والله يا جماعه ما انا عارفه اروح فين ولا اجى منين ولا ابدأ بأيه
فى جعبتى انهارده شوية هرتله
أشى فراشات على بابيونات على حلزونات على مراوح على بيتزا شبابيك على توست عجيب
المهم تخليكوا معايا ومتزهقوش

نبدأ ببيتزا الشبابيك

الاول انتوا فاكرين البيتزا الاولى بتاعتى
**موضوع متميز**بيتزا كفتة التاكو من برنسس لك1 مشاركه ""/ بمعجنات غير تقليديه /""
لما قولتلكوا انا والعجينه والزمن بيننا يا انا يا هى
عملت العجينه تانى وصلحت اخطائى
وعملت فيها تكه تانيه ونجحت معايا
سألتونى ايه هى التكه
بعد العجينه ما اتخمرت فردتها واخدت قطعه زبده ومسكتها بايدى وفضلت امشى بيها على العجينه زى المحايه على الكراسه
معلشى يا جماعه اصل ولادى مأثرين عليا
وقمت تنياها زى عجينه الباف بالظبط وقبل ما اتنى ناحيه على التانيه ادهنها زبده وفردتها وعملت بها الشكل بتاعى وانتو حتشوفوا التوريقه بنفسكوا

والحشو كانت فلفل اخضر وجبنه اى نوع وبسطرمه وزيتون اسود

محدش يقوم السوبر ماركت لسه مقفلش

وبما ان كان فى بيتزا شبابيك
لازم يكون فى مراوح

الخبز المروحه




العجينه جديده

المكونات

4 كوب دقيق
1/4 كوب سكر
1 باكت خميره
1/2 م ص ملح
1 م ص بكنج بودر
1 كوب سور كريم
1/2 كوب مايه
3 م ك زبده
1 بيضه

الطريقه
فى حله صغيره اسخن الكريمه والزبده والمايه وبعد اول الغليان اصب الخليط فوق 2 كوب دقيق ومعاه كل البودرات
واعجنهم كويس
وبعد كده اضيف البيضه ومعاها 1/2 كوب دقيق
واعجنها كويس وفى الاخر اضيف باقى الدقيق وانزل فيها عجن
واسيبها ترتاح وتخمر
وبعد ما تتضاعف حجمها
افردها واقطعها شرايط مقاس واحد وتكون مقاس فتحة الكب كيك واضع الشرايط 5 منهم فوق بعض بينهم زبده
واقطعهم بمقاس اطول من الكب كيك ب1/3
يعنى 2/3 العجينه جوه وال1/3 بره واضعهم فى فتحات الكب كيك بعد ما ادهنها زبده واسيبهم يخمروا تانى وادهنهم بخليط البيض واللبن وادخلهم يستوا
الكميه ده تعمل فى حدود 14 قطعه
























وبعد كده حننتقل للببيونه الانيقه المحشيه

المكونات

2 ونص كوب دقيق
1 باكت خميره
1 وربع كوب ماء ساخن
م ك عسل
م ك ونص زيت
1/4 م ص ملح

الطريقه
ادوب العسل فى المايه الساخنه
واضع مكوناتى الجافه كلها فى طبق واعمل حفره واضع السوايل فى المنتصف واعجنهم كويس
واسيها تخمر
وافردها واقطع منها شريط عريض وبعد كده اضع عليها جبنه شيدر وبسطرمه
واجى من الطرفين اللى على اليمين والشمال الفهم لفه واحده
يعنى لفه من هنا ولفه من هنا
وارجع الفها رول عادى خالص
واقوم ماسكه الرول ده خنقاه من النص والفه بالشريطه اللى قطعتها فى الاول
واسيب البابيونه تخمر
وبعد ما تخمر ادهنها الخليط بتاعى وازوقها على راحتى بالسمسم والزعتر او الدقه البابريكا والحبه السوده











خلاص يا جماعه وعد منى معدشى غير شكل واحد
لانى بجد بجد فرفرت

واخيرا التوست العجيب
هو عجيب شكل وطعم

المكونات

3 ونص كوب دقيق
1 م ك سكر
1 باكت خميره
1 م ص ملح
1/2 باكت بكنج بودر
ا كوب ماء ساخن
3 م ك زبده
2 بيضه

الطريقه

اسخن السوايل
واضع 2 ونص كوب دقيق وعليه باقى البودره وعليه السوايل الساخنه
واعجنه كويس
وارجع واضيف البيضتين و1/2 كوب دقيق واعجن تانى
وارجع واضيف باقى الدقيق وانزل فيهم عجن
واسيب العجينه تخمر
وبعد ما تخمر
افردها واضع الجشو على طرفها فقط
يعنى بمعدل 1/8 حجم العجينه


والحشو عباره عن

جبنه شيدر ورومى
فلفل اخضر
زيتون اسود
بسطرمه
بيضه
اضربهم كلهم فى الكبه بسيط

نرجع تانى
اضع الحشو على الطرف اللى هناك لكن بعيد عن الطرف بسم
وارجع الف من الطرف اللى ناحيتى رول لغايت نصها فقط
وامسك الرول ده اضعه فوق الحشو
كده اصبح عندى مستطيل اخره رول من هناك
ارجع والف الناحيه اللى عندى رول تانى قصاد الرول اللى هناك
وكده بقا عندى 2 رول قدام بعض تحتهم الحشو
امسك الاسطوانه واقلبها فى قالب التوست واقفل عليها كويس
وبكده اصبح ال2 رول لتحت وفوقهم الحشو وفوقهم طبقى عجينه واحده
امسك المقص واقص الطبقه ده شرايح
وامسك الشراسح ده واقرص عليها علشان الحشو يبان واسيبها تخمر وقبل ما اخبزها ادهنها بخليط البيض واللبن وممكن ارش عليها سمسم































وخلاص يا جماعه شطبنا
اتمنى ان اى شكل من الاشكال ده تكون جديده وتعجبكم

ماشاء الله محلك جميل

وتسلم الايادى

اشكال حلوى

يسلمو ايديك معجنات غاية في الرووووووووووووووووووووعة

ماشاء الله تبارك الرحمن

قل اعوذ برب الفلق

تسلم ايدك يا غاليه بصراحه عيوني لزقوا بالشاشه يا غاليه

ابدعت ي ابدعتي ايه ده يا ست عظمه على عظمه

وكنتي تقولي ماعرفش الت واعجن ومش عارفه ايه

اديكي ولا اكبر محل معجنات فيكي يا مصر

تسلم ايدك الجميله ويحرمها ربي عن النار

ايه الجمال ده
ماشاء الله لاقوة الا بالله
تسلم ايديك

يسلمو ايديك ابدعتي فعلا

وخلاص يا جماعه شطبنا

هييييييييييييي
حنروح .....حنروح




تدفعي كام علشان اقول لك

يا جماعه اى شكل من الاشكال ده تكون جديده

وعودتي


احسبي حسابي


انا جيت .................. خلولي شوي


ما شاء الله والله اكبر


تسلم الايادي و العقول المستنيرة المبدعة