كيفكم حبيباااتي ... ان شاء الله تكونوا بخير
زمان ما نزلت شي بهالركن الحلو
معلش سامحوني
بس والله بدي درووس في تنظيم الوقت
لما بعمل مسخن .. بستعمل هون الخبر الايراني لاني بلاقيه اقرب شي
لخبز الطابون
ولما كنا في ابوظبي وين ما كان ممكن تلاقي هالمخابز .. وجنب بيتي بالزبط كمان
وهلا احنا في دبي .. وفي منطقه مافيها هيك نوعية من المخابز
طب أجا على بالي مسخن .. شو أعمل
كنت لسه شايفه خبز القمر ام مالك .. بس انا ما عندي فرن متل نوعية فرن ميسو
لحسن حظي كمان كان مارق علييي موضوع عن كيفية عمل خبز الطابون على الغاز
بعدين في الفرن .. وأنا فعلا آآآسفه لاني مش قادره اتزكر الموضوع كان لمين
عجبتني الطريقه وانحفرت في ذاكرتي بس ما خزنت الموضوع عندي فراح عن بالي اسم صاحبة الموضوع
المهم صبايا .. متل ما بتعرفوا انا بحكي كتير .. وما بنفع انزل موضوع بدون ما ادردش شوي
يعني تطبيقي كان بمكونات ميسو والطريقه مممم ان شاء الله لو صاحبتها دخلت
موضوعي تزكرني فيه
وانا عملت تقريبا 6 اكواب طحين عملوا معي اربع ارغفه
وقدرت باقي المقادير متل ما عملت ميسو
وهاي العجينه بعد اختمرت
هون لما قرصت العجين وتركته يرتاح شوي
انا عملته يوم السبت .. جوزي اجازه في البيت .. وهو بحب شي اسمه مطبخ
بس قليل ليتركني القطه بالكاميرا .. ولما دري اني عم اعجن حكالي انا بدي افرد
بس ما حس غير وانا بعمل تيك بالكامير خخخخخخ
ميسو الصراحه جربنا نعمل بالعجينه متل البيتزا .. نلولح فيها بالهوا
ما بدي احكيلك شو صار خخخخ .. بس منيح انها ماصارت على الأرض ههههه
هلا فكره الغاليه اللي عجبتني
نشغل الفرن من فوق ومن تحت بنفس الوقت اللي تركنا فيه العجينه ترتاح
وقبل بشوي نحط صينية الفرن علىالغاز من فوق ونخليه على النار ليحمى
ونفرد عليه الخبز شوي ليبدا يتحمر من تحت
بعدين ندخل الصينيه للفرن ثواني وبتحمر الوجه
يعني العمليه كلها كانت تاخد اقل من نص دقيقه
طبعا اول رغيف كان مأساه .. معلش ماهي تجربه بس بعدين صارت اسهل
احزروا هاي ايدين ميييييييييين .. ؟؟؟
ويا الله شو طلعوا الخبزات بشهووووووووا .. عنجد انبسطنا كتير
واكلنا كأنه صارلنا قرن مو ماكلين مسخن
معلش اول رغيف كان تجربه
بس البااااقي يميميميييييي
وهاي أحلى مسخن عملته
وهاي الخبز عن قريييييييييييب
صراحه كل ماراح اعمل مسخن راح اعجن
الا ازا كانت عزيمه وبدها خبز كتير خخخخخخخخ .. هيك فوق طاقتي ههههه
مووووووووووووووووووواه كبيره لميسو ولصاحبة الفكره
شو رأيكم حبيباتي ان شاء الله الخبزات عجبوووووكم
ما تنسوني وعيلتي واولادي من دعاءكم حبيباتي
دمتم بحفظ الرحمن ورعايته
الروابط المفضلة