[QUOTE=هناء&خالد;10744810]

[CENTER]

واو
ما شاءاللله عليك شني هالصفرة اللي تفتح النفس اني لما شوفتها نحس في روحي شبعت ..
وخاصة التشيز كيك ياريت تنزلي طريقته

[
[CENTER]

ماما الاء انتي حاجتك لايعلى عليها ..والتشيز امتاعك يجنن ومميز

مايوعجعك خاطرك عطيني طريقته توه نجربه حتى هوا

هنو .... ما شاء الله تبارك الله يا عطيكم الصحة على الفطور السمح

لا لا لالا الباين بناخد اول طيارة و بنجيك نجري جري غادي

تعرفي تهبل

و التشيز كيك يهبل ما شاء الله

قوليلي كيف درتيهم قوار بالكوسة سلقتيهم و الا خليتيهم



لولو يا حبوبة .... يا عطيك الهنا ... اني لما بعثلك الصورة نوري فيك في مشاعري بس ... تمشي تحطيها يا عطيك الهنا

امالا ابعثي باقي الصور الثانيات باش نكملهم ليك

و قوليلي منو اللي مش معدل على ماكلتك .. يعني تعليقي على الشيش بروحه يقتل

و بالنسبة للبكلاوة راهو شبه ما فيه حد ما يحبهاش ... اني عيوووووووووووووني بكلاوة

ميلا وكل الحبايب خلاص بأذن الله نزل الطريقه بالصوربس بشرط طبقوها وتفرحوني
والي تبي طريقتها نكتبها عادي لو ماتبيش تستنا الصور والطريقه
وكيتي كلامك يهبل زيك ياريتك ديريها وتجيني يااااااااااااربت وبالنسبه لي قوارب الكوسا أيه تاخدي الكوسا تقصيها بي النص زي القارب وتسلقيها نص سلقها وبعتالي تحولي القلب وتحشي الكيما وتحطي فوقها الباشميل وتحطي في الكوشا وصحه علي قلبك

مرحبتين يابنات
اول حاجة تسلم عليكم نانا هلبة وتقوللكم كل سنة وانتم طيبين ومستاحشتكم هللللللبة
لولو علاش يوجعك خاطرك في قولت هنو راك غنية عالتعريف والابداع مش غريب عليك
وعلى سيرة البسبوسة نعطيك طريقتي ونحصل نخدمك مريرة واحني اللي تعلمنا منك هلبة
وراهي حاجة ماشاء الله وعلى مسؤليتي ديريها وعينك مغمضة
2كوب سميد
كوب ياغورت
كوب سكر
ملعقة صغيرة بيكنج بودر
ملعقتين سمن او زبدة زي ماتحبي
تخلطي مقاديرك وتصبيهم في طاجين مدهون وعن نفسي البسبوسة ندهن طاجينها بالطحينة
وتخليها ترتاح على الاقل ستة ساعات علاش منعرفش"اني عادة انديرها في الليل وفي الصبح انحطها في الكوشة"
وبعد ماتتاح قصيها عالخفيف وزينيها باللوز وحطيها في الكوشة وامتى اتطيب ديريلها العسل
وكولي بالهني

ام السنفور الدبلة حتى عندي لازم تكون محمرة شوييية هكي الجماعة ايحبوها
ام سومة كيف تلفي في الدبلة وتقلي فيها بالله اوصفيلي طريقتك
عشاي امس يابنات شربة حوت وبوريك بالكيما وبيتسة وطاجين حوت انودكم بيه
والحمد لله الذي اطعمنا وسقانا من غير حول منا ولا ولا قوة


اليوم ان شاء الله بنجرب قووارب حنونة والقزلامة سفهتوني فيها قلت انجربها

عطيكم الهني يا بنات
والله حشمتوني على الاخر
اني متحشمة منكم لاني مقصرة ونحش روحي اخي عليا لين خلاص هذا علاش قلت هكي سامحوني بالله

كان تشوفو شكلي توة كلني ورق ورق ونكتب في البسبوسة في وراقي اللي يكتبو فيهم الطلبة ارقام الصفحات لما يطلبو التصوير هههههه



ان شا ءالله حندير طريقة ام يسمينة وطريقة نوسة في البسبوسة واني متشجعة على يسمينة لان مافيهاش جوز هند وبابا يحبها من غير جوز هني
ايه حقا خطرها مش اني ندير في البسبوسة بالدقيق
يعني طاستين سميد وطاسة دقيق زعمة هذا علاش تجي مش مزبوطة ؟؟؟؟؟
بنشكر كيتي لانها علمتني نقص حجم الصورة بالرسام
اموووووووواه

مبروووووووووووك الجزء الثانى كيتى الغاليه اللى لامتنا على الخير ربى يلمنا عند النبى ان شاء الله
الاء الغاليه تعرفى ان حياتى مع صغارى هى برو حها بداع انى لما نطبق حاجاتكم تتغير هويتها فىبيتى ايديهم معاى وماتكملش لى حاجه ابد
هناء سفرة منورة بالابداع اللى فيها مشاء الله عليك حبيبه انى نستنى فى شرح التشيز كيك والكوسا بالبشاميل وعامر ان شاء الله سفرتك ديما يارب

الله يبارك فيك يا هنو

ام ياسمين منورة بوصفة البسبوسة

النرجس الغالي نورتينا في الجزء الجديد

لولو .... ياعطيك الهنا و خلاص

موتيني بالضحك

خدمة و اكلات .... قداش الدماغ بيشد

راهو انراجو في الصواريخ اللي ريتهم

كيتى وماما الاء تونى تذكرة لما شفت البوريك فى سفرة هنا ءيا بنات مش زابطه معاى ابدا
البيض يطلع من ورقة البوريك كيف نجحت معاك يا كيتى انها تكون فى الوسط وما تطلع
ساعدونى من شويه عندى طرفين درتهم لولدى كمان طلعو من الورقه وخاطرى ينجح معاى