اخواتى فى الله ازيكم اخباركم ايه ان شاء الله تكونوا بصحه وسعاده انااول مره اشارك باكله فى هذا القسم وارجوا ان تنال اعجابكم اليوم هعمل لكم اكله لذيذه وكنت عاوزه انزل الصور معرفتش للاسف
المقادير/ نصف كيلو جلاش +1 بصله مقطعه عيدان+1جزره مبشوره +حبة فلفل اخضر مقطعه عيدان+نصف كوب زيتون اسود مقطع شرائح+نصف كوب زيتون اخضر مقطع شرائح+2معلقة زبده+3معالق دقيق+2كوب لبن+كوب مرقة +ثلاث اربع كوب زيت ذره
الطريقه/
تسخنى معلقة زيت على النار وتحطى البصله وتقلبيها لمدة دقيقه وبعدين الفلفل والجزره المبشوره وتقلبيهم لمده دقيقه وبعدين تشيليهم من على النار وتجيبى طاسه تحطى فيها الزبده وبعديت تحطى الدقيق وتقلبيه فى الزبده لمده دقيقتين وبعدين تحطى اللبن وتقلبيه كويس وتسيبيه شويه يغلى لمدة 4 دقائق وبعدين تشيليه من على النار وتجيبى الخضار وتحطيه على البشاميل وتحطى الزيتون الاخضر والزيتون الاسود وملح وفلفل وبعدين تجيبى الجلاش وتدهنى الصينيه زيت وبعدين تحطى الجلاش بس مش كله تقسميه نصفين وتحطيه بين كل طبقه والاخرى زيت وبعدين تحطى الخلطه الا عملناها وبعدين تحطى بقية الجلاش على الخليط وبعدين تحطى الشوربه وتحطيه فى الفرن وبالهنا

تسلمي الف شكر

مشكورة اختي
وتسلمي على الطريقه

تسلم إيديكي و يعطيكي العافية حبيبتي
و صحتين عليكم يا رب