كتبت بواسطة ايور

الله واكبر مااا شاء الله اعليكم كلكم عيني اعليكم باردة

ورمضانكم مبااااااااااااااااارك ...

وممكن طلب معليشي نبي حد يعطيني حاجة انديرها بورق الجلاش؟؟؟؟

اهلا بيك اختى ايور ورمضان كريم ان شاءلله

تقدرى اديرى بيه البوريك يجيك حلو ومقرمش

السلام عليكم ورمضانكم مبارك وربي يعينا جميعا علي صيامه وقيامه
امس كنت مريضة في حالة لكن قاومت ودرت فطوري وصورته زيادة نبي نشارك معاكم وقعمز راجلي مسكين بعد روح من التراويح وقعد يتعانى مع الصور بيش ينزلهم وفي الاخير أيس ناض رقدوماصار شي لكن باذن الله قاعدات غير يفضى يحاول تاني وفطوري بالمختصر كان شربة عربية وهذه لازم كل يوم ومحشي وبيتسا وسوسيرول اللحم المفروم طريقو من نانا ربي يرزقها الذرية عاجلا غير آجل وطعمتها رهيبة بالفعل وطبعا سلاطة ودرت الحلو لقمة قاضي والصغار بسلامتهم يادوب خلولنا بيش نفطروا واللي فضل لحقوا عليه عالفطور قضوا عليه صحتين
واليوم مزال نفكر اندير بوريك خضرة وبالك كفتة دجاج مع الشربة وفاضل بيتسا ومحشي من امس
وادعولي ربي يقدرني راني نمشي بالدف

اسره السهر
الله يسلمك وتسال عليك الايام الطيبه

السلام عليكم ورحمه الله وبركاته

كل عام وانتم بصحه وسلامه ومبروك عليكم رمضان

ماشاءلله تبارك الله لميتي الاحباب والاصحاب ياكيتي الله يبارك فيك وفي وقتك ان شاءلله وماشاءلله صفره تفتح النفس ربي ينولك مافي بالك

مغتربه
ياحبيبه كيف حالك وحال الصغيويره ان شاءلله بخير تعالي هني قوليي طريقتك في لقمه القاضي ضرووووووووووووووووووووووووري

كتبت بواسطة العجولة

فطور اليوم
شوفو السفره

توا شوفو كل طبق بروحه
الكباب بالعجين

البيتزا المظفوره

طاجين البيتزا


الشاورما

أنشالله أتكون سفرتي واضحة

يالله ياحبيبات نبي الردود
ودعواتكم

ماشاءالله يا العجولة ربي يسلم ايدياتك ان شاءالله سفرة تهبل ولا الشاورما تهبل الملفوفة في الورق ههههههههههههه تتمني غير تنطي عليها الف الف صحة على قلبوبكم وربي يسلم ايديات الي دايراته وينوله الله الي في باله امين

يا رب يااااااااارب رزق نانا الدريه في هاشهر يااااااااااااااااااااارب

تعرفو امس زعميك بنصور الماكله بعد ماستفتها وكل شي وعاد من الجوع ادن الادان من هنا وانا وراجلي طحنا فيها خشره ههههههههههههه
مانتبهت الا بعد ماكملنا هههههههههه
ان شاء الله اليوم بادن الله

نبي نسال العجوله هداكيف طاجين البيتزا ولا اي حد يعرف يجاوبني

يالله ياوخيات هدا سفرتي اليوم
بسم الله توكلت على الله


الأنواع شرائح الجبن المحشيه


الأقماع المحشية بالجبن

بيتزا

بطاطس بالفرن

أنشالله يكون عجبكم

يسلموووووووووووووووو ماشاءلله

أهلين أختي libyaa2
طجين البيتزا المشكله
عجينتها نفس عجينة البيتزا بس بعد تفرديها في الطجين ديري عليها صلصة ولا مفروم
وتن وجبنه وزيتون وأي حجه أنتي تبي أضيفيها وحطي عليه بطاطا مقليه نصف طياب
غطي بيها الطاجين
وبعدين ضيفي عليها بيض مخفوق ومعدنوس
وحطيها في الفرن