عيد سعيد عليكم جميعا
أهلا بأحبابى و بركنى الجميل المفضل
أشتقت لكم جدا جدا يا غاليات
محبتش اجى بأيدى فاضيه لاعز الاحباب
جبت معايا مشاركه بسيطه لابنتى الحبيبه شخبط شخبيط
لموضوعها الرائع و المفيد لانه سريع و يفك زنقات كتير
جزاكى الله خيرا حبيبتى و فى ميزان حسناتك
حقدم الكانولونى لانه من الاصناف المحببه لاسرتى جدا و السريعه و جميله فى التقديم
الكانولونى
المقادير و الطريقه سبق و قدمتهم على هذا الرابط
و لعيون ابنتى الحبيبه ام ياسمين حقدم صور جديده للخطوات و اطباق جديده
الطريقه
عملت العجينه بخلط كل المقادير مع بعض جيدا لعجينه سائله و تركتها ترتاح قليلا
سخنت طاسه تيفال بعد دهنها بالزيت جيدا و صبيت جزء من العجينه
عندما احمر قليلا قلبته على الوجه الاخر
و كررت القلى حتى انتهاء العجينه كلها
فردت قرص الكانولونى و وضعت العصاج و هو الحشو المفضل لاسرتى على القرص و بدأت الفه
اصبح عندنا أصابع من الكريب وضعتهم فى صنيه مدهونه و وضعت عليهم الصوص و الجبن
و دخلتها الفرن لتسيح الجبن و تسخن
عملت كميه صغيره بشكل مختلف لتكون لذيذه فى التناول
بعد ان لفيت اصابع الكانولونى قطعتهم لقطع متساويه و صغيره الحجم
و وضعت عليهم كاتشب بدلا من الصوص و عليه الجبن المبشوره
اصبح شكله جميل و كأنه اصابع محشى صغيره سهله الاكل و هذا كان شكله
و هنا عند التقديم
أتمنى طبقى يكون عجبكم و عجب حبيبتى ام ياسمين
و كل سنه و أنتم بخير و صحه و سعاده
لالالالالا تنسوا الدعاء لأولادى
الروابط المفضلة