السلام عليكم ورحمة الله وبركاتة


كانت عندى وحدة فليبس عمرها تقريبا 32سنة بس صارت عجوز وتركتها عند ماما لاانها تشتغل عليها وتزوجت بعيد عن اهلى بحوالى 800 كيلو ولازم يكون عندى وحدة خاصة وعجبتنى هذة الماكينة من كثر ماتمدح فيها منال العالم
الله ايسلمكن نبى ماكينة عجن تكون بالموصفات المطلبوبة او نفسها المهم الة الرشتة تكون لاصقة فيه زى ماانا لاصقة فى زوجى ههههههههههههه بجديات اقرب محل بيع لهذة الالة ويين فى ليبيا تكفون ردو عليا

حبيبتي اولا مساء الخير ادا تبيها نفس الماركة بري في طرابلس الوكيل امتع كينوود محل الدلتا في غوت الشعال بعد الصالات او خودي ملركة كتشن ايد في محل مقابل تيفال امتع بن عاشور والسعر الاولة ب800دينار ليبي بدون ملحقات التانية 650 بدون ملحقات
الحق انا اللي خديتها ماركة سيفيرين والله كويسة وكبيرة وخديتها من محل تيفال وماركتها سيفيرين ب300 وكويسة وعلي ضمانة مولي المحل واي استفسار انا جاهزة

اختى السمحة شوفيها فى محلات تجهيز المطاعم ولا سوق التلاتاء

اختي انا من حوالي الشهرين شفت الكتشن ايد في محل بزناتة سعرها حوالي 500 دينار او اكثر بشوية

لكن مشكلتها انها بدون الة الرشدة يعني ناقصة

شوفي سوق المهاري ممكن تلقيها فيه

من فترة كانت عندهم الة كينوود كاملة مش عارفة اذا مازال موجودة او لا

كتبت بواسطة ام تدليل

حبيبتي اولا مساء الخير ادا تبيها نفس الماركة بري في طرابلس الوكيل امتع كينوود محل الدلتا في غوت الشعال بعد الصالات او خودي ملركة كتشن ايد في محل مقابل تيفال امتع بن عاشور والسعر الاولة ب800دينار ليبي بدون ملحقات التانية 650 بدون ملحقات
الحق انا اللي خديتها ماركة سيفيرين والله كويسة وكبيرة وخديتها من محل تيفال وماركتها سيفيرين ب300 وكويسة وعلي ضمانة مولي المحل واي استفسار انا جاهزة

الله يسعد مساك حبيبتى
ومشكورة حبيبتى ماقصرتى
لما نزلت درنة شفت ماركت عالمية ولكن تعجن فقط انا ابيها كاملة مومهم السعر اريد ان ارتاح من كل مرة اشترى الة ولااننى احب المعجنات وخاصة البوريك ومصممة ان ابحث عنها وفى البيضاء شفت الوكيل وقال لى سوف تكون عندك وهذا الكلام من مدة سنة ومازال ماوفرة لى
المهم مشكورة حبيبتى جدا على المساعدة
تحياتى