مشاركتى معكم فى مسابقه معجنات غير تقليدية
برغم بساطة مشاركتى الا انها غير تقليدية فى اسرة زوجى وللمشاركة قصه غريبه تاتى من اسمها
فطير الاحلام له قصه معنا وهى ان حماتى الله يعطيها الصحه يارب
منذ اكثر من 10 سنين حلمت بان شخصيه معروفه اعطتها فطيرة تاكلها واكلتها وسالتها عن مقاديرها لانها كانت لذيذه وطلبت منها المقادير ولما صحيت حماتى من النوم قامت ونفذت الحلم وطلع فطير الاحلام من عالم الاحلام الى عالم الواقع ونظل نفتكرة دائما ونفتكر حكايته
وان شاء الله يعجبكم زى مااحنا بنحبة جدا لانه فطير غنى بمكوناته ولذيذ جدا حتى بدون اى حشو
1كوب لبن (رايب)ان لم يتوفر يبقا كوب زبادى
للوجه بيضه +ملعقه صغيرة سكر +ملعقتين اكل حليب +فانيليا + سمسم
اولا ادوب الذبده مجرد اذابه فقط
اضرب 3 بيضات مع الفانيليا
لو السكر مش ناعم ادوبة فى نصف كوب حليب دافىء
اضيف للدقيق الخميرة +مُحسن الخبز +زرة ملح +بقية المكونات ذبده وبيض وسكر واللبن الرائب او الزبادى وابتدى اضيف الحليب شوية شوية لحدماالعجينه تتماسك وتبقى لا قاسيه ولا لينه
ونفضل نعجن فيها لحد ماتبقا ملساء
هى بتاخد عجن كتير ودة بيخلى نتيجتها هايله
وبعدين نتركها تخمر وبعد ماتخمر نشكلها كرات فى حجم برتقاله صغيرة وبعدين نتركها تختمر تانى وبعدين نشكلها زى مااحنا عاوزين احنا دايما متعودين على الشكل ده اننا نبططها دائرة ونقسمها بالسكين اتنين وكدة بتبقى ميني ساندوتش
وبعدين ندهن الصوانى زيت خفيف ونرصه فى الصوانى ونتركها تخمر
وبعدين ندهن وجهها بالبيضة والسكر والحليب ونرشها بالسمسم وندخلها فرن حامى على درجه عاليه من فوق وتحت ونحطها فى الرف الاوسط
ومش بتاخد اكتر من خمس دقائق فى الفرن او اكتر بشوية يعنى افضل متابعاها ودة بيخليها هشه وعاليه وطرية
احناطبعا بنحبها كده مع الشاي وبنعملها زى الساندوتش بنحط فيها لبنة ونعناع او جبن مالح وممكن مايونيز وخس وتونة او تتحشي اي حشو عندك بصراحه تستحق التجربة
انا هنا حشيته لبنه ونعناع
هنا بقا مع احلى كوب شاي بالنعناع
**موضوع متميز**فطير الاحلام وقصته مشاركتي الأولى لمسابقة معجنات غير تقليديه ؟؟؟؟؟؟
رد مع الاستدلال
الروابط المفضلة