ياليبيات ...وينكم ...ممكن تدخلوا وتساعدونى ولا تبخلوا علية ...؟؟؟!!!

**عيون احمديتو** · 11-04-2010, 12:45 AM

مساء الخير للجميع ...
حابة تساعدونى ياليبيات ...فى كل مرة نسئل على قالب او اله مانلقاااها فى السوق الليبي ...

زى قوالب الكبة ...

المشبك

وخلية النحل ...

والله لو وحدة من الليبيات تقدر توفرلنا هذه الاشياء ونحن نشريها منها ....
ويجزيها الله الف خير ...يااريت اللى تقدر ...تبلغناااا ....فى حاجات يقولوا من مصر وفى حاجات من دبى ...لو فى وحدة تسافر ...تجيب معاها وانا وحدة نشرى منها ...
مع فائق احترامى للجميع .........

**مصراتيه اصليه** · 11-04-2010, 02:55 AM

حبيبتي لو انتي في طرابلس ممكن تشوفي سوق الثلاثاء الحديث

ممكن تلقيها غادي ولو ما لقيتيهاش وصيهم عليها مرات ايجيبوهالك

**hendaaa** · 11-04-2010, 02:59 AM

صح لسانك مصراتية اكيد فى سوق التلاتاء او المهارى
واتمنى من الاخوات يفيدوك
بصراحة انى مش فى ليبيا بس المعروف عن هده الاسواق الى ميسميه فمك موجود فيه
وتانيا اول مرة نعرف بهده الفورمات
وشكرا للمعلومات

**تعزيز** · 11-04-2010, 11:03 AM

بالنسبة للمشبك موجود في اغلب المحلات الحاص بالمنزيلية غير بري جيهة باب الحرية
فيه محل يفتح مقابل سوق الحوت على الجنب عنده شكال والوان وصية اجيبك اجيبك لتبية

بصراحة الات المشمبك من زمان فيه شريتها بدينار ونص

المشبك

بالنسبة للمتاع الكبة اول مرة اشوفها

انشا ء الله اكون افتدك تحياتي

خلية النحل عند ابو زودة في قرقارش ..........

وخلية النحل ...

**ليبية طيوبة** · 11-04-2010, 11:26 AM

حتى انا بالنسبة لى بتاع الكبة اول مرة انشوفها وبالنسبة للمشبك عندنا من زمان
وبتاع خلية النحل هونا اختنا تعزيز قتلك شوفى ابوزودة ولا شوفى محلات عبدلله اللى ايجيك قبل زرقاء اليمامة بحدا الشيل

**حبيبة زوجها2009** · 11-04-2010, 12:54 PM

اختى انشاء الله البنات افدوك لاانى شخصيا مااستعمل اى قوالب ماشاء الله كله بايدىيا اندير فيه رغم انهه عندى طلبيات لاافراح ومناسبات ولكن لله الحمد مانستعملش فى قوال خاصتا للكبة

**عيون احمديتو** · 12-04-2010, 12:44 AM

صحيتوووووووووووو يابنات بلادى ...كفيتوووووووووو ووفيتووووووووو...
والله مش عارفة شن انقول الا ....ربى يخليكم لية ويخليكم لماليكم ...
توة نمشى وين ماقلتولى ..بس هل ممكن نلقاااها فى بنغازى ..لو وحدة من بنغازى خليها اتفيدنا وين؟؟؟؟؟؟.
وبعدين قالب الخلية بكم سعره تقريبا؟؟؟؟!!!!.
بس امتاع الكبة ...لو وحدة لقتها اتقولى ...وانا لو القيتها حانقوللكم عليهااااا...
تحياتى لكم

**روبين5** · 12-04-2010, 08:29 AM

اختي انا من بنغازي تلقي المشبك و امتاع خلية النحل في

سوق المصرية في محلات المواد المنزلية اما امتاع الكبة

حتى انا اول مرة انشوفها

بس ننصحك انك اديريها بيدك احسن هي و خلية النحل

لان انا اندير فيها بيدي و تظبت معايا

**عيون احمديتو** · 31-05-2010, 08:43 AM

كتبت بواسطة روبين5

اختي انا من بنغازي تلقي المشبك و امتاع خلية النحل في

سوق المصرية في محلات المواد المنزلية اما امتاع الكبة

حتى انا اول مرة انشوفها

بس ننصحك انك اديريها بيدك احسن هي و خلية النحل

لان انا اندير فيها بيدي و تظبت معايا

اختى روبين مالقيت فى سوق المصريين ...دورت كل السوق مايعرفوهن كل واحد ايقول ماعندى او مانعرفهن .؟؟؟؟؟؟ممكن تعطينى محل معين لو بالامكان ....!!

**روبين5** · 31-05-2010, 11:22 AM

كتبت بواسطة عيون احمديتو

اختى روبين مالقيت فى سوق المصريين ...دورت كل السوق مايعرفوهن كل واحد ايقول ماعندى او مانعرفهن .؟؟؟؟؟؟ممكن تعطينى محل معين لو بالامكان ....!!

اهلين بعيون احمديتو

غريبة انك مالقيتيش فيه لان اختي شرت خلية النحل من فترة من السوق

المصرية بس ما نعرفش اسم المحل وانا شايفة المشبك غادي و انا تو

موجودة في امريكا و ياريت نقدر نساعدك بس نصيحتي لك انك اديريها

بيدك احسن و ان شاء الله حتظبط معاك

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: ياليبيات ...وينكم ...ممكن تدخلوا وتساعدونى ولا تبخلوا علية ...؟؟؟!!!

أدوات الموضوع

العرض