اخواتى الاعزاء فى سيدات كتير عاوزه تعرف طريقه الفايش وانا عارفها اما عن جدهالمكونات حمص لبن سمن دقيق كركمالطريقه يوخذ حوالى 150 جرام حمص مطحون ( حمص بتاع المقله اللى بيتباع مع اللب ) ويوضع فى علبه محكمه الغلق ويفضل علبه صفيح ويوضع عليه نصف كيلو لبن مغلى وتقفل جيدا وتترك فى مكان دافى لمده يوم فى الصيف وفى الشتاء يومين ( وهذه هى الخميره )تانى يوم تفتح العليه ويعجن محتويات العليه بالدقيق حتى تصبح عجينه لينه وتترك فى مكان دافى وتغطى حتى تخمر يوضع حوالى اتنين كيلو دقيق فى طبق كبير للعجن ويوضع حوالى كيلو لبن عليه نصف كيلو سمن ويسخن علىالنار ويكون دافى ويضاف اليه الكركم ( الكميه حسب الرغبه (يعجن الدقيق باللبن ثم يضاف اليه عجينه الخميره ويعجن كله مع يعضه الى ان تصبح عجينه متماسكه وتغطى وتترك فى مكان بارد حتى تخمر وتتزايد حجمها تتتتتتتتتتتتتتتتتتتتتتتتتااااااااااااااااااااااااا اااابببببببببببببببببببببببببعععععععععععععععععع

ياااااااااااااااااااه فينك من زمان يا sonbola ايوة كدة اخيرا حالك فايش علي اصولة
بيني وبينك انا جربت مرة طريقة الحمص دي بس المشكلة دايما انة بيطلع زي الحجر ناشف جدا لدرجة انة مرة جرح فم زوجي وهو بياكلة ومن يوميها وانا مصصممة اعرف طريقتة صح واديك جيت يا جميل يا حلو انت علشان تعلمني
انتي كتبتعي في اخر الموضوع تابع
اذا انا مستنية علي نار تكملي الموضوع
شوفي هنا مفيش سمن لاسف بس عندي زبدة طبعا كلها مية بس اههة بقي الي موجود ها تنفع ولا لاء
مستنياكي علي نار يا sonbola متتاخريش عليا الله يخليكي

حبيبه قلبى نانو لا شكر على واجب اسفه على التاخير انا بقالى نصف ساعه بكتب وفى الاخر كله اتمسحمش قادره اكتي تانى علشان الكى بورد عندى انجليزىهكمل بكرهباى

السلام عليكم
الله يعطيك العافية اختي لكن بما ان الكيبورد لديك عربي فهناك برنامج تحت اسمي في ركن الكمبيوتر لإضافة العربية الى جهازك مع بقائة على اللغة الاصلية كنت متغلبة مثلك لكن الان مرتاحة جدا ودائما ادعي بالخير لمن دلني عليه ...

منورة يا زينب ودايما عند حسن ظن الجميع

حبيبتي سنبلة صح كدة الاسم شكرا علي تعبك معايا واسفة لاني مغلباكي معايا
علي فكرة انا كانت عندي نفس المشكلة مع الكيبورد بس كنت حافظة مكان الحروف العربي وكنت بكتب كدة عمياني بس كان في بعض الاحيان حروف بتطلع غلط
بس واحد صديق ليزوجي الله يبارك لة بعت لينا كي بورد عربي هدية طبعا ريحتني كتير
لو عملت الفايش وطلع حلو حبعتهالك انا هديا اية رايك هاهاها
تسلميلي يا عسولة

حبيبتى نانوشكرا حبيبتى على الكى بورد اعتبريه وصل وانا دلوقتى بكتب عميانىنننننننكملبعد ان تخمر العجينه تقطع اللى قطع على شكل فطير وتكون كبيره يعنى الكيلو دقيق يعمل 3 فطائر ويراعى عند التقطيع عدم الضغط جامد على العجينه يعنى بخفه ويرص فى الصاج ويترك مره اخرى لتخمر ( وهذه الخطوه مهمه جدا علشان الفايش يطلع حلو ومش ناشف) يترك فى مكان دافى وبعد ذلك يخبز فى فرن حار حتى يحمر وجهه والتاكد من السواء من الداخل ويترك لليوم التالى ويقطع على شكل شرائح ويدخل الفرن مره اخرى للتحميص من الوجهين ويالهناء والشفاء

اختى نانو انا قلت ابعد الكماله الاول وبعدين ارد علر استفسارك خوفت ليتمسحبالنسبه للزبده تنفع طبعا انا بعمله بزبده وعلشان الفايش ما يطلعش ناشف لازم يخمر كويس ولو كنتى مش متاكده من الخميره اللى انتى عملها ممكن تحطى خميره عاديه فى حجم قطعه الجمل هتساعد على الخمر ومش هتغير الطعم وكمان وانتى بتحطى السمن واللبن لازم يكون دافى مش سخن ارجو انى اكون وضحه واى سوال انا تحت امرك سسسسسسسسسسلام

شكرا شكرا شكرا شكرا يا سنبلة عايزة افضل اقولك شكرا لغاية عشر سنين قدام
عارفة يا عسولة اني تعبتك معايا لاني زيك مجربة الكتابة علي الكي بورد عمياني بس بجد انا مقدرة جدا المجهود الي عملتية ربنا يحققلك امانيكي ودايما يسعد ايامك


بس انا عندي سؤال حتعبك معايا انا اسفة انا مفهمتش يعني اية
(بعد ان تخمر العجينه تقطع اللى قطع على شكل فطير ) تقصدي يعني اقطع من العجين مثلا كور وابططها زي العيش لما ينخبز او ابططها زي الفطيرة ولا قصدك اني اقطعها كور واسبها علي حالها لاني بعتقد لو بطتتها زي الفطير حتطلع بعد الخبز طبقتتين زي العيش فهمتيني

السؤال التاني فترة التخمير الاول و التانية تقريبا اد اية يعني الاولي ممكن تكون ساعتين والتانية نصف ساعة زي ما بعمل مع العيش ولا انتي اية رايك

لو ممكن بس توضحيلي النقط دي اكون شاكرة جدا ومرة تانية انا مقدرة مجهودك معايا وبشكرك كتير يا عسولة ولو محتاجة مني اي سؤال انا بردة حاضرة مع اني لسة جديدة علي عالم المطبخ بس بحب جدا الحلويات والمعجنات يعني علي قدي
سلام يا عسل

اختى الغاليه نانو لا تعب ولا حاجه انا تحت امرك فى اى وقت بالنسبه للسوال الاول نعم يتم تقطيع العجينه زى ما بتقطعى عجينه العيش على شكل كور بس خودى باللك الكوره تكون كبيره زى ما قلت لو هتعملى كيلو دقيق يقسم على ثلاث كور ويوضع على الصاج ولا مش بيتبطط زى العيش يعد ما بتحطيه فى الصاج بدوسى عليه قليلا باطراف الاصابع يعنى لو ارتفاع العجينه مثلا 7 سم تدوسى عليها قليلا حتى يصبح ارتفاعها 5 سمالسوال الثانى وقت خمر العجينه ده يتوقف على المكان الذى توضع فيه العجينه وانتر هتعرفر لما تلاقيهاخمره لكن فتره الخمر الثانيه بتكون اقل من الاول اى سوال تانى انا جاهزه ويا رب تكونى قدرتى تتخيلى الشكل سسسسسسسسسسسسسسسسسسلام حبيبتى وبالتوفيق

حبوبتي سنبلة تسلم ايدك ويسلم ردك
دة انا مش متخيلة شكلة وبس دة انا حفظاه حفظ وهو في حد ميحبش طعم الفايش دنا بحلم بية وانا نايمة ونفسي اكلة مع كباية شاي بلبن في الفطار لا مش في الفطار بس وفي الغدا والعشا كمان
تسلمي يا عسولة وربنا يحققلك كل ما تتمنية يا رب