السلام عليكم ورحمة الله وبركاته
ازيكم يا قمرات
تطبيقي لتطبيق الغاليه سنووايت
للغاليه لبلبه
جربت العجينه بفكره جديده من وحي اعلان بتزا هت
لما بتجيب الفطاير دي وتنزل بالكاتشاب
عملت حشوة البطاطس للمبدعه حورية المطبخ
والحشوه كالاتي
بطاطس تقطع شيبسي بماكينة الشيبس رقيق جدا
وفي طاسه وزيت شويه كتير وتنكه الزيت بشطه وفلفل وزعتر وانا حطيت ريحان جاف كمان بدل اوريجانو وتقليبتين وبعدين البطاطس وقلبي لغاية ما تستوي وريحتها بقه تجنن
ولاني اول مره جربتها ببتزا زي حوريه ومعاها جبنه رومي وكانت تحفه قلت ازيد طعم من الموجود
شوحت نص بصله وفص توم لغاية دهبي واضفتهم للبطاطس ويقلبوا والملح ويظبط التوابل حسب الرغبه
وتقول حوريه الاصل بالوصفه الحشوه حاره مشطشطه
بس اكيد حسب الاسره
فردت دوائر العجين وفردت الحشو وتغلق وتضفر الحواف وفرن سااخن
وبموس مخصص للمخبوزات عملت خطوط عالوجه وتسوى
بس للاسف الانبوبه دلعتني تمام وفضت مع السوا بس الحمد لله ظبطت
وانا للتقديم قطعت واحده مثلثات وقدمتها مع طحينه وكاتشاب وخيار اصابع
وكان عشا جديد ولذيذ
(ويا بوس بتاعتي مستنيه بالفريزر ما اتلمستش لسه هههههههه)
حابه اقول حاجه ومش مجامله وصفات سنووايت روعه وانا قلت لام ليانه الملف عشان تتصفحيه بس وترررررررركزي بالوصفات اللذيذه تاخدي وقت
بجد ما شاء الله تسلم ايديها
والمشرفات الغوالي على اللفته الحلوه
ويارب تكون عجبتكم ولو في اي استفسار تحت امركم
فطاير البطاطس (مشاركتي في رحلة الوفاء والتقدير)
رد مع الاستدلال
كتبت بواسطة zahrat almadain
مشكورة
الروابط المفضلة