السلام عليكم ورحمة الله وبركاته
كيفكم ياصبايا
اليوم حبيت انزل لكم هالاكلة السريعه تصلح على العشا او مع الشاي
وتقدرين تستغنين عن بعض المقادير وتحطين المتوفر عندك


المقادير :
جبز صامولي او خبز فرنسي
جبن سايل
مايونيز
جزر مبشور
فلفل ملون مقطع صغار
بقدونس
فص ثوم مدقوق ناااعم او مقطع صغاااار
وممكن تستغنين عن الجزر والفلفل الملون وتكتفين بالبقدونس والثوم اذا انتي عجااازة مرره هع
اخلطي كل المكونات مع بعض زي ما انتم شايفين

نرص الخبز الصامولي بعد مافتحناه نصين بالصينيه
وممكن تصغرين القطعه على كيفك
وممكن تستخدمين الخبز التوست وتقصينه باشكال نجوم وداوئر <<< بدت الخرابيط حقتها

الحين ندهن القطع بالخلطه اللي سويناها

ندخلها الفرن الان ونولعه من فوق بسس ليين تتحمر وخلاص تصير جاهزة

تقدمينها مثل ماقلنا مع الشاهي انا احبها مع عصير برتقال فرييش


وعلى فكرة بنات انا ماكتبت مقدار الجبن والمايونيز لانه على حسب عدد قطع الخبز اللي بتحطينها
عموما قدري المقدار على حسب ماتشوفين ان الكمية مناسبه لكل ملعقتين جبن ملعقه مايونيز



وبالهناء والعااافيه

عشاء جميل
تسلم ايديك يا رب

تسلم ايديك
مشكورة

واااااااااو روعه وسهله تسلم الايادي
وحلوه فكرة الخرابيط هع

فكره حبيبتي روعه
تسلمي يارب