السلام عليكم ورحمة الله وبركاته ..

اليوم جايبتلكم شاورما عربي ممممممممم بتاكلوا اصابعكم وراها
طبعا انا مجربتها عدة مرات وكل مرة اطيب من اللي قبلها يا سلاااام
والسبب اني هون بفرنسا للأسف ما في مطاعم كتير متل بلادنا يعني
وييين نلاقي الشاورما العربي ولا الفلافل الطيبة ولا غيرو .. وهالشي خلانا
نتعلم نعمل كلشي بالبيت ..

اليكم الطريقة ..

المقادير :

* صدر دجاج الكمية على حسب عدد الاشخاص
- التتبيلة:
* زيت ذرة
* ثوم بودرة
* ملح وبهار
* فليفلة حمرة يابسة ناعمة
* خل

جنب الشاورما :

* بطاطا مقلية
* مخلل
* كريم ثوم

مقادير صلصة كريم الثوم :

* 7 سن ثوم
* 100 غرام زيت ذرة
* ملعقة صغيرة ملح الليمون (أو ملعقة كبيرة عصير ليمون)
* ملعقة صغيرة ملح عادي
* بياض بيضتين

ملاحظة: اذا شفتي انو قوام الكريم سائل زيدي الزيت حتى يصير قوامه كريمي متل اللي بالمطاعم يعني الزيت هو اللي بيعطي القوام المتماسك.

الطريقة :

يقطع الدجاج الى قطع صغيرة ويتبل بالتتبيلة ويخلط جيدا
ولا تنسي تذوقيه حتى تتأكدي من الملح والخل طبعا هدول التنين بيكونوا على حسب الذوق
وبالنسبة للزيت تأكدي انو تكون الكمية كافية يعني غرقي الدجاج بالزيت حتى ما يلزق بالصينية

بتحمي الفرن على أعلى درجة وبتحطي الدجاج فيها حتى يستوي ...

بعدين بتجيبي خبز التورتيلا (او خبز عادي بيصير كمان)

وبتاخدي كل خبزة :
اول شي بتدهنيها كريم توم

وبتحطي فوقها مخلل مقطع وشوي بطاطا مقلية وفوقها طبقة دجاج شاورما .. واخر شي بتحطي شوي كريم توم فوق الشاورما

بتلفيها ..
بتحطيها بالكباسة (طبعا اذا ما عندك كباسة ممكن تسخنيها على الغاز)

ولما تطالعيها من الكباسة بتقطعيها قطع قطع وبتقدميها مع البطاطا المقلية والمخلل وميييييييت صحة وهنا على قلوبكم وأي سؤال انا جاهزة ..

وعليكم السلام روحمة الله وبركاته ..

رووووعة ماشاء الله

الله يسلم هالدياااات ..

ماشاء الله

تسلم ايديك

يا هلا بسمر واطيب شاورما من دياتك الحلوين
تسلم هالديات يا رب
ما شاء الله من شكلها اكيد بتشهي
بارك الله فيكي اختي

اختي لكن لماذا لم تكتبي اسمك على الصور
هذا ضروري كي ياخد موضوعك حقه من التقييم
وايضا لحفظ حقوقك
ارسلي لي الصور بعد كتابه اسمك عليها
ون شاء الله اعدل لك موضوعك
هذا الرابط سيساعدك
استفسار عن طريقه كتابه الاسم على الصور

تسلموا على الردود المشجعة
وتسلمي اختي زهرة المدائن على تحرير الصور والشعار الف شكر

تسلم الايادي يا عسل

شاورما رائعة

صحة وهنا على قلبكم وحياك الله معنا ومنتظرين جديدك

تسلم ايدك
شغل بيت ما في الذ واطيب منه اكيد
مأكول الهنا عليكم يارب

تسلم ايدك شهيتني ياها يممممممممممممممممممممممممممممممممممممممم