع حبيبتى
بارك الله فى يديكى موضوع رائع
وخبز اروع جزاكى ربى كل الخير

يسلمو ايديك حبيبتي وفعلا النتيجة باين انها رائعة

ربنا يرحم والداك ويجعل مثواه الجنة