كيتي ماشاالله حاجات تهبل ممكن طريقة كروكيت الدجاج

وصفرة عامرة

كتبت بواسطة SwEeT BeBa

كل عام وانتم بخير ...

كيفكم اليوم حبايبي يارب يعينا علي الصيام والقيام

بمناسبة شهر رمضان أقدم لكم هدية بسيطة

هذي طريقة عجينة بصرااااااااحة تجنن ووصلتلها بعد عدة تجارب ولقيت انها أفضل ما قمت بإبتكاره لانه بصراحة هشة وخفيفة وممكن تستعمل حلو وحار وتقدري في نفس الوقت تشكلي منها أكثر من نوع ...

المقادير

4.1/2 كوب دقيق
2 ملاعق كبار خميرة فورية + ملعقة كبيرة سكر في 3/4 كوب ماء دافئ
1/2 ملعقة كبيرة ملح
4 ملاعق كبار زيت نباتي أو زبدة سائلة
1.1/4 كوب ماء دافي قابل للزيادة
ظرف بيكنج باودر
8 ملاعق كبيرة مملؤة ( يعني مكومة ) حليب ناشف

الطريقة
نخلط المقادير الناشفة بعد مانكونوا مزجنا الخميرة والماء والسكر وتركناهم حتى يزيد حجمها
نضيف الزيت ومزيج الخميرة ونعجن بحذر ثم نضيف الماء بالتدريج ونعجن جيداً علي اللوح او الطاولة فترة 10 دقائق حتي تتكون عجينة متماسكة وطرية .

وبعد التخمير نستعملها كما نحب

أنا عملت منها بيتسا ومحشية الاطراف بالتن والهريسة وكانت يمممممممي

وهنا صنف حلو علي شكل مراوح وبعد أن خبزتها دهنت الوجه بالمربي وهي ساخنة ورشيت لوز مهروش

ولفائف التن

وخلية نحل محشية بالفيلادلفيا و رشيت علي الوجه قرفة مرحية وبعد أن طابت ضفتلها شربات ثقيل وبارد وهي سخونة وزدت قرفة علي الوجه للي يحب

إن شاء الله عجينتي تعجبكم وتفيدكم لانها بالصراحة روعة وعملية هلبة

وصحتين والف عافية

حبيبتي سويت الله الله شهيتينا كلك ابداع

الله شن هاحاجات لحلوه ماشاء الله عليك وصفره دايمه
بيبا يسلمو يديك حاجاتك كلها تهبل طبعا ماهو من يديك





كيتي نبي نقولك حاجه ياريت اديري تعديل في رد الاول بكلللللللللللللل وتحطي فيه رابط الي في صفرتك اسهل نحس فيها لان كل واحد لما يخش طول يخش على الفحه الاولى
وهكي مايدوخيش بين الصفحات وكل ماينزل حد ديري تعديل وتحطي الرابط
سامحيني كان نفختهالك ههههههههههههههههه

صحة شريبتكم يا بنات
كيتى ماشاء الله صحتين عليكم انتى بنت ولا متزوجة؟ ( متاع وحدة بتخطب ههههههههه )

احنى فاطرين اليوم صيامنا غدوة

على فكره حتى انا اول مافتحت طووووووووووووول على ركن المعجنات ندور في الملف هدا باش نشوف صفرتك
مالقيتاش استغربت مشيت لصفحه التلنيه في الاخييييييييييييييييييير
لقيته متبت
الف الف الف ال الف ال ال الف مبروك التبيت تستاهلي والله افكار روعه

صحة شريبتكم يا عويلة
ما شاء الله لحقتي تنزلي الصور مع انك مع عويلتك
مصلي على النبي عليك وعلى اللمة الحلوة

ام السنفور البنت تقول ليك فاطرة عند عزوزتي وسلفي وابصر شنو تقولي ليها متزوجة او لا ههههههههههههه اما عليك حركات استاااااااااااااااحتك والله

مبروووك رمضااانكم يا بناااات

اهلا بام السنفور حتى احنا زيكم غضوه
على فكره كيتي متزوجه حي عليك كان يسمعك شنبيرها ههههههههههههههههه

كتبت بواسطة FARFORA

كيتي ماشاالله حاجات تهبل ممكن طريقة كروكيت الدجاج

وصفرة عامرة

كيف حالك يا فرفورة ...... سلمك يا حبيبة

بالنسبة لكروكيت الدجاج ... بما أنه نعتبره من المعجنات نقدر نعطي مقاديره هنا في هذا الركن

طبعا المقادير على حسب عيلتك

بطاطا مقطعة طروف و مسلوقة و مهروسة لين تخليها لينة
جزر مبشور ... و هنا حلاوة الكروكيت في الجزر المبشور
أي جبنة تحبيها مبشورة
معدنوس مفروم ناعم
صفار بيض
دجاج طايب و منتفتيه طروف صغيرات
فلفل أكحل
ملح
تخلطي المقادير كلها و تعجنيها عجن و بعدها تخلي ايديك مبلولات شوية بالمية لأن هالعجينة ميزتها تلصق في الإيدين
ديرها كراكيب و الا صويبعات و الا كيف ما تحبي

و حطيها في صفرة واسعة و أحسن شيء تحطيها في الثلاجة و تخليها على الأقل ساعتين راح تشد هلبة و بعدها غمسيها في البيض ثم الخبزة المرحية و مادابيك تكملي المقدار كله بالتغميس و التلبيس و بعدين اقلي على طول لأنها اطيب على طول .... لازم يكون الزيت غارق و سخون على الآخر و أول ما تحطيها اقلبي فيها و هي بروحها راح تتساوى زواياها و تولي دائرية

و بعدها ستفيها في الطبق اللي تبيه و رشي عليها نعناع يابس مرحي

ان شاء الله افدتك يا ربي

كتبت بواسطة libyaa2

الله شن هاحاجات لحلوه ماشاء الله عليك وصفره دايمه
بيبا يسلمو يديك حاجاتك كلها تهبل طبعا ماهو من يديك





كيتي نبي نقولك حاجه ياريت اديري تعديل في رد الاول بكلللللللللللللل وتحطي فيه رابط الي في صفرتك اسهل نحس فيها لان كل واحد لما يخش طول يخش على الفحه الاولى
وهكي مايدوخيش بين الصفحات وكل ماينزل حد ديري تعديل وتحطي الرابط
سامحيني كان نفختهالك ههههههههههههههههه

سلمك يا ليبيا .... لكن الحق دوختيني قعدت نشوف في حاجة نقدر نعدل بيها الرد الأول و نحط الرابط ما لقيتش وريني بالك اني اللي رايحة و هي فكرة مش عادية

كتبت بواسطة ام السنفور

صحة شريبتكم يا بنات
كيتى ماشاء الله صحتين عليكم انتى بنت ولا متزوجة؟ ( متاع وحدة بتخطب ههههههههه )

احنى فاطرين اليوم صيامنا غدوة

ههههههههههههههههههههه الله يعطيك الهنا يا أم السنفور .... نقولك مع عزوزتي و سلفي ... شن معناه ههههههههههههههههههههه
الله يعطيك الهنا خليتيني ضحكت

ربنا يتقبل منا و منكم الصيام يا رب

تمنينا انا توحدنا في الصيام لكن قدر الله و ما شاء الله فعل

كتبت بواسطة libyaa2

على فكره حتى انا اول مافتحت طووووووووووووول على ركن المعجنات ندور في الملف هدا باش نشوف صفرتك
مالقيتاش استغربت مشيت لصفحه التلنيه في الاخييييييييييييييييييير
لقيته متبت
الف الف الف ال الف ال ال الف مبروك التبيت تستاهلي والله افكار روعه

الله يبارك فيك .... هذا فضل من ربي أولا و بعدين المشرفات اللي شافوه انه يستاهل و تعرفي علاش .... لأنه بفضل هالوجوه السمحة المشتركة في الموضوع
بيكم بس الموضوع منور

كتبت بواسطة ماما الاء

صحة شريبتكم يا عويلة
ما شاء الله لحقتي تنزلي الصور مع انك مع عويلتك
مصلي على النبي عليك وعلى اللمة الحلوة

ام السنفور البنت تقول ليك فاطرة عند عزوزتي وسلفي وابصر شنو تقولي ليها متزوجة او لا ههههههههههههه اما عليك حركات استاااااااااااااااحتك والله

مبروووك رمضااانكم يا بناااات

و الله يا ماما آلاء لما قريت الرد متاعك ضحكت لين الجماعة اللي معاي سمعوني
هههههههههههههههههههههههههههههههههههههههههههه

معليشي ما تواخديهاش .... تفكر في الصيام غدوة راسها داخ شوية و خاصة مع السنفور

و الله تصدقي الفطور جري في جري باش نفطرو فيسع و نلحقو على التراويح في الجامع لكن قدر الله و ما شاء فعل ... كنت بنمشي لجامع بحداي اسمه بن نابي فاتني الوقت ... مشت قالتلي سلفتي نمشو حتى لجامع قريب منا هلبة اسمه عيسى الأوسي و لما مشينا لقينا الرجالة مش مخليين مطراح الا و يصلو فيه حتى من مدخل النساء و الله مروحة و دمعتي في عيني

صليت صلاتي و استغفرت ربي و قعمزت نزلت الصور على طول لما كانت عزوزتي و سلفتي يصلو و بعدين انضميت ليهم باش نكملو الهدرزة

كتبت بواسطة libyaa2

اهلا بام السنفور حتى احنا زيكم غضوه
على فكره كيتي متزوجه حي عليك كان يسمعك شنبيرها ههههههههههههههههه

هههههههههههههههههههههههههههههه يا عطيهالك يا ليبيا .... هههههههه

الله يهنيكم بس ....

صحة شريبتكم ياصايمين الا حني ياحسرة الصيام والفطر زي بعض والله اليوم فات عليا مانحكيلكمش بالدف كان من كلمني راني بكيت استغفر الله العظيم وخلاص
كيتي اعطيك الصحة صفرةحلوة وتجي في الخاطروبالنسبة لتنزيل الصور مفكرة نستعين بصديق وكان صار مني انشالله بنشارك معاكم حتى كان مش هديك الفلاحة لكن اهو ندفروا

كتبت بواسطة مغتربة 2

صحة شريبتكم ياصايمين الا حني ياحسرة الصيام والفطر زي بعض والله اليوم فات عليا مانحكيلكمش بالدف كان من كلمني راني بكيت استغفر الله العظيم وخلاص
كيتي اعطيك الصحة صفرةحلوة وتجي في الخاطروبالنسبة لتنزيل الصور مفكرة نستعين بصديق وكان صار مني انشالله بنشارك معاكم حتى كان مش هديك الفلاحة لكن اهو ندفروا

يا حبيبة يا غالية انتي غير اسئلي و اني راح نعاونك في تنزيلهم بعون الله تعالى

مش مهم الشطارة المهم انه الواحد تحرك و طيب و بعدها راح يتفنن

و مرات الحاجة انتي تشوفيها عادية و هي في نظرنا حاجة جنان

انييييييييييييييييييييييييي نراجييييييييييييييييييييييييي فيييييييييييييييييييييييك